TAIGÜTHUM 19:15 - Cho Bible Common Language 2016

¹⁵ Amawng ama ng’thumcha nak ung düng nak la taga nak awn bi vai, dukhaih ci shedam nak, büh mang ci kyih aa nak ah kä a kyak en vai.

TAIGÜTHUM 19:15 Referans Kwoze

THULÄÄN NAK 1:17

Nami phukpit kaiyawih nak ung a u täng ah phi kä nami kyak vai. Chang päng cu täng khai nami ng’thumcha vai, a u kä nami m’khawm hnga vai. A u kä nami kyih vai, nami phukpit kaiyawih nak cu Khanpughi ungka lawk ciah nami bi ah kyak ci. Amawng tumat cu nangmi ah phäh ah a khak aih ah a kyak ung kei ah nami law püi vai, kei naw ka phupit kaihyawih khai.’

NG'THU K'THUUK~ 24:23

Cüivai ci naw shin cha ah phi thu pyen ci; vangtäng kumtu ne m’khoichak ciah suki cu hma ci.

THULÄÄN NAK 27:19

“Khanpughi ah plah taam nak cu khaw hei chang gui, hmei hta gui, hmei nu gui ah gah vaisü, chei sak ciah chang päng ah khan ah gawk sä. “Chang avan naw ami m’shan vai cu, ‘Amen!’

TAIGÜTHUM 19:35

“Nüt nak, khiin nak, nän nak ung, a u chang phi kä nami thuvi nak vai.

NG'THU K'THUUK~ 18:5

Taga nak gah nak vai ah cheishoh cu kum ne, changnim’shung cu ka hman ciah kyak ci.

THULÄÄN NAK 16:19

Ngami cu kä taga ciah kä kyak khai gui, ami ng’thumcha nak ung m’khoihnga nak kä m’dang khai gui. Ng’mü khawh kä dou khai gui, cüivai ci la düng ci chang ah mik phi m’cümhnah nak naw m’dauh sak ci. Acun naw hma ci m’hnüt bäi nak pe gui ci.

SAM 82:2

“Kä ng’düng khai ah m’khoi m’cha nak cu nami nawng vai nei; akshe gui lam ah kä nami ng’paak en ba vai nei!

PHYAWN NAK 18:21

Cun kawn ah bä ciah chang gui cu ghü gui ne, chang gui ah ng’vai ah na hmoh gui vai; phia gha uk, phia uk, hmakip uk, gha uk: ngami cu Khanpughi kyih aa u ne, ngaih gep vai ah chang, kä ei hlü mang phya ciah kyak khai gui.

JOHAN 7:24

Khan shai awn dang ci düt teng ne käm khoichaa u ne, düng nak awn m’khoichaa nak nami bi vai nei” cine kyak na gui ci.

LAMKTU 23:3

Paul naw, “A bauk awn hluk ah k’pang! Nang cu Khanpughi naw ak cang ah ning m’kat khai nei. Nang naw kei cu thukhän teng ne nah na ng’thumcha khai ah pawngpüi lang ne, kei ami na thah vai ah na pyein na hmawk ah thukhän cu nam shet pyi ci nei” cine kyak nak ci.

THULÄÄN NAK 10:17

Bawipa nami Khanpughi cu khanpughi avan khüm ci, huham avan uk ciah kyak ci. Ani cu dämduh ci, m’gäi ci, kyih vai ah kyak ci. Ani ung m’khom-hnga nak kä om ci, ani naw ng’mü khawh kä dou ci.

JOB 13:8

Nang naw ani na ng’vong vai ah na k’tha na ne ma? Nang naw ani ah mawng yung ah m’kawt ung na ng’cuhcan tuk khai ma?

JOB 32:21

Shin ah ng’thu pyen nak ung kei cu a u täng ah phi kä ka kyak khai, A u phi kä ka m’tam khah khai nei.

JOB 34:19

Ani cu uktu gui täng ah kä kya tuk ci, dukhaih ci gui hnu na ne bühmang ci gui täng ah phi kä ki tuk ci, a i ah kya sei ciung ani naw chang nü cu a tüi pyan ah kyak ci.

NG'THU K'THUUK~ 31:9

Ngami ah phäh ah ng’thu pyen ne, ng’düng khai ah ng’thumcha ne dukhaih ci la ng’ya hlük ciah chaw cu nami shungvong pek vai.”