TAIGÜTHUM 19:13 - Cho Bible Common Language 2016

¹³ Chang ah kaa kä lak pek düt vai, kä guttep vai. Na ghüh ah chang ah ng’cheng cu kä na shum pek vai, mü ät phi kä na tha pek vai.

TAIGÜTHUM 19:13 Referans Kwoze

JAMES 5:4

Nangmi naw nami lo bik ciah chang gui ah ng’cheng cu kä nami pek ci nei. Ngami ah ng’cheng shan cu ngai vä! Ngami naw ng’cheng shang ne ami m’lau ah k’aw cu, a hlüngtai säih Bawipa, Khanpughi naw ng’yak ci nei.

MALAKHI 3:5

Hlüngtai ciah Khanpughi naw, “Ka ning ng’thumcha gui khai ah nami lung ah ka ng’dang lawk khai. Cun ah chang gui cu kei naw cet ne ang ghit ah ka hnungtuk püi gui khai, ng’pluh ci gui, chang ah chu ih püi ci gui, hleei pyen ne ng’gun ci gui, bii bik ciah ng’cheng mang pek ci gui. Hmeinu hmeihta shedam nak ci gui — kei kä na kyih aa ci phung avan ah kyak ci.

JEREMIAH 22:13

Kä taga ciah lam awn a im co ne, kä ng’düng ciah lam awn m’shawng kau ne, chang gui alä ah täk phan gui ne, ng’cheng phi kä pe gui ciah chang cu, ng’ziin nak om ci.

NG'THU K'THUUK~ 20:10

Ka dung ciah khin nak la nan nak mang ciah chang cu Bawipa naw thui nak ci.

MAKUH 10:19

Chang kä ngawn vai, chang ah chu kä kat püi vai, käm guk vai, käng düng ciah kä saksi vai, kä hleeihlak vai, nupa m’htei vai, ciah thukhän gui cu na hmat ciah kä kya ne ang?” cine kiak nak ci.

EZEKIEL 22:29

Mang ci gui naw hleei hlak nak la guttep nak bik ci gui. Ngami naw duhkhaih ci gui cu akshe ah om püi u ne, khohei chang gui cu lei ei ci gui.

JEREMIAH 22:3

Kei, Bawipa naw ka ning thumkhän gui ci, taga ci la dung cicu nami bi vai. Nangmi naw ami m’hleei ah chang cu m’hleei ciah chang ungka nami shungvong vai. Akhohei chang gui, hmeihta gui, hmei nu gui cu, akshe ah kä nami om nak gui vai, kä nami shedam nak gui vai: shin ah theing-cim ciah hmun ung changni gui cu kä nami ngawn gui vai.

PHYAWN NAK 22:21

“A khohei chang cu akshe ah kä nami shedam nak vai, Egypt khaw ah khawhei chang ah nami kyak man cu nami shüm ba vai.

PHYAWN NAK 22:15

Kaa mah ah hmuh ah si leim ciah a kyak ung a m’thung vai kä hlü ci. Cheng ne ng’vah ah a kyak ung cheng nak bäng kaa nak ci naw a lak vai.

1 THESSALONIAN 4:6

Shin ah mawng ung khritha gui nami mät kä nami cheishoh-en vai, kä nami ei-hlü mang-k’phya vai. Acun ah mäih ah om ciah chang cu Bawipa naw m’kat khai nei, ciah khän ne ka ning m’thein gui ci nei.

LUKA 3:13

“Nami bawi ah m’hnüt ah kawn ah m’däm ne akhawn kä nami loh vai” cine pyen na gui ci.

NG'THU K'THUUK~ 22:22

Dukhaih ciah chang ah hawh cu na bi nak hning awn kä na lak pek vai. Am gein kaa ah yung ah m’kawt ung düi ciah khawh kä na lak pek vai.

JOB 31:39

Kei naw acun ung m’thawk ciah ei cu ei ne, A cun ah lai bik ci gui cu ka cawi sak gui ci c kyak vaisü ung,

TAIGÜTHUM 6:3

chük ciah khawh ah phäh ah kä ka hmuk ci, cine, hleeihlak ne ng’taam ciah chang naw,

PHYAWN NAK 22:13

Ei hnei naw a lawh ah a kyak ung, a ei m’yen cu a law püi vai, cun ung a lawh cu ani naw a m’thung vai kä hlü ci.

MATTHE 20:8

Kho mühun law khätah lo mah naw ak chang vai cu khü netah, ‘Aghü gui cu khü gui netah, ak hnu ah bi law tuk ci ung tün ne, bi law ma ci gui ung khüt khai ah ng’cheng cu pe gui ä’ cine m’cäi ci.

1 TIMOTHI 5:18

A i ah kyasei ci ung cacim theing naw, “Htang nami leh sak ah seipat cu am gawng kä nami k’büüp-en vai; cun kawn ung bi bik ciah chang phi abi cheng gah khin ci nei,” ciah pyein ci.

PHYAWN NAK 20:15

“Kä na m’guuk vai.

PHYAWN NAK 22:7

“Chang tumat naw a chang paw am, yum sei, ngui baw, khawh baw, a gim sak te, a im ungka m’guk-ei naw m’gu sei, ami hmuh ah a kyak ung, m’guk-ei naw a goi ah a thung vai.

JOB 17:5

Chang ng’thu thuuk ung chang tumat naw a teihpüi cu ngui ah yoi ci, A cun ah phäh ah a hta nau gui cu yaica ci gui.

NG'THU K'THUUK~ 3:28

Tuhbäi chang na m’htei tu hning vai ah a kyak ung na paw chang am ngawi ung güt na ging ngä cine kä na pyen vai.

EZEKIEL 18:7

Ani cu kä thuvi khai, Chang ah kaa kä gut tep khai. Ani naw ami kyän law phi pe ba gui ci; cawi ci am ei m’bei ci, k’plui ciam sui m’sui ci.

EZEKIEL 22:12

Amshah naw cheng dou ne chang ngawn ci gui. Amshah gui naw ami Israel paw gui am ngui ataw ah k’pu u ne, ngami ah khan ah ataw la ne ng’büh mang ci gui. Ngami naw kei cu na m’hnih ci gui.” Uktu Bawipa naw a pyen nei.

TAIGÜTHUM 25:14

Cun ah kyasei nami Israel chang paw ah khawh nami yoih ah a kyak ung, kä cun ung nami hleih ah a kyak ung, kä hmai kiang ne kä nami kyak en vai.

TAIGÜTHUM 25:17

Na Israel chang paw cu kä nami thuvi nak vai, Bawipa nami Khanpughi cu kyih aa ne nami läk vai.

JOB 7:2

Gei ciah ang hnim nak shui ciah hlei htein mäih, ang cheng vai ngäng ciah bii k’bi ah mäih ah kyak ci.