TAIGÜTHUM 19:30 - Cho Bible Common Language 2016

³⁰ Kyin hnüüp cu nami k’pan kheng vai. Kei nami na khawihnah nak ah hmun cu nami m’tam ngak vai. Kei cu Bawipa nei.

TAIGÜTHUM 19:30 Referans Kwoze

TAIGÜTHUM 26:2

Yum nak pawi gui cu nami bi kheng geng vai, kei nami na khawihnah nak ah hmun cu, nami m’tamkhah vai, kei cu Bawipa nei.

THUSHÄUTU 5:1

Taigüim ah nami hteh ung ng’thei vai ah hteh cu ni pi ci. Nami geing nak vai. A cu ah hteit ne ngaih yak cu a hma la a hman kä hmat ciah chang gu-ang naw khawihnah a douthak ah ta bä tuba ci.

TAIGÜTHUM 19:3

Nangmi a chang sing naw nami nu la nami pa cu nami chang m’sui vai. Kyin hnüüp cu nami k’pan khek vai. Cun cu thumkhän ka ning pek gui ah kyak ci. Kei cu Bawipa nami Khanpughi nei.

2 KORIN 6:16

Khanpughi ah pum im cu a gup gui awn ng’thu kä khän hlawt khai gui. Mikmi cu Ghing ciah Khanpughi ah Pum im ah mi kyak ci! Khanpughi amät naw; “Ka chang gui awn ka im ka pyang khai, Ami ng’lung ah ka om khai! Kei cu ngami ah Khanpughi, Ngami cu kei ah chang gui ah kyak khai gui” ci ne pyein ci.

MATTHE 21:13

Cun kawn ah Bawipa Jesuh naw, “Cacim ung Khanpughi naw, ‘Ka pum im cu taigü nak ah im ah kya ci nei,’ cik ci. Cun ung phi nangmi naw m’guk ei ah ng’thuh nak ah nami pyang ci nei,” cine kyak na gui ci.

SAM 89:7

Theingcim ci gui ah kongsi ung nang cu kyih aa vai ah na kyak ci, ngami ami van ah ka ah ng’düi ci gui.

TAIGÜTHUM 16:2

Ani naw “Na nau Aaron am na m’thein ba vai, ani cu yihdung ah ak um a theingcim nak pikbäih ung amät ah khin bäng ung a hteh vai, a i ah kyasei ci ung cun ung, Thumkhän M’küm ah a khüm ah khan ung, khongmei ung kei cu ka ng’dang ci. Ani naw kä a ngaih ah a kyak ung ani cu ngawn vai kyak khai nei.

PHYAWN NAK 20:8

“Kyiin hnüüp cu ngaih na ne nami theingciim sak vai.

1 PETER 4:17

M’khoichaa nak ah a khin cu gawk law pyi ci nei, Khanpughi amät ah chang gui cu m’khoichaa nak gah ma khai gui nei. Cun cu mikmi ung a tün ah a kyak ung, Khanpughi ah Thu Ni kä yum ciah chang gui ah khan ah akhüt ung a i cha ah kyak khai ang?

2 SHONTÄP NAK 36:14

Cun kawn ah Judah ng’vai gui, taigü gui la chang gui naw ami peileng ah chang pakhui gui ah katnak om ih cu läk u ne, a gup khawihnah u ne Bawipa naw a theingcim sak Taigüim cu lelawi sak ci.

2 SHONTÄP NAK 33:7

Ani naw Taigüim kyong ah a gup tha ci, cun cu Khanpughi naw David la a hta Solomon am shikcha ah a pyen nak ah hmun ah kyak ci: “Israel pakhui gha lei goi ah khopäng avan ungka, kei na khawihnah nak vai ah hmun ah kei naw ka ghü cu shin ah Jerusalem, shin ah Taigüim ah kyak ci.

TAIGÜTHUM 15:31

Israel chang gui ah kä ami theingthap nak akbäi nak gui vai ah Moses am Bawipa naw pyen nak ci. Cun ah kyasei ani ah om nak ah Phung cu ngami naw kä lelawi sak ci gui, cun cu shaum pigaw ah ang lung ung om ci. Cun ami bi ah a kyak ung ngami cu ngawn gui khai gui.

TAIGÜTHUM 10:3

Cun kawn ah Moses naw Aaron am, “Shin cu Bawipa naw a yuk ng’thu law yah ung a pyen ah mawng ah kyak ci, ‘Kei ah khuut bik ci phung naw kei ah theingcim nak cu a kyih aa vai; kei naw ka bämang nak cu ka chang gui ung ka m’than khai’ cik ci.” Cun ung phi Aaron cu kä chawkchek ne om ci.

EZEKIEL 9:6

Aghipa, chang nong, hnumi nong, nunu gui, hta hmaw gui, ngawn gui vä. Cun ung phi am calai ung m’hnüt nak om cicu kä name tawn en vai. Shin ah kei ah Taigüim pei ung name tün vai.” Cun ah kyasei ngami haw Taigüim pei ah ng’düi ciah ang vai gui ung tün ci gui.