TAIGÜTHUM 18:8 - Cho Bible Common Language 2016

⁸ Na pa ah a chu hei gui phi yawpawm pe ne, na pa kä na m’thüi en vai.

TAIGÜTHUM 18:8 Referans Kwoze

1 KORIN 5:1

Khritha ah kä kyak ci gui hngaw naw shetkat ciah ami ngaih ah ng’yaw ng’pawm pletbeng nak cu nang mi ung om ciah ka ng’yak ci. Chang tumat cu anu chui awn ng’yaw ne ip ci goi ciah ka ng’yak ci nei.

TAIGÜTHUM 20:11

Chang tumat cu apa ah chu tumat mat awn ng’yawpawm nine, apa am thüi ah a kyak ung, hnumi la pami ani nik hnih cu ngawn goi vai. Ngani cu ani mät ah sih nak vai ma nak ci goi ah kyak ci.

THULÄÄN NAK 27:20

“Khanpughi ah plah taam nak cu apa ah chu tumat mat ng’yawpawm püi ne apa m’thüi ciah chang päng ah khan ah gawk sä.” Chang avan naw ami m’shan vai cu, ‘Amen!’

THULÄÄN NAK 22:30

“A u pami naw phi apa ah chu tumat mat yawpawm ne apa kä am thüi en vai.

AMOS 2:7

Ngami naw aktha ken ci la amgein kaa gui cu k’thüng gui u ne, dukhaih ci gui cu lam ungka buh tawn gui ci gui. Apa la ahta naw changshäm hnumi hta cu ng’lak na ne chu nak ci goi. Cun ah kya ne ka ming theing cu m’shet ci gui.

ATÜNNAK 49:4

Nang cu tuiklaw ah mäih ah na kyak ci. Cun ung phi nang cu aküikyang pi ah kä na kyak khai, A i ah kyasei ci ung kei ah ka chuba ih püi ne, na pa ah ihphak cu na shetkat sak ciah kyak ci.

EZEKIEL 22:10

Amshah gui cu ami pa ah chu awn ip ci gui. Amshah gui naw hnumi gui ami cha shüi a law yah ung k’tut ne ng’yaw püi ci gui.

ATÜNNAK 35:22

Jakob cu cun ah khaw ung a om yah ung a hta Reuben la ak chuba Bilhah cu ng’yaw ci goi, cun cu Jakob naw hmat ci. Jakob cu gha lei goi ah hta ci.

THULÄÄN NAK 23:1

“Ami k’phyet, käcung, a shäm ami m’chün ah a u pami phi Bawipa ah chang ah kä kya tuba khai.