TAIGÜTHUM 19:14 - Cho Bible Common Language 2016

¹⁴ A hnga paang ci kä plah vai, a mik m’dauh ah ma ung ang vawn nak vai kä tha vai. Na kyih vä, kei cu Bawipa nami na Khanpughi nei.

TAIGÜTHUM 19:14 Referans Kwoze

THULÄÄN NAK 27:18

“Khanpughi ah plah taam nak cu amik m’dauh ciah chang, chei ciah lam ung chuisaw ciah khan päng ung gawk sä.

TAIGÜTHUM 19:32

“Aghi ang vai gui cu chang m’sui ne, nami m’tam ngak vai. Kyih aa ne nami cuun ngaih vai. Kei cu Bawipa nei.

1 PETER 2:17

Chang phung cu nami chang m’sui vai, khritha phäinau cu anmi m’hni vai, Khanpughi cu nami m’tamkhah vai, ghangpughang cu nami kyih aa vai.

ROMAN 14:13

Cun ah kya sei tumat naw tumat am khoichaa nak cu nawng shüt ne, nami phäi nau ah cheishoh nak vai la shetkat nak ung a luh nak vai cu, kä kami bi phung phung khai cine, nami m’lung ngaih nami phukpit vai nei.

TAIGÜTHUM 25:17

Na Israel chang paw cu kä nami thuvi nak vai, Bawipa nami Khanpughi cu kyih aa ne nami läk vai.

THU PHLAAN 2:14

Cun ung phi Balaam ah m’theithang läk ciah chang api cu pyein m’shet vai om ci nei: a gup-am sonkcan ah ei ei vai la, pletbeng vai ah Israel chang gui-am lam shüm gui ciah Balak khawshe cu Balaam naw am theithang ah kyak ci.

NEHEMIAH 5:15

Kei ah kä bi pha ung bik ciah uktubawi phung naw chang gui cu ami phuih gih sak gui. Ngami naw ei la awk vai ah phäh ah hnüüp ät ung, ngui phe phli kip ci k’thäh gui ci gui. Ami changshäm gui naw phi chang gui cu she na gui ci gui. Cun ung phi kei cun ah kä ka kyak ci, a i ah kyasei ci ung kei cu Khanpughi ka kyih aa ci.

1 PETER 1:17

Chang ah yodäm kä teng ah, chang ah bilawh phäh phäh ah khan ah m’khoichaa nak bik ciah, Khanpughi ah nami taigü ung, Kapa ci ne khü ne nami taigü ci; cun ah kyasei khomdek khan ung nami ghin om yah ak chuih Khanpughi cu nami kyih aa vai nei.

ROMAN 12:14

Nang mi ning k’shedam na gui ciah chang ah hmawk ah Khanpughi naw hrilham a peit vai ah nami ng’yoih peit vai, cun ah chang gui cu kä yüigen u ne, hrilham nami peit vai.

ATÜNNAK 42:18

A hnüüp thum hnüüp ung Joseph naw khü gui neta, “Kei cu Khanpughi kyih aa ciah chang ah ka kyak ci, cun ah kyasei nangmi cu a mawng tumat awn ka ning phyawn gui khai.

1 KORIN 10:32

Jew chang gui, Khui hei chang gui, Khanpughi ah pum im chang gui, a u chang ah hmawk ah phi yaica nak kä om men khai ah nami ghin om vai nei.

TAIGÜTHUM 19:15

Amawng ama ng’thumcha nak ung düng nak la taga nak awn bi vai, dukhaih ci shedam nak, büh mang ci kyih aa nak ah kä a kyak en vai.

SAM 111:10

Khanpughi kyih aa nak cu cüivai nak ah lam ah kyak ci; Ani ah thumkhän läk ciah chang phung-am gei ciah m’khoi cha nak cu pek ci. Ani cu angtäi sei m’taam nei.