TAIGÜTHUM 19:18 - Cho Bible Common Language 2016

¹⁸ A u chang ah khan ah phi phu kä na tuk vai, käcung kä na thüi nak lä vai. Cun ung phi na paw chang cu na mät na m’hni ah mäih ah na m’hni vai. Kei cu Bawipa nei.

TAIGÜTHUM 19:18 Referans Kwoze

ROMAN 13:9

A i ah kya sei ci ung, “Chang ah k’chuhta kä na kat püi vai, chang kä na ngawn vai, kä na m’guuk vai, chang ah khawh kä na ng’yak hlü düt vai,” ciah thukhän gui la a hei thukhän avan cu, “Na chang paw cu na mät awn m’täng ne nam hni vai,” ciah thukhän naw avan a khüm yawp ah kyak ci.

KALATIAN 5:14

“Na paw chang cu na mät awn m’täng ne nam hni vai,” ciah thukhän läk ci cu, thukhän avan läk ciah kyak ci.

JAMES 2:8

Khanpughi ah uknak ah thukhän cu nami läk ciah a kyak ung düng cicu nami bi vai nei: Cun ah thukhän cacim ung om ci cu; “Na chang paw cu na mät awn m’täng ne nam hni vai nei,” ciah kiak ci.

MATTHE 19:19

Na nupa cu nak chang m’sui vai, nak chang paw cu na mät awn m’täng ne nam hni vai,” cine pyen nak ci.

ROMAN 12:19

Teihpüi gui aw, phu kä nami tuk nüng nüng vai, Khanpughi amät naw katnak cu m’htei khai nei. Cacim theing ung, “Kei naw phu ka tuk khai, katnak ah ciah kei naw ka thung khai,” ci ne Bawipa naw pyein ci.

ROMAN 12:17

Nami khan ah akshe bi lawk ciah a om ung akshe awn kä nami thung ba vai, chang gui ah maa ah ni kyom nak nami bi vai ah nami k’tha nak vai.

KOLOSE 3:8

Tuhbäi nangmi naw m’lungshe nak, beishet nak la thüigen nak ah amawng gui cu avan nami phiawn nak vai. Ashekha la amsheshai cu nami m’gawng m’lei ung kä lut-en law sä.

EPHESIAN 4:31

Thüisei nak, ngetngawng nak, m’lungshe nak gui cu nawng ge vä. Käng li ng’lai kä ng’plah ng’taang ba vä, käm thüikhang kä ng’gen hteet ba vä.

NG'THU K'THUUK~ 20:22

Cheishoh nak cu na pek ba vai ah na mat naw ka na lak vai, Bawipa ung na ap vai, cun cu ani naw hman sak khai.

1 PETER 2:1

Nami shetkat nak avan ng’hlah ta u ne, kä hleeihlak ne, kä thuvi ne, käm thüi m’khang ne, kä nawmpang kä ng’plah taang ne nami om vai nei.

HEBRU 10:30

“Kei naw phu phi ka tuk khai, pu phi ka thung khai, cine, Khanpughi naw ak chang gui cu ng’thumcha gui khai nei, ciah Bawipa cu mi hmat ci nei.

MATTHE 19:16

Kho hnüüp ät ung chang tumat cu Bawipa Jesuh ah law netah, “Sayapa, angtäi ghin nak gah vai ah nik ciah bi a i nei ka bi kaw?” cine ng’shik ci.

ROMAN 13:4

A i ah kya sei ci ung, ani cu nang ah ni nak vai ah Khanpughi naw ak chang ah am düih ah kyak ci. Cun ung phi katnak na bi ah a kyak ung ani cu na kyih vai, aniung akcang ah shet m’kat nak vai ah huham nak cu om ci. Ani cu Khanpughi ah changshäm ah kya ne, katnak bik ciah chang gui cu Khanpughi ah huham awn m’shetkat gui ciah kyak ci.

2 SAMUEL 13:28

Achangshäm gui cu m’cäi gui ne, “Nami geing nak vai, Ammon naw akdäm a awk law ung, ka ning khü gui khai, nami ngawn vai, kä nami kyih vai. Kei naw ka mät ah bi vai cu ka bik khai. Nami nget vai, kä nami kut ng’gin vai!” cine m’cäi gui ci.

2 SAMUEL 13:22

Absalom naw Ammon cu abe Tamar ak pyei ah phäh ah thüi nak ci, ani naw ng’htau ah phi kä ng’htau püi ci.

THULÄÄN NAK 32:25

Lam ng’kiung ung ng’tuk nak naw sih nak law püi khai, Kyih vai gui naw im kyong ung shudeng gui khai. Pami nong, hnumi nong gui sik khai gui, m’düm gui khai. Hmaw hta gui la a ghi ng’vai ci gui phi sik khai.

KALATIAN 5:20

a gup khawihnah nak, ng’pluh nak, kawng gaa nak, ng’tuk ah nak, vamneng nak, m’lung she nak, ei hlü-mang k’phya nak; ng’khoikhei nak, ng’phyek ng’pai nak;

SAM 103:9

Ani naw a phlüit ta a u kä m’kat ci, ani angtäi sei kä m’lungshe ci.

JOHAN 13:34

Tuhbäi Thukhän thai ka ning pe gui ci, “tumat la tumat nami ng’hni tu vai nei, kei naw ka ning m’hni gui ah mäih ah nami mät nami ng’hni tu vai nei.

1 JOHAN 4:21

Bawi Khrit ah na peit gui ah thukhän cu: Khanpughi m’hni ci naw, a phäi nau phi am hni vai nei, ciah kyak ci.

ATÜNNAK 4:23

Lamek naw a chu goi am, “Adah la Zillah awi, na ngai ni ä: kei nak shedam nak ciah chang nong tumat cu ka ngawn ci nei.

PHYAWN NAK 20:16

“Hleei pyen ne kä na saksi vai.

TAIGÜTHUM 19:34

Nami Israel chang paw ah mäih ah nami om püi gui vai. Nami mät naw nami mät nami m’hni ah mäih ah nami m’hni gui vai. Yan ä nangmi cu Egypt khaw ah khaw hei chang ah nami kya man ci nei, nami shüm ba vai. Kei cu Bawipa nami na Khanpughi nei.

THULÄÄN NAK 32:35

Bawipa naw phu tu ne ngami cu m’kyuk gui khai, Ngami ami yung kyak nak ah khin gawk lawk khai. Ami ng’yiin nak vai ah hnüüp cu ng’et lawk ci.

LAMKTU 16:28

Cun ung phi Paul naw, “Kä ng’cawh en ä, keimi kami van shin ung kami om ci nei” cine m’lau ne hawh ci.