TAIGÜTHUM 18:3 - Cho Bible Common Language 2016

³ Ayan ä nami om nak tuman ah Egypt chang gui ah om ih cu kä nami läk tu vai, kei naw tuhbäi ka ning hteh püi nak gui ah Kanaan khaw ah chang gui ah om ih phi kä nami läk vai.

TAIGÜTHUM 18:3 Referans Kwoze

TAIGÜTHUM 20:23

Acu ah om ciah chang gui ah ami thung man cu kä nami thei en tu vai. Kei naw cun ah khogam khawihnah ci gui cu ka k’täm gui khai. Cun ah kyasei cun ah khaw ung nangmi nami lut hning ci. Avan akshe ah ami om ih nak awn kei ah khan ah shemshai khai ah bilo ci gui.

PHYAWN NAK 23:24

Ami khanpughi gui ah ma ah kä na kawp vai, kä na khawihnah vai, ami yum nak ah mäih ah kä nami bi en tu vai. Ami khanpughi gui m’di gui ne, theing ciah ami lungktou gup gui phi nami m’shet vai.

EZEKIEL 23:8

Ani naw angla mihta nak ashum nak ah Egypt ah a tün cu k’täi ne bik ci. Ani hnumi hta ah a kyak yah ung Chang gui naw ani cu ih püi u ne, pawm zau Chang ah mäih ah om püi ci gui.

ROMAN 12:2

Khomdek khan ung yodäm nak ung kä nami ng’kü ng’neet tu vai, Khanpughi ung nami m’lung kyong avan ng’thawng sak u ne, m’lung ngaih ak thai awn nami om vai. Cun ung vah ni kyom nak, amät ung yeikyai nak la kümbe nak gui ah Khanpughi ah ang yak hlü cu nami hmat khai.

SAM 106:35

Cun ung phi ngami awn ng’chu ng’la u ne, akshe ami yum nak cu läk tuk ci gui.

THULÄÄN NAK 12:4

“Shin ah chang gui naw ami khanpughi gui ami khawihnah ah mäih ah Bawipa nami Khanpughi cu kä nami khawihnah vai.

THULÄÄN NAK 9:4

Bawipa nami Khanpughi naw nangmi ah hmawk ah ak täm gui kawn ah nangmi khinkha uk ci sei, shin ah khaw nami kaa nak khai ah a ning law püi gui ah kä nami pyen en vai, cun ah kä kyak ci. Bawipa naw nangmi ah hmawk ah shin ah chang gui aktäm gui cu, ami shekat ah phäh ah kyak ci.

2 GHANGPUGHANG GUI 17:8

A chang gui ami kai law sang ung Bawipa naw ak täm gui ah chang gui ah thungyo cu ngami naw läk ci gui, Israel ghangpughang gui naw ami pyan ah thungyo gui cu dou ci gui.

THULÄÄN NAK 29:17

Sing ni, lung ni, ngui ni, ghui ni awn ami pyan ah shemshai ciah ami gup gui cu nangmi naw nami hmuh pyi ci.