TAIGÜTHUM 19:11 - Cho Bible Common Language 2016

¹¹ Kä m’guuk vai, kä thuvi vai, kä hleei vai.

TAIGÜTHUM 19:11 Referans Kwoze

PHYAWN NAK 20:15

“Kä na m’guuk vai.

KOLOSE 3:9

Tumat naw tumat kä am hleeihlak-en vai, nami ghin nak k’phyim cu sut ne nawng shüt ne,

EPHESIAN 4:25

Cun ah kyasei kä nami hleeihlak-en ba vai, mikmi cu Bawi Khrit ah pumsa ung a täng ah mi lukyum yawp ci kyasei, yum ciah chang gui tumat la tumat düng ciah thu bäng nami pyein vai nei.

SAM 101:7

Kä hleeihlak ciah chang cu kei ah mang im ung om khai; kä thuvi ciah chang cu kei ah ma ah ng’düi khai.

ROMAN 3:4

Cun ah kä kyak ci, chang ah hta van a hleeihlak ung phi Khanpughi cu ng’düng khenggeng ne om ci. Cacim ung, “Thu na pyein cu ng’düng bäbä ne, M’khoichaa nak na aut ung phi näng nak om khai nei,” ciah om ci.

THULÄÄN NAK 5:19

“Kä na m’guuk vai.

THU PHLAAN 21:8

Cun ung phi kyik ciah chang, pyaai ciah chang, chang ngawn ciah chang, chang shemshai, chang om kaa, ng’pluh ciah chang, a gup khawihnah ciah chang la hleeihlak ciah chang gui cu yam mei cang ung lut yawp khai gui. Cun cu ak hnih vei nak sihnak ah kyak ci” ci ne pyein ci.

1 TIMOTHI 1:10

Pa la pa nu la nu ng’yawpawm düt ne pletbeng ci gui, chang phak ci gui, hleihlak ci gui, kä düng khai ah saksi ci gui la düng ciah yum nak hnu ng’tuk püi ci gui ah hmawk ah kya ci.

EPHESIAN 4:28

M’gu man ciah chang phi käm gu-en ba ne, khüighaat ne hnüntho ne, amät ah hnun m’ghin ne, pyamtham ci phi am hteihtang tu hning vai ah tha na sä.

JEREMIAH 6:13

Chang nü nü dämduh ci, zawken ci naw, kä ng’düng nak awn k’tha na ne ngui shui ci gui; prophet gui la taigü gui naw phi chang m’hleei ci gui.

SAM 116:11

Kei cu kyih aih neta, “A u ngaih u vai kä om ci nei” ka ci ung phi.”

PHYAWN NAK 22:7

“Chang tumat naw a chang paw am, yum sei, ngui baw, khawh baw, a gim sak te, a im ungka m’guk-ei naw m’gu sei, ami hmuh ah a kyak ung, m’guk-ei naw a goi ah a thung vai.

PHYAWN NAK 22:1

“Chang tumat naw seipat baw, me baw m’gu neta, ngawn ne baw, yoi ne baw a ciah a kyak ung, sei tumat cu sei hma awn m’thung khai, htome tumat cu htome phli awn m’thung khai.

PHYAWN NAK 20:17

Chang ah im, chang chu, chang ah changshäm, chang ah seime la a i pang phi chang ah kaa, kä na ng’yak hlü düt vai.

1 GHANGPUGHANG GUI 13:18

Bethela ah ka prophet naw pyen ah ne, “Kei phi nang ah mäih ah prophet nei, Bawipa ah thumkhän ung khanchang naw ana pyen nak cu, nang cu ka im ah ka mät awn a täng ah ning hteh püi ne ka ning khincha nak vai ah kyak ci” cik ci. Cun ung phi prophet ghipa cu a hleei ah kyak ci.

PHYAWN NAK 20:16

“Hleei pyen ne kä na saksi vai.

PHYAWN NAK 23:1

“Ng’thukshe cu kä na k’püi tu vai, ng’thukshe awn saksi ne changshe kä na gun tu vai.

TAIGÜTHUM 19:10

Sapyit lo ung nami hmaa shüt ah am theih gui cu ng’hlat ba ne kä nami k’bih ba vai, kiawi ciah am theih gui cu kä nami kaw ba vai, cun gui cu dukhaih ciah chang gui la a khohei chang gui ah phäh ah nami nawng pek gui vai, kei cu Bawipa nami na Khanpughi nei.

2 SAMUEL 17:20

Absalom ah bawi gui cu im ah law u ne, hnumi cu ng’shi ci gui, “A hawi ang Ahimaaz la Jonathan?” Hnumi naw, “Tuinu hei kat pyi ci goi nei” cik ci. Chang gui naw shui ci gui, cun ung phi kä hmu goi ci gui, cun ah kyasei Jerusalem ah hteit ba ci gui.

NG'THU K'THUUK~ 24:28

Cang nak ah amawng kä om ciah chang tumat hnungtuk püi ne, kä na saksi vai, ani ah mawng kä akni ah kä na pyen vai.