TAIGÜTHUM 19:17 - Cho Bible Common Language 2016

¹⁷ “Chang tumat mat hnungtuk ne m’lung kä m’hni nak kä na m’dang vai, cun ung phi ani awn kä täng khai ah na om vai. Cun ung ani ah hmawk ah nang naw katnak kä na bik khai.

TAIGÜTHUM 19:17 Referans Kwoze

1 JOHAN 2:9

Akdei ung ka om ci nei ci netah, a phäi nau gen ciah chang cu, a tuhchü hmüp khui ung om ciah kyak ci.

LUKA 17:3

Cun na kyasei geing na ne nami bilawh vai. “Na phäi nau naw a ning katnak ung, ani cu na m’cäi vai, ani ang yu ba ung akat nak nam gein vai.

1 JOHAN 2:11

Cun ung phi a phäi nau thüi nak ciah chang cu hmüp khui ung om ciah kyak ci; ani cu hmüp khui ung lula ci, cun ung phi a hawi lam a hteh kä hmat ci, a i ah kyasei ci ung hmüp nak naw ani ah mik cu m’dauh sak ci.

KALATIAN 6:1

Ka Phäi nau gui aw, chang tumat cu a cheishoh ah a kyak ung, Mumcha k’thamah nak om ci gui naw, m’cäi ne nami ng’düng ba sak vai. Cun cu om ni nak awn nami bi vai. Nami mät phi tüihtok nak ung kä nami gawk vai ah nami geing nak vai.

EPHESIAN 5:11

Hnüp khui ung om ciah chang gui ah bi, kä ak ni gui cu, kä nami bi en tu vai, cun gui cu nami dang sak vai nei.

ROMAN 1:32

Cun ah om ciah chang gui cu sih nak ung hteit khai gui ciah Khanpughi ah thukhän cu ngami naw hmat ci gui. Cun ung phi, ami mät naw shin ah shekhaa gui ami bi bäng ah kä kyak ciah, acun ah mäih bik ci gui cun phi k’cang nak ci gui.

NG'THU K'THUUK~ 9:8

A u a i ah kä hum tuk ciah chang cu kä nami m’cäi tu vai. Ani naw ning thüi nak gui khai. Cun ung phi cüivai ciah chang nami m’cäi m’ä tu ung ani naw ning chang m’sui gui khai.

TITUS 2:15

Shin ah a mawng cu m’theithang gui ne, thagui na peit nak gui la nam cäi m’ä nak gui ung, na huham cu ak be ah na mang vai nei. A u chang naw phi nang cu kä ning yokshe en ah sä.

2 TIMOTHI 4:2

Cun ah kyasei akhin a om ung phi, kä a om ung phi Thu Ni cu na pyein vai nei. Na thu ngai yak ci gui cu ami katnak dang sak gui ä, m’cäi gui ä, thagui pe gui ä, hnimgein nak awn m’theithang gui ä.

1 TIMOTHI 5:22

Bawipa ah khuut bik ci am kut taih nak peit nak cu kä nami bi ghet ghet vai, chang ah shetkat nak ung kä nami ng’caw yah tu vai, nami mät theingcim ne nami om vai.

1 TIMOTHI 5:20

Shetkat nak bik ciah chang cu, chang a hei gui ami kyihkyawk vai ah phäh ah, chang khli ah lung ah nami m’cäi vai nei.

1 KORIN 5:2

Cun hlawk ah shetkat nak om sei phi a i ah kya sei nami khähghah lä ang! A i ah kya sei cun ah hmawk ah kä nami thui ng’aa ang! A i ah kya sei cun ah mäih ah chang cu nami bum nak ungka kä nami k’täm ang!

SAM 141:5

Changni naw kei cu na m’kyuk sä, m’gein nak awn na m’cäi sä, cun ung phi changshe ah m’taam nak cu kä ka dou phung khai nei. A i ah kyasei ci ung ngami naw akshe ami bi gui cu, kei naw angtäi sei hnu ng’tuk püi ne ka taigü ci nei.

ATÜNNAK 27:41

Esau naw Jakob cu thüi nak ci. Apa naw Jakob am hriham a pek ah hmawk ah kyak ci. “Kapa a sih nak vai ng’et lawk ci, cun ung Jakob ka ngawn khai” cine ngaih-tüh ci.

2 SAMUEL 13:22

Absalom naw Ammon cu abe Tamar ak pyei ah phäh ah thüi nak ci, ani naw ng’htau ah phi kä ng’htau püi ci.

NEHEMIAH 13:17

Kei naw Jew chang vai gui k’ceet ne ka pyen nak gui cu, “Nami bi ah akshe gui cu teng vä! Nangmi naw kyiin hnüüp cu kä nami theingcim sak ci.