TAIGÜTHUM 18:4 - Cho Bible Common Language 2016

⁴ Ka thukhän gui cu nami ngaih vai, ka thumkhän cu nami bi vai. Kei cu Bawipa nami na Khanpughi nei.

TAIGÜTHUM 18:4 Referans Kwoze

TAIGÜTHUM 18:2

Israel chang gui am am thein gui vai ah a pyen nak cu, “Kei cu Bawipa nami na Khanpughi nei.

JOHAN 15:14

Nangmi cu kei ah thukhän nami läk ung kei ah teihpüi ah nami kiak ci.

EZEKIEL 36:27

Kei naw ka mümcha cu nangmi ung ka tha khai, kei naw ka ning pek gui ah thumkhän avan cu k’paang ne, thukhän gui cu nami läk ah kei naw ka ning teng gui khai.

EZEKIEL 20:19

Kei cu Bawipa nami na Khanpughi nei. Kei ah ka thukhän gui la ka thumkhän gui cu läk vä.

SAM 119:4

Bawipa, nang naw na thukhän cu na na pe gui ci, bekhüt ne kami läk vai ah na nam thein gui ci.

THULÄÄN NAK 6:1

Shin gui cu ka ning m’theithang gui vai ah Bawipa nami Khanpughi naw ana thumkhän ah thukhän avan ah kyak ci. Nangmi naw khäm ne nami luh law nak ah khaw ung nami läk vai ah kyak ci.

TAIGÜTHUM 20:22

Bawipa naw, “Ka thukhän gui la ka thumkhän gui avan cu nami k’pan kheng vai. Cun ung nangmi cu kei naw ka ning hteh püi nak gui ah Kanaan khaw ung hnungtuk püi nak kä nami hmuk khai.

TAIGÜTHUM 19:37

Ka thukhän gui la thumkhän gui avan nami läk vai nei. Kei cu Bawipa nei.”

TAIGÜTHUM 18:26

Ngami naw shin ah kä akni gui bi u ne, khaw cu kä theingthap sak ci gui, cun ung phi cun ah kä nami bi en tu vai. Nami van, Israel gui la nami om ghawm ciah khohei chang gui naw Bawipa ah ang thumkhän gui cu nami k’pan vai.

LUKA 1:6

Ngani cu Khanpughi ah ng’yak hlü ah om ni ne, Bawipa ah thukhän shaitaak cun phi läk ci goi.

EZEKIEL 37:24

Ka changshäm David ghangpughang ah mäih cu ghangpughang nak khai gui. Ngami cu uktu tumat ah ka ah om u ne, kei ah thukhän gui cu bekhüt ne läk khai gui.

SAM 105:45

Cun ah kyasei a chang gui naw ang thumkhän cu ngai u ne, ang thumkhän avan cu ami läk vai ah kyak ci. Haleluyah. Bawipa cu m’taam vä.

TAIGÜTHUM 18:5

Kei naw ka ning pek gui ah om ih la thukhän gui cu nami läk vai; a cu cha ah bi ne nami hnun gui cu nami hun vai nei, kei cu Bawipa nei.”

TAIGÜTHUM 19:19

“Ka thumkhän cu nami ngaih vai. Vuhchah ah seime gui k’caw ne kä ng’ghui sak vai. Lo tumat ung geit m’shi ming goi kä geit vai. Ming hnih awn tah sui, kä sui vai.