TAIGÜTHUM 19:28 - Cho Bible Common Language 2016

²⁸ Nami mät naw nami mang kä nami guk vai. Aksi ah phäh ah thüsei ne pumsa kä nami k’phleim vai. Kei cu Bawipa nei.

TAIGÜTHUM 19:28 Referans Kwoze

THULÄÄN NAK 14:1

“Nangmi cu Bawipa nami Khanpughi ah chang ah nami kyak ci. Cun ah kyasei aksi ah phäh ah nami thüi kyah ung nami mät kä nami plawh kheih en vai, chang hei gui ah mäih ah nami lu hmai kä nami k’teiu vai.

1 GHANGPUGHANG GUI 18:28

Cun ah kyasei prophet gui cu m’lau law pi ne taigü ci gui, ami thung ah khim la sem gui awn ami si long khai ah ami sa aat ci gui.

TAIGÜTHUM 21:5

“A u taigü naw phi a thüi am dang nak ah a lu kä ak teiu vai, am khamu kä ak teiu vai, a pumsa kä ak phleim vai.

JEREMIAH 16:6

Büh mang ci la dukhaih ci gui cu shin ah kho ung sik khai gui, cun ung phi a u naw kä phuh gui khai, ngami ah phäh ah a u kä thüisei khai. A u naw phi a thüi am dang nak ah amät vun kä nat sak khai, alu kä k’teek khai.

TAIGÜTHUM 21:1

Bawipa naw Moses am thumkhän ne, Aaron tu taigü gui am a pyen sak cu, “A u taigü naw phi amätyah a sih ung, cun ah gook a htüm nak tu awn amät naw amät kä theingthap khai ah kä a bi vai.

MAKUH 5:5

Ani cu ng’cim hmun gui ah ng’lung la khomhtung yung ah, amü ak hnüüp viik ne m’lau ne, amät ah sa amät naw lung awn shudeng ne om ci.

JEREMIAH 48:37

Ngami ami van naw ami lu k’teiu u ne ami m’khamu phi k’teiu ci gui. Ngami ami van naw ami kut aat u ne, chang nü naw suishe sui ci gui.

THU PHLAAN 20:4

Cun kawn ah mangkiaang gui cu ka hmuk ci. Cun ung ngok ci gui cu m’khoichaa nak vai ah huham ami peit gui ah kyak ci. Cun kawn ah Bawipa Jesuh ah m’dang ah düng nak la Khanpughi ah ng’thu ami pyein ah hmawk ah ami ngawn gui ah, ami mümcha gui cu ka hmuk ci. Ngami naw khiküi la ani ah gup cu kä khawihnah ci gui. Ami m’calai la ami kut ung phi khiküi ah m’hnüt nak cu kä la tuk ci gui. Ngami cu ghing ne tho law ba u ne, Bawi Khrit awn atäng ah khokum phiaa ghaa ung ghangpughang ah mäih ah uk tuk ci gui.

THU PHLAAN 19:20

Khiküi la ani ah maa ung cäi aih vai m’dang ciah purofet cu pha ne chum ci gui. (Cun ah purofet she cu khiküi ah m’hnüt nak gah ci gui la ani khawihnah ci gui-am cäi aih vai m’dang gui ne, cheishoh sak gui ciah kyak ci.) Khiküi la purofet she ani nik hnih cu, yam mei ah däi ciah meidäi ung yuk shum goi ci gui.

THU PHLAAN 16:2

Akhtük bäih ah khankho chang naw a eikbei ungka cu m’dek khan ah yuk huk khätah ah m’hnüt nak gah ci gui la ani ah a gup khawihnah ciah chang gui cu, ang htei ah ami m’neh m’awh vai ah hlut ne khei lawk ci gui.

THU PHLAAN 15:2

Cun kawn ah mei awn ng’caw ne k’tolung k’phlai nu ah mäih lawk ci cu ka hmuk ci. Khiküi ni, amät ah gup ni, ming khei nak khäm ci gui ni, ah khan ah näng nak gah ci gui cun phi ka hmu gui ci. Ngami cu Khanpughi ah peit gui ah tingtäu kawt u ne, ktoulung k’phlai ah mäih tuinu pei ah ng’düi ci gui.

THU PHLAAN 14:11

Cun ah meidäi ungka meikhu cu angtäi ah khu ne kai khai nei. Khiküi la a gup khawihnah ne ani ah ming awn m’hnüt nak gah ciah chang gui cu, amü ak hnüüp dinggei nak kä om khai nei” cine m’lau ci.

THU PHLAAN 14:9

Akthum nak khankho chang naw maa lawk ci goi cu läk law goi netah, “Khiküi la ani ah gup khawihnah ne ani ah m’hnüt nak cu alu ung baw, a kut ung baw gah ciah chang cu;

JOHAN 20:25

Cun ah kyasei apaw gui naw, “Bawipa kami hmu ba pyi ci nei” cine m’thein tuk ci gui. Thomas naw, “Akut ung ami khen nak ah hnün kä ka hmuh ung a kut awn ami khen nak ah ng’gai kä ka m’tham shüm ung, am’hnaak ka kut awn kä ka m’tham shüm ung, kä ka yum khai nei” cik ci.

TAIGÜTHUM 19:27

Lu gün ne lumu kä nami k’teiu vai, ng’being mu kä nami k’teiu vai.

TAIGÜTHUM 19:29

“Nami hta hnumi gui cu chang pawmyau ah kä nami kyak sak vai, kä nami thüi sak vai. Cun ah nami bi ah a kyak ung nangmi cu a hei khanpughi gui ah nami ng’hlat ci kyak khai. Khaw avan phi m’guk plet nak awn be khai.

TAIGÜTHUM 21:11

Ani cu kei ung ng’ap pyi ciah kyak ci, amät naw amät kä theingthap khai ah kä a bi en vai, kä cung theingcim ciah ka Phung nawng shüt ne phi kia, anu pa ah a kyak ung phi aksi htüm nak ah im ung luh ng’lang ne phi kia, amät naw amät kä theingthap khai ah kä a bi en vai.