TAIGÜTHUM 18:20 - Cho Bible Common Language 2016

²⁰ Chang ah chu kä na yawpawm vai, cun naw kä ning theingthap sak khai.

TAIGÜTHUM 18:20 Referans Kwoze

TAIGÜTHUM 20:10

Pami tumat naw a Israel paw ah chu a kat püi ah a kyak ung, hnumi la pami ani nik hnih cu ngawn goi vai.

PHYAWN NAK 20:14

“Chang ah chu hta kä na kat püi vai.

HEBRU 13:4

Chungla nak cu chang avan naw a htingling ah ang ngaih vai nei, Chu la cei cu tumat la tumat bekhüt ne ani om vai. Khanpughi naw cheishoh ci la hlawhlang ciah chang gui cu yuk m’khoichaa gui khai nei.

1 KORIN 6:9

Khanpughi ah uknak kho cu chang shekha naw kä khäm khai cicu akcang ah nami hmat ci nei. Ang lat ah kä nami ngaih en vai nei; Pletbeng ci gui, a gup khawihnah ci gui, chang ah chu hta kat püi ci gui, pami goi ng’yawpawm ci gui;

THULÄÄN NAK 5:18

“Chang ah chu hta kä na kat püi vai.

KALATIAN 5:19

Hnicim chang ah ng’yak hlü gui cu dang ge ci. Cun gui cu ng’yawpawm nak, shemshai nak, gän düt ah kyak nak;

ROMAN 2:22

Nang naw chang kä a plet beng vai ah m’theithang lang ne, a i ah kya sei na mät na plet beng ang! Nang cu a gup m’tüih lang ne, a i ah kya sei a gup ah om nak ah Taigüim cu na ng’guhtep tu ang!

MALAKHI 3:5

Hlüngtai ciah Khanpughi naw, “Ka ning ng’thumcha gui khai ah nami lung ah ka ng’dang lawk khai. Cun ah chang gui cu kei naw cet ne ang ghit ah ka hnungtuk püi gui khai, ng’pluh ci gui, chang ah chu ih püi ci gui, hleei pyen ne ng’gun ci gui, bii bik ciah ng’cheng mang pek ci gui. Hmeinu hmeihta shedam nak ci gui — kei kä na kyih aa ci phung avan ah kyak ci.

NG'THU K'THUUK~ 6:25

Ngami ah kyom nak naw kä ning tüihtok en gui sä, phüvüih ciah ami mik naw kä ning pha en gui sä.

2 SAMUEL 11:27

A thüi api pyei khäta, David naw chang tüi ne, mang im ah law sak ci; ani cu ak chu ah kya law ne pami ah hta lawk ci. Cun ung phi David ah bi cu Bawipa naw kä yei nak ci.

THULÄÄN NAK 22:25

A vaisü ah pami tumat naw, tumat ung lak vai ah hnumi hta cu, pya ah ak pyei ah a kyak ung, pami bäng ngawn vai.

THULÄÄN NAK 22:22

“Pami tumat cu a hei pami ah chu awn ng’yawpawm ni sei hmu ne nami pha goi ah a kyak ung ani nik hnih sih nak pek goi vai. A cuk cha ah nangmi naw akshe cu nami nawt heng vai.

EZEKIEL 18:6

Ani naw Israel gui ah a gup gui cu kä khawihnah khai, k’hmau ah khawih kiang ung khawihnak douthak cu kä ei khai. Ani naw Chang ah chu hta kä kat püi khai, a cha shui law yah ciah hnumi kä zaw khai.