TAIGÜTHUM 19:10 - Cho Bible Common Language 2016

¹⁰ Sapyit lo ung nami hmaa shüt ah am theih gui cu ng’hlat ba ne kä nami k’bih ba vai, kiawi ciah am theih gui cu kä nami kaw ba vai, cun gui cu dukhaih ciah chang gui la a khohei chang gui ah phäh ah nami nawng pek gui vai, kei cu Bawipa nami na Khanpughi nei.

TAIGÜTHUM 19:10 Referans Kwoze

ISAIAH 24:13

Khomdek khan avan khopäng pang ung awnah kyak khai nei. Cun cu geitkhäm ang pyi ah mäih ah kyak khai, Olive sing a ghing päng ung ka aktheih ak hnu ah k’bih yawp ah mäih ah kyak khai.

ISAIAH 17:6

Chang apihta bang k’pawih ba khai gui, Israel gui cu am theih avan kbih yawp kawn ah a pam ah pum goi thum hta om ba ciah dise kä cung aka ng’ban ung apihta am theih k’pawih ba ciah mäih ah kyak khai gui. Kei, Bawipa Israel khanpughi naw ka pyen nei.”

TAIGÜTHUM 25:6

Cun ah khaw kum ah kyong ung khaw cu kä nami chuk vawk pang ung phi, acun naw nangmi ah phäh la nami changshäm gui, nami ghüh gui, nang mi ah om tuk ciah khaw hei chang gui,

MIKHAH 7:1

Ngaih u vai kä om ci. Kei cu sing ung am theih kä hmu ne, sapyit ung am theih kä hmu ne, ei ah cawi ciah mäih ah ka kyak ci. Am theih avan, sing theih avan bih yawp ah kyak ci.

OBADIAH 1:5

“Khomü ah m’guk ei gui ami law ung ami ng’yak hlü bäng hteh püi ci gui. Chang gui naw sing theih ami k’bih law ung api k’pawih na kheng geng ci gui. Cun ung phi nami ga naw akbe ah ning tu gui ci nei.

JEREMIAH 49:9

Chang gui naw sapyit ami k’bih ung ang shun ung api k’pawih nak ci gui, m’guk-ei gui mü ung law u ne ami ng’büh nak vai bäng lak ci gui.

SUKI GUI 8:2

Cun ung phi ani naw, “Kei naw ka bi hning cu nang mi ah bi awn m’tumtäng vai kä kyak ci nei. Nangmi Epraim chang gui ah bi a pihta cu kei ah pahta avan naw kami bi ah mä bä tu ba ci nei.

TAIGÜTHUM 19:9

“Nami lolai ung nami khämtawng law ah a kyak ung, akcawi akem ah khüt sei kä nami ah vai, nami hmaa shüt gui ng’hlat ba ne kä nami shui ba vai.

TAIGÜTHUM 19:11

Kä m’guuk vai, kä thuvi vai, kä hleei vai.

TAIGÜTHUM 23:22

Nami lo ung geit nami khäm ung, akcawk akem ung khüt sei kä nami shui vai, nami hma pyi ah htang cu ng’hlat ba ne kä nami shui ba vai, dukhaih ci gui la khaw hei chang gui ah phäh ah nami nawng shüt vai. Bawipa cu nami Khanpughi nei.

THULÄÄN NAK 24:19

“Nangmi nami geit nami khäm law ung, nami ah pyi ah htang gui nami m’chu shüt ah a kyak ung acun ah phäh ah kä nami vang hlah en ba vai; cun cu khaw hei chang gui, hmeihta gui la hmei nu gui ah phäh ah nawng shüt vai, cun ung Bawipa nami Khanpughi naw nami bi nak päng ung hriham ning pe gui khai.

THULÄÄN NAK 24:20

Olive theih gui, hnü ät nami k’bih law ah a kyak ung, nami nawng shüt cu ng’hlat ne kä nami lak ba vai; cun gui cu khaw hei chang gui, hmei hta gui la hmei nu gui ah phäh ah kyak khai.

RUT 2:2

Hnü ät ung Ruth naw Naomi am, “Lo ah na hteh sak ä, geit khäm ci gui naw ami hma ah htang vui gui cu ka khä khai nei. Kei awn ng’gui Ne na bi püi khai ah chang cu akcang ah ka hmuk khai nei” cik ci. Naomi naw, “Ka hta hnumi aw hteit ba ä” cik ci.

TAIGÜTHUM 11:44

Kei cu Bawipa nami na Khanpughi ah kyak ci, nangmi cu nami theingcim vai, a i ah kyasei ci ung kei cu ka theingcim ci.

TAIGÜTHUM 19:25

Cun ung phi a kum hma kum am theih cu nami ei vai. Cun ah avan nami bi ah a kyak ung nami sing gui cu m’theih law pi khai. Kei cu Bawipa nami na Khanpughi nei.

THULÄÄN NAK 24:21

Nami sing theih gui hnü ät nami k’bih law ah a kyak ung, sapyit cu ak hnih vei nak ah ng’hlat ne kä nami bih ba vai, nawng shüt ah sing theih gui cu khaw hei chang gui, hmeinu gui, hmei hta gui ah phäh kyak ci.