TAIGÜTHUM 18:30 - Cho Bible Common Language 2016

³⁰ Cun kawn ah Bawipa naw, “Ka ning pek gui ah thumkhän cu läk vä, nangmi kä nami gawk law pha ung shin ah khaw ung ana om ci gui ah om ih gui cu kä nami läk en vai. A shin ah mäih bi nak awn nami mät kä theingthap khai ah kä nami ci en vai nei. Kei cu Bawipa nami na Khanpughi nei.

TAIGÜTHUM 18:30 Referans Kwoze

TAIGÜTHUM 20:23

Acu ah om ciah chang gui ah ami thung man cu kä nami thei en tu vai. Kei naw cun ah khogam khawihnah ci gui cu ka k’täm gui khai. Cun ah kyasei cun ah khaw ung nangmi nami lut hning ci. Avan akshe ah ami om ih nak awn kei ah khan ah shemshai khai ah bilo ci gui.

TAIGÜTHUM 22:9

“Taigü gui ami van naw kei ah ka pek ah thungyo gui cu ami ngaih nak vai. Kä cung ngami cu cheishoh ne sik khai gui, a i ah kyasei ci ung ngami naw theing ciah thungyo kä ami läk ah phä ah ah kyak ci. Kei cu Bawipa nei, kei naw ka theingcim sak ci nei.

THULÄÄN NAK 11:1

Bawipa nami Khanpughi cu m’hni vä, ang thumkhän avan cu läk vä.

TAIGÜTHUM 18:29

Nangmi nami hmat ci, shin ah kä akni bik ciah chang phung cu, Khanpughi naw a chang tumat ah kä k’bäi ba khai.

TAIGÜTHUM 19:1

Bawipa naw Moses am

THULÄÄN NAK 12:30

Cun ah pakhui gui Bawipa naw amdi kawn ah yum nak lam ah ami bilawh gui kä nami läk tu vai ah nami cimvai vai. A i ah kyasei ci ung cun cu sih nak hning ah kyak ci. Ami khanpughi gui a i hawkcha ah ami khawihnah cu k’tha na ne kä nami teng tu vai. Kä cun ung ngami ah mäih ah nami khawihnah tu hning ci.

THULÄÄN NAK 12:31

Ngami naw ami khanpughi gui ami khawihnah ah mäih ah Bawipa nami Khanpughi cu kä nami khawihnah vai. Ami khanpughi gui ami khawihnah nak ung ngami naw Bawipa ah thüi nak ah shemshai ci phung avan bik ci gui. Ngami naw ami sonkiang khan ah mei ung ami hta nau gui hngaw khawihnah ci gui.

SUKI GUI 20:6

Ani ah pum cu la ban eta, at ne bou ne, Israel pakhui gha lei goi ung khui ät ung m’ta ät ci ka ning m’khäh gui nei. Shin ah chang gui naw mi ng’lung ah akshe bi ne cheishoh u ne, pletdeng ci gui nei.

1 GHANGPUGHANG GUI 14:24

Akshekha pi cu, a gup khawihnah nak ah hmun gui ung pawmyaa ciah hnumi pami gui ami bilawh ah kyak ci. Israel kho ung ami gawk law yah ung cun ah kho ungka Bawipa naw aktäm gui ah chang gui ah ami bi ah thui ng’aa nak avan cu Judah chang gui naw bik ci gui.

1 GHANGPUGHANG GUI 21:26

Ani cu Amorit chang gui ah mäih ah a gup gui khawihnah ne lüng aa nak pikbäih ah katnak cu bik ci. Amorit gui cu Israel chang gui ami khaw ung ami gawk law sangung Bawipa naw aktäm gui ah kyak ci.)

EZRA 9:1

Shin gui avan bi pyi kawn ah Israel chang gui ah ami ng’vai gui amshah cu law u ne, ami na m’thein law cu chang gui taigü gui la Levit gui cu ami pei yung ah khaw ah kyak ciah Ammon, Moab la Egypt khaw gui awn phi kya, Kanaanit gui, hittit gui, Perizzit gui, Jebusit gui la Amorit gui awn, phi ky a, ami mät ng’khoi chak khai gui ah kä om ci gui. Ngami cu cun ah chang gui naw shemshai ci gui, ami bi man ah mäih bä ah bik ci gui.