TAIGÜTHUM 19:16 - Cho Bible Common Language 2016

¹⁶ A u chang ah mawng phi hleei ne kä ngak vai. Chang tumat cu a hnun gui ah phäh ah yung ah angceet ah a kyak ung, na saksi nak naw m’htei tu hning vai ah a kyak ung, na ng’thu tu vai. Kei cu Bawipa nei.

TAIGÜTHUM 19:16 Referans Kwoze

PHYAWN NAK 23:1

“Ng’thukshe cu kä na k’püi tu vai, ng’thukshe awn saksi ne changshe kä na gun tu vai.

PHYAWN NAK 23:7

Kä düng ci kä na bi vai. Chang cu sih nak ung kä na shum vai. Kei naw cun ah mäih ah ak she bik ci phung cu ka m’kyuk khai.

NG'THU K'THUUK~ 20:19

Ng’pyen sak nak naw a i ka m’yih hlawt ci, Ng’thu akda ah pyen thei ci awn ng’shawng ne nami om vai.

EZEKIEL 22:9

Nami chang amshah gui naw chang ah mawng ami hleei pyen ne, sih nak ung gawk sak ci gui. Amshah naw agup gui am douthak ah khawihnah nak cu ei ci gui. Amshah gui cu akphlüt ah ng’yaw kawh ne ng’büh ci gui.

JEREMIAH 9:4

Chang päng naw a teihpüi cu ngaih nak khai, a u naw phi a phäi nau kä ngaih gep khai; phäi nau päng cu Jakob ah mäih ah hleei hlak ne, chang päng naw a tein püi ah a hmai m’shet ci.

JEREMIAH 6:28

Ngami ami van cu ami m’lung ling ne hnungtuk ci gui, kyei la m’si ah mäih ah liu cu gui. Ngami ami van cu theileh ci gui, hteit shüi shüi ne ng’pyen sak ci gui.

NG'THU K'THUUK~ 11:13

Ng’pyen sak ciah chang naw m’yih vai phi phleh ci, Cun ung phi bä sei ng’ap ciah chang cu ngaih gep vai kyak ci.

1 PETER 2:1

Nami shetkat nak avan ng’hlah ta u ne, kä hleeihlak ne, kä thuvi ne, käm thüi m’khang ne, kä nawmpang kä ng’plah taang ne nami om vai nei.

SAM 15:3

Chang kä pyen m’shet ciah kyak ci. Ani cu a teih püi phi kä katnak ci, paw chang phi kä züi cha ciah kyak ci.

PHYAWN NAK 20:16

“Hleei pyen ne kä na saksi vai.

TITUS 2:3

Acun ah mäih ah hnumi ng’vaiba gui phi theingcim ciah ghin nak a om vai ah nam cäi gui vai nei. Ngami cu chang ah thang m’shet ci gui, kä cun ung yu ah khleihtein gui ah kä ami kyak en vai nei. Akni phung m’theithang ba thei ciah ami kyak vai nei.

2 TIMOTHI 3:3

Ngahmi cu m’gein nak kä om ci, chihna nak kä om ci, chang ah ming m’shet ci, m’gäi m’cik ci, hlawhlang ciah kyak khai gui nei; ak ni phung cu thüi nak khai gui nei.

1 TIMOTHI 3:11

Ami chu gui cun phi akni ah m’lung ngaih om ih ci gui ah a kiak vai, khleei khlam ci gui ah kä kyak en sä. Ciimvai lunglang ne, ngaih gep vai ah chang ah ami kyak vai.

MATTHE 27:4

Cun kawn ah ani naw, “Kei naw katnak kä om ciah chang cu sih nak vai ah ap ne, katnak bäih ka bik ci nei,” cik ci. Cun ung phi nangmi naw, “Shin ah mawng ung keimi kä na nak phaa gui vai, na mät ah bi ah kyak ci,” ci nak ci gui.

THULÄÄN NAK 27:25

“Khanpughi ah plahtaam nak cu changni ngawn vai ah ngui dou ciah chang päng ah khan ah gawk sä. “Chang avan naw ami m’shan vai cu, ‘Amen!’

JOB 17:5

Chang ng’thu thuuk ung chang tumat naw a teihpüi cu ngui ah yoi ci, A cun ah phäh ah a hta nau gui cu yaica ci gui.

1 SAMUEL 24:10

Na mät naw na hmuh hning ci, tuh bäihta shin ah khui ung Bawipa naw nang cu kei ah huham kyong ah ning tha ci. Ka chang amshah naw nang ka ning ngawn vai ah pyen ci gui, cun ung phi nang ah phäh ah a yä neta, nang ah khan ah api ah phi naknak kä bi vai ah ka pyen ci, a i ah kyasei ci ung nang cu Bawipa naw ghangpughang ah a ning ghü ah kyak ci.

SAM 50:20

Nang cu na mät ah phäi nau ng’küknet püi ne, na ng’vok ng’shan püi ci.

SAM 101:5

Chang tumat mat akshe ah m’thüi nak ciah chang cu, kei naw ka nawng khai; chang ah ng’shei ne, chang yaw k’she nak cicu kä ka hnim gei khai.

NG'THU K'THUUK~ 10:18

A thüigen nak thup ciah chang cu hleei ciah kyak ci, ng’pyen sak ciah chang cu gu ang ciah kyak ci.