TAIGÜTHUM 17:5 - Cho Bible Common Language 2016

⁵ Cun ah thumkhän ah a mawng cu Israel chang gui naw bung pya ah ami ngawn ciah seime cu Bawipa ah ami law püi vai ah phäh ah kyak ci. Ngami naw cun gui cu Phung ung valuh nak ung taigü ah law püi u neta, hmuhchum-douthak nak ah ami ngawn vai.

TAIGÜTHUM 17:5 Referans Kwoze

EZEKIEL 22:9

Nami chang amshah gui naw chang ah mawng ami hleei pyen ne, sih nak ung gawk sak ci gui. Amshah naw agup gui am douthak ah khawihnah nak cu ei ci gui. Amshah gui cu akphlüt ah ng’yaw kawh ne ng’büh ci gui.

EZEKIEL 20:28

Kei naw ka pek gui vai ah shaitak ka bi ah khaw ah ka hteh püi gui ci. Ngami naw khomhtung hlüng gui la sing ghing m’kim gui ami hmuh law ung ngami naw cun gui ami van am khawihnah nak cu douthak ci gui. Ngami naw khawihnah m’khih ami douthak nak la sapyit tui douthak vai ah ami law püi nak awn kei cu na m’lungshe sak ci gui.

2 SHONTÄP NAK 28:4

Khawgui ma ah khogam khawihnah nak ah hmun gui la sing ghing ah hnim nak päng ung Ahaz naw khawihnah nak douthak ne, ang ui m’khih ci.

2 GHANGPUGHANG GUI 17:10

Khomhtung khan avan la sing ghing ah hnim ka phung ung lung tung gui la Asherah khanpughinu ah a gup cu tha ci gui,

2 GHANGPUGHANG GUI 16:4

Khongyo khawihnah nak ah hmun ah kyak ciah m’htung khan, sing hnim ka yung ah Ahaz naw khawihnah nak la tui ng’ui m’khih cu douthak ci.

1 GHANGPUGHANG GUI 14:23

Ngami naw khanpughishe gui khawihnah nak vai ah hmun gui co ci gui. Ngami naw lungtung gui la Asherah ah gup gui cu khawihnah vai ah khomhtung gui la sing ghing hniim gui ah ka ah tha ci gui.

THULÄÄN NAK 12:2

Nangmi naw nami lak ah khaw ung chang gui naw ami khanpughi gui ami khawihnah nak ah m’htung hlüng gui, khaw-gui gui, sing k’ghing ah ka gui, hmun gui avan nami m’di vai nei.

PHYAWN NAK 24:5

Cun kawn ah chang nong gui tüi gui sei, ngami naw Bawipa cu m’khih ne khawihnah u ne, sei me gui awn khawihnah ne, hmuhchum douthak gui nak bik ci gui.

ATÜNNAK 31:54

Ani naw m’htung khan ah a khawihnah nak cu ngawn neta, a chang gui cu ei aw tuk khai gui ah khü gui ci. Ngami cu ami ei awk kawn ah acu mü, mü lung ne m’htung khan ah om ci gui.

ATÜNNAK 22:13

Cun kawn ah Abraham cu mang shüi neta, pluup ung aki ng’awk sei om ciah htome cu hmuk ci. A hta ah hnün ung cun cu la neta mei awn m’khih ne khawihnah ci.

ATÜNNAK 22:2

Ang htei ah na m’hni ah na hta tumat bäng Isaak cu Moriah khaw ah hteh püi ne na hteh vai. A cun ah ka ning m’shüm ah khomhtung ah, Isaak cu mei awn m’khih ne khawihnah nak na bi vai.

ATÜNNAK 21:33

Abraham naw Beerasheba ah mangken geit neta, angtäi ghing ciah Bawipa Khanpughi cu khawihnah ci.

TAIGÜTHUM 17:6

Taigü naw si gui cu Phung ung valuh nak, sonkiang ah akit gui ung a huk vai. A thau cu khu ne ng’ui sei Bawipa naw a yei nak vai ah am khih vai.

EZEKIEL 43:27

Hnüüp chih ang pyi ah a kyak ung, taigü gui naw tün ne, sonkiang ah khan ah m’khih ne douthak nak la chang gui ah ng’khawtsheng-douthak nak cu douthak khai gui. Cun kawn ah kei naw nami van cu ka ning yei na gui khai. Kei, uktu Bawipa naw ka pyen nei.”

EZEKIEL 44:15

Uktu Bawipa naw pyen ci, “Cun ung phi Levi pakhui nak ciah Zadok ah htangshon taigü gui cu, a i ah a kyak ung phi, Israel chang gui naw kei na ng’hla ta ne ami kyak sang ung, Taigüim ung kei ung bekhüt ne bii bik ci gui ah kyak ci. Cun ah kyasei, tuhbäi ngami cu kei ah bii bik ci gui la kei ah ma ah law ne, khawihnah nak ah a thau la asi douthak ci gui ah kyak ci.

1 GHANGPUGHANG GUI 3:2

Bawipa ah phäh ah Taigüim kä cawh pha ah kyasei, chang gui naw sonkiang akda ung khawihnah ne dothak ci gui.

1 GHANGPUGHANG GUI 3:3

Solomon naw Bawipa m’hni ne, apa David ng’thumcäi gui cu läk ci, cun ung phi ani naw phi seime gui ngawn ne, sonkiang akda khawihnah ne douthak ci.