TAIGÜTHUM 18:24 - Cho Bible Common Language 2016

²⁴ Shin ah bilawh nak gui awn nami mät kä theingthap khai ah kä nami ci vai, cun cu khogam khawihnah ci gui naw ami mät kä theingthap khai ah ami bi nak ah kyak ci. Cun ah khogam khawihnah ci gui cu nangmi kä nami law pha ung cun ah khaw ung om pyi ci gui. Ngami cu Bawipa naw k’täm gui sei nangmi nami lut hlawt ci.

TAIGÜTHUM 18:24 Referans Kwoze

THULÄÄN NAK 18:12

Shin ah shemshai ci bik ciah chang gui cu, Bawipa nami Khanpughi naw thüi nak ci. Cun ah kyasei nangmi nami gawk nak ah khaw ungka shin ah pakhui gui cu ani naw aktäm gui ah kyak ci.

TAIGÜTHUM 18:30

Cun kawn ah Bawipa naw, “Ka ning pek gui ah thumkhän cu läk vä, nangmi kä nami gawk law pha ung shin ah khaw ung ana om ci gui ah om ih gui cu kä nami läk en vai. A shin ah mäih bi nak awn nami mät kä theingthap khai ah kä nami ci en vai nei. Kei cu Bawipa nami na Khanpughi nei.

1 KORIN 3:17

Cun ah kya sei Khanpughi ah pum im m’shet ci cu, Khanpughi naw m’shet khai. A i ah kya sei ci ung Khanpughi ah pum im cu ng’ciim ci, nangmi nami mät cu Khanpughi ah pum im ah nami kyak ci.

JEREMIAH 44:4

Kei naw ka changshäm gui prophet gui cu ka ning tüih lawk ci, ngami naw shnah kyihkyawk vai kyak cikei naw ka thüi nak gui cu kä nami bi vai ah ning m’thein gui ci.

THULÄÄN NAK 12:31

Ngami naw ami khanpughi gui ami khawihnah ah mäih ah Bawipa nami Khanpughi cu kä nami khawihnah vai. Ami khanpughi gui ami khawihnah nak ung ngami naw Bawipa ah thüi nak ah shemshai ci phung avan bik ci gui. Ngami naw ami sonkiang khan ah mei ung ami hta nau gui hngaw khawihnah ci gui.

TAIGÜTHUM 18:3

Ayan ä nami om nak tuman ah Egypt chang gui ah om ih cu kä nami läk tu vai, kei naw tuhbäi ka ning hteh püi nak gui ah Kanaan khaw ah chang gui ah om ih phi kä nami läk vai.

ATÜNNAK 15:16

Ng’shon phli a lüng kawn ah na ng’shon gui cu shin ah khaw ung law ba khai gui. Amorit chang gui cu cheishoh ci gui, cun ah kyasei kei naw ka k’täm gui khai, ami katnak nü ah phäh ah m’kyuk nak gah khai gui.

KHEI NAK 35:34

Nami om nak ah khaw cu kä nami cheishoh sak vai, a i ah kyasei ci ung, kei cu Bawipa ah kya ne Israel chang gui ah ng’lung ah ka om ci.

THULÄÄN NAK 9:4

Bawipa nami Khanpughi naw nangmi ah hmawk ah ak täm gui kawn ah nangmi khinkha uk ci sei, shin ah khaw nami kaa nak khai ah a ning law püi gui ah kä nami pyen en vai, cun ah kä kyak ci. Bawipa naw nangmi ah hmawk ah shin ah chang gui aktäm gui cu, ami shekat ah phäh ah kyak ci.

1 GHANGPUGHANG GUI 9:7

Kei naw ka chang Israel gui cu kei naw ka pek gui ah khaw ungka kak plon gui khai. Kei ami na khawihnah nak vai ah kei naw ka k’bäi pyi ah shin ah Taigüim cun phi kei naw ka nawng khai. Khaw nü ung chang gui naw Israel cu gaih tu u ne päipih khai gui.

EZRA 9:1

Shin gui avan bi pyi kawn ah Israel chang gui ah ami ng’vai gui amshah cu law u ne, ami na m’thein law cu chang gui taigü gui la Levit gui cu ami pei yung ah khaw ah kyak ciah Ammon, Moab la Egypt khaw gui awn phi kya, Kanaanit gui, hittit gui, Perizzit gui, Jebusit gui la Amorit gui awn, phi ky a, ami mät ng’khoi chak khai gui ah kä om ci gui. Ngami cu cun ah chang gui naw shemshai ci gui, ami bi man ah mäih bä ah bik ci gui.

SAM 106:39

Ngami cu ami mät ah bi awn ami mät kä ng’ciim sak u ne, Khanpughi ung kä bekhüt ci gui.

THULÄÄN NAK 9:5

Nangmi nami ni la nami hman ah phäh ah ami khaw cu a ning lak sak gui ah kä kyak ci, ani naw aktäm gui cu ami shetkat ah phäh la nami pupa gui, Abraham, Issak, la Jakob ni ung ashaitak ak pan nak ah kyak ci.

SUKI GUI 20:5

Kibeah chang gui law ne na tu u ne, mü ah im cu koi ci gui. Ngami naw na ngawn khai gui ah k’tha nak ci gui, cun nak vai sü ung ka chuba cu k’pyei ne tah u sei, ani cu sik ci.

SUKI GUI 20:6

Ani ah pum cu la ban eta, at ne bou ne, Israel pakhui gha lei goi ung khui ät ung m’ta ät ci ka ning m’khäh gui nei. Shin ah chang gui naw mi ng’lung ah akshe bi ne cheishoh u ne, pletdeng ci gui nei.

SUKI GUI 20:10

Israel chang bumgha bum ät naw ei vai phui khai, cun kawn ungka naw Kibeah cu am kyut vai, cun cu Israel khaw ung pletdeng ne katnak ami bi ah phäh ah kyak ci” cik ci gui.

2 SHONTÄP NAK 33:2

Cun ah kho ung ak chang gui ami kai law yah ung Bawipa naw ak täm gui ah chang pakhui gui ah shemshai ciah bilawh cu läk ne Manasseh naw Bawipa kat na ne hnungtuk püi ci.

EZEKIEL 36:17

ani naw pyen ci, “Hnicim chang, Israel chang gui cu ami khaw ung ami om sang ung, ngami naw ami om ih la ami hnünthawh awn ami khaw cu lelawi sak ci gui. Kei naw ngami ah om ih cu ka hmat ci, ngami cu hnumi a chashüi a law yah ung a kyak ah mäih ah kyak ci gui.