TAIGÜTHUM 19:3 - Cho Bible Common Language 2016

³ Nangmi a chang sing naw nami nu la nami pa cu nami chang m’sui vai. Kyin hnüüp cu nami k’pan khek vai. Cun cu thumkhän ka ning pek gui ah kyak ci. Kei cu Bawipa nami Khanpughi nei.

TAIGÜTHUM 19:3 Referans Kwoze

PHYAWN NAK 20:12

“Na nu la na pa cu na chang m’sui vai, cun ung ka ning pek ah khaw ung ghing shon ne na om khai.

PHYAWN NAK 20:8

“Kyiin hnüüp cu ngaih na ne nami theingciim sak vai.

HEBRU 12:9

Hnicim chang mi pa naw hma m’kyuk ne nam cäi gui sei, mikmi naw phi mik chang m’sui ci. Cun ah kyasei mümcha lam ung mi pa ah nam cäi nak gui läi cu ak tung pui ah ngai ne mi ghin püi vai ah kyak ci nei.

NG'THU K'THUUK~ 30:17

Apa gaih m’gin ne ghi lawk ciah anu päipih ciah chang cu langta gui naw ei khai gui nei, kaap gui naw amik kawih khai gui nei.

TAIGÜTHUM 11:44

Kei cu Bawipa nami na Khanpughi ah kyak ci, nangmi cu nami theingcim vai, a i ah kyasei ci ung kei cu ka theingcim ci.

ISAIAH 58:13

Bawipa naw pyen ci, “Nangmi naw kyiiin na hnüüp cu theingthap sak ne, a cu hnüüp nami mät ah Ng’zak hlü ah kä om ne; kei ah theingcim ciah hnüüp cu m’kümto u ne, m’tamkhah u ne; kä hteit hton ne, kä ng’bilo ne, kä ng’thu she ne nami kyak ung;

NG'THU K'THUUK~ 30:11

Apa plahtam ne anu kä yum ngak ciah chang amshah om ci,

NG'THU K'THUUK~ 23:22

Na pa na ngaih vai, ani kä a om ung nang kä na om khai. Na nu a ghi law ung ani naktung aih nak cu na m’dang vai.

THULÄÄN NAK 27:16

“Khanpughi ah plah taam nak cu anu, apa, kä m’tamkhah ciah chang päng ah khan ah gawk sä. “Chang avan naw ami m’shan vai cu, “Amen!”

PHYAWN NAK 21:17

Apa baw, anu baw plah taam ciah chang cu amät ngawn vai.

PHYAWN NAK 21:15

“Anu pa tuthat ciah chang cu amät ngawn vai.

PHYAWN NAK 16:29

Nami shüm ba vai, kei, Bawipa naw, düm nak hnüüp ka ning pe gui ci, cun ah kyasei a chuk hnüüp ung, kei naw hnüüp goi nami ei vai ka ning pe gui khai. A chih hnüüp ung van a om vai, a u naw im kä a phlän en vai” cine m’thein ci.

MALAKHI 1:6

Hlüngtai ciah Bawipa naw taigü gui am, “A hta naw apa cu chang m’sui ci, ashäm naw abawi cu chang m’sui ci. Kei cu nami na pa — a i ah kyasei kä nami na chang m’sui ang? Kei cu nami na bawi — a i ah kyasei kä nami na kyih aa ang? Nangmi naw nami na päipih ci, cun ung phi a i hawkcha ah ang kami ning päipih? nami cik ci.’

EZEKIEL 20:12

Kami ng’lak ung yum ät nak m’hnüt nak ah kyiin hnüüp cu ami k’pan vai ah ka pyang gui ci. Acun naw ngami theingcim sak gui ciah kei, Bawipa cu shüm sak gui khai.

TAIGÜTHUM 26:2

Yum nak pawi gui cu nami bi kheng geng vai, kei nami na khawihnah nak ah hmun cu, nami m’tamkhah vai, kei cu Bawipa nei.

NG'THU K'THUUK~ 1:8

Ka hta, napa la na nu ah ning m’cäi cu geing na ne na ngaih vai.

TAIGÜTHUM 19:30

Kyin hnüüp cu nami k’pan kheng vai. Kei nami na khawihnah nak ah hmun cu nami m’tam ngak vai. Kei cu Bawipa nei.

TAIGÜTHUM 23:3

Nangmi ung nami bii nami bi nak vai ah khaw hnüüp chuk om ci. Cun ung phi a hnüüp chih hnüüp kyin hnüüp cu, ng’düm nak ah hnüüp ah nami shüm ba vai. Cun ah hnüüp ung a i kä nami bi vai, khawihnah vai ah nami ng’bum vai. Nangmi a hawi nami om ung phi, kyin hnüüp cu Bawipa ah khäm ah kyak ci.

THULÄÄN NAK 5:16

“Na nu la na pa na chang m’sui vai. Kei, Bawipa na Khanpughi naw ka ning thumkhän ci. Cun ung nang ung avan bä nak om khai. Kei naw ka ning pek ah khaw ung ghing shou ne na om khai.

ATÜNNAK 48:12

ak hmaw goi cu la ba goi ne, m’dek ung a hmai gawk khai ah ama ah kawp ci.

TAIGÜTHUM 19:25

Cun ung phi a kum hma kum am theih cu nami ei vai. Cun ah avan nami bi ah a kyak ung nami sing gui cu m’theih law pi khai. Kei cu Bawipa nami na Khanpughi nei.

TAIGÜTHUM 19:31

Aksi ah mümcha naw a luh nak ah chang cu m’cumcäi vai ah kä nami hteh shi vai. Cun ah nami bi ah a kyak ung nangmi cu kä theingthap ciah nami kyak khai. Kei cu Bawipa nami na Khanpughi nei.

TAIGÜTHUM 19:34

Nami Israel chang paw ah mäih ah nami om püi gui vai. Nami mät naw nami mät nami m’hni ah mäih ah nami m’hni gui vai. Yan ä nangmi cu Egypt khaw ah khaw hei chang ah nami kya man ci nei, nami shüm ba vai. Kei cu Bawipa nami na Khanpughi nei.

NEHEMIAH 9:14

Na ng’chiin nak hnüüp cu theingcim khai ah ami k’pan vai ah na m’theingthang gui ci, Na ng’thukhän gui cu na changshäm Moses ung na pe gui ci.