TAIGÜTHUM 19:29 - Cho Bible Common Language 2016

²⁹ “Nami hta hnumi gui cu chang pawmyau ah kä nami kyak sak vai, kä nami thüi sak vai. Cun ah nami bi ah a kyak ung nangmi cu a hei khanpughi gui ah nami ng’hlat ci kyak khai. Khaw avan phi m’guk plet nak awn be khai.

TAIGÜTHUM 19:29 Referans Kwoze

1 KORIN 6:15

Nami pumsa cu Bawi Khrih ah pumsa ah ng’phyeekpai ah kyak ciah nami hmat ci. Kei naw Bawi Khrih ah pumsa ng’pai cu la netah, chang hlawhlangnu ah pumsa ng’pai ah ka pyan ung bä khai ang! Kä bä khai nei!

TAIGÜTHUM 21:7

Taigü naw plet ciah hnumi, kä ng’lami htüm, ami nawng ah hnumi cu kä ak chu nak vai, ani cu theingcim ciah kyak ci.

TAIGÜTHUM 19:28

Nami mät naw nami mang kä nami guk vai. Aksi ah phäh ah thüsei ne pumsa kä nami k’phleim vai. Kei cu Bawipa nei.

TAIGÜTHUM 21:9

Taigü ah hta hnumi a plet ah a kyak ung, apa m’thüi ciah kyak ci, ani cu m’khih ne ngawn vai.

THULÄÄN NAK 22:21

Ngami naw cun ah hnumi cu apa ah im valuh nak ung law püi u neta, acun ah mang gaw chang gui naw ani cu lung awn vawi ne ngawn khai gui. Ani cu apa ah im ung a om yah ung kä a cei mah pha ung ng’yawpawm tu ne, mi chang gui ah ng’lung ah lü ng’a nak bik ciah kyak ci. A cuk cha ah nangmi naw akshe cu nami nawt heng vai.