TAIGÜTHUM 18:21 - Cho Bible Common Language 2016

²¹ Molek khanpughi khawihnah nak ung mang vai ah, na hta nau cu kä na ap gui vai. Acun naw Bawipa Khanpughi ah a ming ah thuui nak vai cu law püi khai nei.

TAIGÜTHUM 18:21 Referans Kwoze

THULÄÄN NAK 12:31

Ngami naw ami khanpughi gui ami khawihnah ah mäih ah Bawipa nami Khanpughi cu kä nami khawihnah vai. Ami khanpughi gui ami khawihnah nak ung ngami naw Bawipa ah thüi nak ah shemshai ci phung avan bik ci gui. Ngami naw ami sonkiang khan ah mei ung ami hta nau gui hngaw khawihnah ci gui.

TAIGÜTHUM 19:12

Kä nami k’pan vai ung kei ah ming awn shaitak nak kä nami bi vai, cun naw kei ah ming khan ah thüisei nak law püi ci. Kei cu Bawipa, nami Khanpughi nei.

THULÄÄN NAK 18:10

Nami sonkiang ah khan ah mei ung nami hta nau gui kä nami khawihnah en vai, nami chang gui am kä nami bi en sak gui vai cu, cäbang nak, cecai nak, taigü m’cu nak,

TAIGÜTHUM 22:32

Kei ah ka ming theing ung thüisei nak kä nami law en püi vai, Israel chang avan naw kei cu ka theingcim ciah ang kiaa vai. Kei cu Bawipa nei, kei naw nami theingcim khai ah ka ning pyang gui khai;

LAMKTU 7:43

Nangmi naw nami m’kawn law gui cu, Molech ah ng’yo kiang lah nami aisi pughi Rephan ah kyak ci nei; Cun gui cu nami khawihnah vai ah nami mät naw nami pyan ah a gup gui ah kyak ci. Cun ah kyasei nangmi cu Babilon phlän neh nami hteit khai ah ka ning k’täm gui khai” ciah kyak ci.

MALAKHI 1:12

Nangmi naw ka mang kyang cu shemshai ciah nami pyen nak la nami päipih ah ei nami na pek nak awn kei cu kä nami na kyih aa ci.

JEREMIAH 19:5

ngami naw Baala am ami hta nau gui m’khih ne ami khawihnah nak vai ah sonkiang gui phi co ci gui. Kei naw shin ami bi vai ah kä ka thumkhän gui ci; shin cu ka m’lung kyong ge ung kä om ci.

1 GHANGPUGHANG GUI 11:33

Kei naw acun ah ka bi lawk khai, a i ah kya se ci ung Solomon naw kei cu na hnungtuk püi ne a khaw hei khanpughi gui a khawihnah ah phäh ah kyak ci: cun gui cu Astarte Sidon khanpughinu; Chemosh, Moab khanpughi; Molek, Ammon khanpughi ah kyak ci. Solomon naw kä na ngai ci; ani naw chei khai ah bik ci, apa David ah mäih ah kei ah ka thukhän gui la thumkhän gui cu kä k’pang ci.

1 GHANGPUGHANG GUI 11:7

Ani naw Jerusalem ah ak kyang khomhtung khan ah shemshai ciah Moab khanpughi Chemosh khawihnah nak vai la Ammon ah Shemshai ciah khanpughi Molek khawihnah nak vai ah hmun cu co ci.

TAIGÜTHUM 22:2

Aaron la a hta gui am a pyen sak cu, “Nangmi naw kei ah ka ming theingcim ung thüisei nak kä nami law püi vai. Cun ah kyasei Israel chang gui naw kei am ami na ap law ah theingcim ciah douthak nak cu nami kyih aa vai. Kei cu Bawipa nei.

AMOS 5:26

Cun ung phi tuhbäi nangmi naw nami ghangpughang khanpughi Sakkuth ah gup la Kaiwan, nami aisi khanpughi cu nami khawihnah ci. Acun ah gup gui cu nangmi naw nami m’kawn khai.

EZEKIEL 23:37

Ngani cu pletbeng nak la Chang ngawn nak awn chei ci goi-agup gui awn pletbeng u ne, kei awn kami hta gui cu ngawn ci gui. Ngani naw kei ah hta gui awn a gup khawihnah ci goi.

EZEKIEL 20:31

Tuhngawi phi, nangmi naw acun ah mäih m’cümhnah nak cu douthak u ne, acun ah agup gui am nami hta gui cu mei ung m’khih ne khawihnah u ne nami mät nami lelawi sak ci nei. Cun ung phi nangmi Israel chang gui cu law u ne, kei ah ka ng’yak hlü cu a i ah a kyak cu nami na ng’shi lawk ci nei! Akcang ah kei cu uktu Bawipa, Ghing ciah Khanpughi nei, nangmi naw kei nami na ng’shi vai cu kä ka yum ci nei.

