TAIGÜTHUM 18:29 - Cho Bible Common Language 2016

²⁹ Nangmi nami hmat ci, shin ah kä akni bik ciah chang phung cu, Khanpughi naw a chang tumat ah kä k’bäi ba khai.

TAIGÜTHUM 18:29 Referans Kwoze

TAIGÜTHUM 20:6

“Chang tumat mat cu aksi ah mümcha ah luh nak ah chang, m’cumcäi tuk khai ah a hteh ah a kyak ung, kei naw hnungtuk ne ka ng’hlah tak khai. Ka chang tumat ah kä ka k’bäi ba khai.

TAIGÜTHUM 17:10

Israel chang gui, kä cung ami ng’lung ah om tuk ciah khuihei chang gui naw, si om ciah sa a ei ah a kyak ung Bawipa naw hnu na ne ng’hlah tak khai, ani cu a chang tumat ah kä k’bäi ba khai.

PHYAWN NAK 12:15

Bawipa naw, “Khaw hnüüp chih ung k’caw shum ah m’htut kä nami ei en vai, k’caw kä shum ah m’htut bäng nami ei vai. A hnüüp ät hnüüp nami im ungka k’caw avan nami ghawh vai. Cun ah hnüüp chih ah kyong ung chang tumat mat naw, k’caw shum ah m’htut a ei ah a kyak ung ani cu kei ah chang ah kä kya ba khai.

TAIGÜTHUM 18:28

Cun ung nangmi kä nami gawk pha ung ana om ciah khogam khawihnah ci gui cu khonglei naw a hnungtuk püi gui ah mäih ah, nangmi kä ning hnungtuk püi gui khai.

TAIGÜTHUM 18:30

Cun kawn ah Bawipa naw, “Ka ning pek gui ah thumkhän cu läk vä, nangmi kä nami gawk law pha ung shin ah khaw ung ana om ci gui ah om ih gui cu kä nami läk en vai. A shin ah mäih bi nak awn nami mät kä theingthap khai ah kä nami ci en vai nei. Kei cu Bawipa nami na Khanpughi nei.

PHYAWN NAK 30:33

Shin ah mäih ah bik ciah chang, taigü ah kä kyak ciah khan ah mang ciah chang cu kei ah chang ah kä kya tuba khai nei’ cik ci.”

TAIGÜTHUM 7:20

Cun ung phi kä theingcim ci naw a ei ah a kyak ung ani cu Khanpughi ah chang ah kä kya ba khai.

TAIGÜTHUM 7:21

A cun ah mäih ah chang tumat naw kä theingcim ci a tawn kawn ah cun ah douthak ah sa a ei ah a kyak ung, chang ungka ah a kyak ung phi, sei ungka ah a kyak ung phi, ani cu Khanpughi ah chang ah kä kya ba khai.

MALAKHI 2:12

Acun ah bik ci gui cu Israel pakhui ungka Khanpughi naw heng gui sä! Mi pakhui naw hlüngtai ciah Bawipa am pek vai ah ami law püi nak ung phi kä ng’caw tuba sak gui khai nei.