TAIGÜTHUM 19:19 - Cho Bible Common Language 2016

¹⁹ “Ka thumkhän cu nami ngaih vai. Vuhchah ah seime gui k’caw ne kä ng’ghui sak vai. Lo tumat ung geit m’shi ming goi kä geit vai. Ming hnih awn tah sui, kä sui vai.

TAIGÜTHUM 19:19 Referans Kwoze

2 SAMUEL 13:29

Changshäm gui naw Absalom ah m’cäi cu läk u ne, Ammon cu ngawn ci gui. K’pawih ba ciah David ah hta gui ami van cu laa ng’cum u ne dawng ci gui.

2 SAMUEL 18:9

Ang ghit ah Absalom naw David ah chang amshah cu hmu gui ci. Absalom cu sela ng’cum ci, ani cu Oak sing ghing ban ung ng’cep shüt ci. Sela cu dawng ngei sei Absalom cu k’pawih shüt ne khaw häu ung ng’bat ci.

1 GHANGPUGHANG GUI 1:33

a pyen nak gui cu, “Ka yungbawi gui la gui ne, ka hta Solomon am ka ng’sela ng’cum sak ne, Kihon tuihta pei ah hteh püi vä,

ROMAN 11:6

Khanpughi ah ghü nak cu amät ah m’gein nak awn ah kyak ci, cun ah chang gui ah bilawh nak awn ah kä kyak ci. Khanpughi ah ghü nak cu chang ah bilawh om ih nak awn ah a kyak vaisü ung, ani ah m’gein nak cu m’gein nak akcang ah kä kyak khai süte.

ATÜNNAK 36:24

Zibeon ah hta goi cu, Aiah la Anah ah kyak ci, Anah cu apa ah ng’se gui shäm ne bung ah a om nak ah tui htalawng gui hmuk ciah kyak ci.

TAIGÜTHUM 18:4

Ka thukhän gui cu nami ngaih vai, ka thumkhän cu nami bi vai. Kei cu Bawipa nami na Khanpughi nei.

TAIGÜTHUM 19:37

Ka thukhän gui la thumkhän gui avan nami läk vai nei. Kei cu Bawipa nei.”

TAIGÜTHUM 20:8

Ka thukhän gui nami läk vai, a i ah kyasei ci ung kei cu Bawipa kei naw ka ning theingcim sak gui ci.

TAIGÜTHUM 22:31

Bawipa naw, “Ka thumkhän gui cu läk vä, kei Bawipa nei.

TAIGÜTHUM 25:18

Bawipa ah thukhän gui la thumkhän gui cu avan nami läk vai, cun ung nangmi cu shin ah khaw ung phyawng ne nami om khai.

THULÄÄN NAK 4:1

Moses naw chang gui pyen na gui ci, “Kei naw ka ning m’thien gui ah thukhän avan nami läk vai. Cun ung nangmi ghing u ne, Bawipa nami pupa gui naw a ning pek gui ah khaw cu nami khäm khai.

THULÄÄN NAK 4:5

“Bawipa ka Khanpughi naw ka bi vai ana m’thein ah mäih ah thukhän avan ka ning m’thein gui ci. Nangmi naw tu ne khäm ne nami om law nak vai ah khaw ung cun gui cu nami läk vai.

LUKA 5:36

Bawipa Jesuh naw m’tumtäng nak tumat am thein ba gui cu,” a u naw phi sui akthai k’teek ne, sui akkheei kä k’dawm man ci, cun ah k’dawm ah a kyak ung sui akthai phi di ne, sui akkheei naw phi kä kyom nak khai.