JEREMIAH 7:31

Hinnom khongnawi ung ngami naw Topheth ah ami pyen ah sonkiang co u ne, ami htapami gui la hta hnumi gui cu avan ung mei ung khawihnah ci gui. Kei naw cun ah ami vi vai ah thumkhän kä ka pe gui ci. Cun cu kei ah m’lung ung kä law ge ci.

2 GHANGPUGHANG GUI 23:10

Ghangpughang Josiah naw Hinnom khongnawi ung khongyo ami khawihnah nak ah hmun Topheth cun phi phyek ci. Cun ah kyasei a u naw phi a htapami, a hta hnumi cu khanpughi Molek am khawihnah nak ah kä bi ba ci gui.

2 GHANGPUGHANG GUI 21:6

Ani naw m’khih ne-douthak nak ah a htapa awn khawihnah ci. Ani naw cuun nak ce nak cu bilo ne, ng’cäbang ci la khoshe ah kai gui cu ng’shi k’thäh ci. Ani naw akdäm ah Bawipa cu hma ne hnungtuk püi ne, ani ah m’lung cu sheet sak ci.

2 GHANGPUGHANG GUI 16:3

Israel ghangpughang gui ah bi gui cu läk ci. Israel gui ami kai law yah ung shin ah khaw ungka Bawipa naw ak täm gui ah ami ma ah chang gui ah shemshai ciah bilawh cu thei tu ne, amät ah hta cu mei awn m’khih ne douthak ah a gup cu khawihnah nak ci.

TAIGÜTHUM 21:6

Ani cu a theingcim vai, kei ah ka ming ung kä a thüisei vai. Ani naw ei-douthak nak cu kei ung ana douthak vai, ani cu a theingcim vai.

ROMAN 2:24

Cacim ung, “Jew chang gui ah om ah chang khui hei gui naw, Khanpughi ah ming cu päipih ci gui nei,” cine om ciah mäih ah kya lawk ci nei.

ROMAN 1:23

Kä si hning ciah Khanpughi khawihmah nak vai sü ung, si hning ciah chang, ni, k’phyu kha, khisa ni, k’phyu m’khaw ni gui ah müi gup gui düt pyang ne khawihnah ci gui.

2 SHONTÄP NAK 28:3

Hinnom kho ng’nawi ung ang ui m’khih nak phi bik ci. Ani naw shin ah khaw ung Israel gui ami law yah ung shin ah khaw ungka Bawipa naw aktäm gui ah chang gui ah shemshai ciah ami thungyo cu theibang ne, a gup gui am a mät ah hta gui hngaw m’khih ne douthak nak ah bik ci.

JEREMIAH 32:35

Ngami nan Hinnom Khongnawi ung Barla am sonkiang cawh pek ci gui, cun cu malek khanpughi an ami htapami hta hnumi gui ami khawihnah nak vai ah kyak ci. Shin ah ani bi vai ah kei naw thumkhän kä ka bi man ci, ngami naw shin ah mäih ah bi ne Judah chang gui katnak bi sak gui khai ah kä ka ngai man ci.”

EZEKIEL 20:26

Kei naw ami mät ah douthak awn ami mät lelawi sak gui ne, ami hta-htük gui awn ka khawihnah sak gui ci. Cun cu ngami m’kyuk nak gui la kei cu Bawipa ah ka kyak ah mawng m’hnuh nak gui ah kyak ci.

MIKHAH 6:7

Htome phya khak la kä ng’pyi hlawt ciah olive situi ka law püi ung Bawipa cu yei khai aw? Ka cheishoh ka thung nak vai ah ka hta htük cu ka pek khai ma?

TAIGÜTHUM 24:15

Cun kawn ah Israel gui am m’thein gui vä, Khanpughi plah tam ciah chang phung naw, acun ah mawng ung kya lawk ci phung k’chaw nak khai nei.

2 GHANGPUGHANG GUI 17:31

Ivvah chang gui naw Nibhaz la Tartak ah gup; Sepharvaim chang gui naw ami khanpughi gui Adrammelech la Anammelech am ami hta gui m’khih-douthak ah khawihnah nak ci gui.

AMOS 2:7

Ngami naw aktha ken ci la amgein kaa gui cu k’thüng gui u ne, dukhaih ci gui cu lam ungka buh tawn gui ci gui. Apa la ahta naw changshäm hnumi hta cu ng’lak na ne chu nak ci goi. Cun ah kya ne ka ming theing cu m’shet ci gui.