TAIGÜTHUM 18:25 - Cho Bible Common Language 2016

²⁵ Ngami ah hnünthawh naw khonglei kä theingthap sak ci, cun ah kyasei cun ah khaw cu Bawipa naw m’kyuk ne, acun ung om ciah chang gui cu hnungtuk püi gui ci.

TAIGÜTHUM 18:25 Referans Kwoze

TAIGÜTHUM 18:28

Cun ung nangmi kä nami gawk pha ung ana om ciah khogam khawihnah ci gui cu khonglei naw a hnungtuk püi gui ah mäih ah, nangmi kä ning hnungtuk püi gui khai.

JEREMIAH 2:7

Kei naw anglei ni ah kho ung ka law püi gui ci, Acun ung geit ko gui la ahei nik ci gui awn ami yeikyai vai ah kyak ci. Cun ung phi ngami naw ka khaw m’di u ne, kei naw ka pek gui ah khopäng cu Shesham sak ci gui.

JEREMIAH 9:9

Shin gui ah phäh ah kei naw kä m’kyuk gui ne ka om khai ma? Shin ah mäih pakhui ah khan ah kei naw phu kä tuk ah ka om khai ma? Kei, Bawipa naw ka pyen ci.

SAM 106:38

Ngami naw cun ah akat nak kä om ciah ak hmaw gui cu ngawn u khäta, kho avan cu chang ngawn ah si awn be ci.

HOSEA 2:13

Kei na m’hnih ne Baala am tui ng’ui am khih nak ah akhin la pyülung ghui ngui sui awi ne am hni gui agawt gui ah phäh ah kei naw ani cu ka m’kyuk khai. Cun ah Bawipa naw pyen ci.

JEREMIAH 23:2

Shin cu Bawipa, Israel khanpughi naw ak chang gui m’hteit htang khai gui ah uktu gui a pyen nak gui ah kyak ci: “Nangmi naw ka chang gui kä nami m’htei htang ci; nangmi naw püi pyang sak gui ne a hei ah nami k’täm gui ci. Tuhbäi shekat nak nami bi ah phäh ah ka ning m’kyuk gui khai nei.

JEREMIAH 16:18

Ami katnak la ami cheishoh nak ah phäh ah kei naw a goi ah ka pe gui khai, a i ah kyasei ci ung ngami naw ka chaw cu agup gui awn lelawi sak ci gui, cun gui cu gook ah mäih ah ami ghin nak kä om ci, cun gui cu ngami naw kä hman ciah ami khanpughi gui awn be sak ci gui.”

JEREMIAH 14:10

Bawipa naw shin ah chang gui ah amawng pyen ci, “Ngami cu kei ungka dawng vai m’hni ci gui, ami mät naw ami mät kä m’htei hlawt khai gui. Cun ah kyasei kei naw ngami kä ka yei na gui ci. Kei naw ngami ah cheishoh nak cu shüm ba ne, ami katnak ah phäh ah ka m’kyuk gui khai.”

JEREMIAH 5:29

“Cun ung phi kei Bawipa naw shin gui ah phäh ah ka m’kyuk gui khai; kei naw shin ah changpakhui ah khan ah phu ka tuk khai.

JEREMIAH 5:9

Ashin gui ah phäh ah kei naw kä m’kyuk gui ne ka om khai ma, ashin ah mäih ah pakhui ah khan ah phu kä tuk ah om vai ma?

ISAIAH 26:21

Bawipa cu khankho a om nak ung ka, khomdek chang gui ami kmakat ah phäh ah m’kat gui khai ah kyum lawk ci nei. Khomdek khan ung m’zih ne chang ngawn nak phung cu ng’dang ling khai nei, ami ngawn ah chang cu khomdek naw kä m’zih ba khai nei.

THULÄÄN NAK 18:12

Shin ah shemshai ci bik ciah chang gui cu, Bawipa nami Khanpughi naw thüi nak ci. Cun ah kyasei nangmi nami gawk nak ah khaw ungka shin ah pakhui gui cu ani naw aktäm gui ah kyak ci.

ROMAN 8:22

Mi van naw mi hmat yawp ah tuhbäichü a khin ung, a tüi pian gui avan cu, nau poi m’neh ah mäih ah nat nak om ci.

HOSEA 9:9

Ngami cu kibeah ung ami om ah mäih ah ami bi nak phung ung ngaih u vai kä om khai ah shekat ci gui nei. Khanpughi naw ngami ah kat nak cu shüm gui ne, a cun ah phäh ah m’kyuk gui ci. Israel gui ah kat nak la A cun ah aphu gui.

ISAIAH 24:5

Chang gui naw khanpughi ah thukhän gui m’shet nak la ng’täi khai ah a pyan ah angthukhän m’kat nak awn khomdek cu lelawi sak ci gui.

SAM 89:32

Kei naw ami katnak cu ka m’kyuk gui khai. Ami cheishoh ah hmawk ah ka geinvai sak gui khai.

THULÄÄN NAK 9:5

Nangmi nami ni la nami hman ah phäh ah ami khaw cu a ning lak sak gui ah kä kyak ci, ani naw aktäm gui cu ami shetkat ah phäh la nami pupa gui, Abraham, Issak, la Jakob ni ung ashaitak ak pan nak ah kyak ci.

HOSEA 8:13

Ngami naw khawihnah nak cu na douthak u ne, Khawihnah nak ah asa cu ei ci gui. Cun ung phi kei Bawipa naw kä ka yei na gui ci. Tuhbäi ngami ah kat nak cu shüm pe gui ne, acun ah phä ah ka m’kyuk gui khai. Kei naw Egypt khaw ah ka tüi ba gui khai.

TAIGÜTHUM 18:26

Ngami naw shin ah kä akni gui bi u ne, khaw cu kä theingthap sak ci gui, cun ung phi cun ah kä nami bi en tu vai. Nami van, Israel gui la nami om ghawm ciah khohei chang gui naw Bawipa ah ang thumkhän gui cu nami k’pan vai.

THULÄÄN NAK 21:23

Cun cu mü lüng ne a cu ah kä nawng vai. A cu hnüüp ung m’cim vai. Aksi ah pumsa k’tung ung bah naw khomdek khan ah Khanpughi ah plah taam nak law püi ci. Aksi ah pumsa cu m’cim vai, cun ung Bawipa nami Khanpughi ah ning pek gui ah khaw cu nangmi naw kä nami lelawi sak khai.

1 GHANGPUGHANG GUI 21:26

Ani cu Amorit chang gui ah mäih ah a gup gui khawihnah ne lüng aa nak pikbäih ah katnak cu bik ci. Amorit gui cu Israel chang gui ami khaw ung ami gawk law sangung Bawipa naw aktäm gui ah kyak ci.)

EZRA 9:11

Cun cu na changshäm prophet gui ung na na pek gui ah kyak ci, keimi maw kami khäm law vai ah khaw cu kä theingthap ciah khaw ah ngami mi naw na m’thein gui ci gui nei, a i ah kya sedi ci ung cun ung om ciah chang gui naw, vang ungka vcang ah khüt khai ah shekat hnün thawh nak awn ami be sak nei.