TAIGÜTHUM 17:8 - Cho Bible Common Language 2016

⁸ A u Israel chang naw phi, ami ng’lung ah om tuk ciah a u khuihei chang naw phi, m’khih douthak nak, käcung a hei khawihnah nak a douthak cu,

TAIGÜTHUM 17:8 Referans Kwoze

MALAKHI 1:11

Vang khaw cawi ungka naw vang khaw cawi ung khüt ciah chang gui naw na m’taam ci gui. A hmun päng ung ang ui gui m’khih u ne, dou thei vai ah khawihnah ci gui. Ami van naw na m’taam ci gui!

2 SAMUEL 24:25

Cun kawn ah ani naw Bawipa am sonkiang cu cawh neta, m’khih ne pek nak la hmuh-chum nak pek nak cu douthak ci. Ani ah taigü cu Bawipa naw ngai sei, Israel khaw ung leigai ng’düm ci.

1 SAMUEL 16:2

Samuel naw, “A i haw cha ah ka bi vai ang? Saul naw cun ah mawng ang yak ung kei na ngawn khai nei!” cik ci. Bawipa naw, “Seipat hta tumat hteh püi neta Bawipa cu cä ah khawihnah nak ka douthak khai, cine na pyen vai.

1 SAMUEL 10:8

Nang cu Gilgal ah ma ne na na hteh vai, a cu ah ning hmuk khai, m’khih ne khawihnah nak la ng’gei-chum nak khawihnah mi bik khai. A cu ah kei kä ka law pha ah chuih hnüüp chih na na ngäng vai, a i bi vai ka ning m’theing khai.

1 SAMUEL 7:9

Samuel naw htome hta ngawn ne, avan m’khih ne Bawipa cu khawihnah ci. Ani naw Israel gui am htei vai ah Bawipa ah taigü sei, Bawipa naw ak taigü ngai ci.

SUKI GUI 6:26

Shin ah m’dek plum ung Bawipa na khanpughi ah hmawk ah akni ah soukiang na cawh vai. Cun kawn ah ak hnihnak ah vantang la ne apum avan douthak ne na m’khih vai, Asherah gup na chukpit cu sing ah mang ne na m’khih vai.”

TAIGÜTHUM 17:10

Israel chang gui, kä cung ami ng’lung ah om tuk ciah khuihei chang gui naw, si om ciah sa a ei ah a kyak ung Bawipa naw hnu na ne ng’hlah tak khai, ani cu a chang tumat ah kä k’bäi ba khai.

TAIGÜTHUM 3:7

Chang naw htome a douthak vai ung,

TAIGÜTHUM 17:7

Israel chang gui cu kä bekhüt ne, kä ami kyak en ba vai bung pya ah khogam khawihnah nak ah seima kä ami ngawn en ba vai. Israel chang gui naw shin ah thungyo lawk ciah akhin avan ung ami pan khek vai.

TAIGÜTHUM 17:9

Bawipa am douthak vai ah kyak ci kyasei, ani naw Phung ung valuh nak ah kä kyak ciah, a hei ah a ngawn ah a kyak ah khoi ung, ani cu Khanpughi ah chang ah kä kya ba khai.

JOSHUA 22:11

Pawih shüt ciah Israel chang gui am, ami m’thein gui cu, “Ngai vä! Reuben, Kad la a kyangtäng Manasseh pakhui gui naw Jordan tuinu ah mikmi täng, Keliloth ung sonkyang co ci gui nei” ciah kyak ci.

JOSHUA 22:15

Ngami cu Kilead khaw Reuben, Kad la Akyang täng Manaseeh chang gui ah law u neta,

JOSHUA 22:16

Bawipa ah chang bum avan ah phäh ah ng’thu pyen ci gui. Ngami naw ami pyen nak gui cu, “A i ah kyasei nangmi naw Israel Khanpughi hnungtuk püi ne, akshe nami bi ang? Nangmi naw nami mät ah hmawk ah shin ah sonkiang nami cawh nak awn Bawipa cu nami hnungtuk püi ci nei! Nangmi naw ani cu kä nami läk law ba ci nei!