TAIGÜTHUM 17:16 - Cho Bible Common Language 2016

¹⁶ Cun ah kä mi bi läi ung, ngami cu ami mät ah om ah phäh ah ami ma lam ung yaica khai gui.

TAIGÜTHUM 17:16 Referans Kwoze

TAIGÜTHUM 5:1

Katphyawn-douthak nak gui cu aka ah a mawng ma gui ung hlü ci. Chang tumat cu yung ah saksi khai ah k’thäh u khäta, a hmuh ang yak ah mawng cu kä pyen ne a om ah a kyak ung, acun ah akat nak cu amät naw chaw nak khai.

1 PETER 2:24

Bawi Khrit amät naw mi cheishoh nak cu apumsa awn phui ne kutlam tung ung kai püi ci. Cun ah kyasei mikmi cu cheishoh nak awn mi sik khai süte, düng nak ung mi ghing ci. Mikmi cu Bawipa ah ak hmaleim awn gai nak mi hmuk ci.

HEBRU 9:28

Acun ah mäih ah Bawi Khrit cun phi, chang gui ah cheishoh nak phiawn khai ah, hnü ät bäng küikyan ne ng’ap ci. Ani cu cheishoh nak nawt täm ba khai ah kä kyak ciah, ngäng ci gui ah chang gui hun gui khai ah ak hnih vei nak ah kyum law ba khai nei.

JOHAN 13:8

Peter naw, “nang Bawipa naw kei ah kho cu a i yah ung phi kä nam si khai nei” cik ci. Bawipa Jesuh naw, “Kei naw na kho kä ka ning m’si ung, nang cu kei ah ng’düihpüi ah kä na kya ba khai” cine pyen nak ci.

ISAIAH 53:11

Zaica ne ghin nak ang pyi kawn ung, ani ung yeikyai nak om ba khai; A yaica nak cu a kholä ah kä kyak khai cicu ani naw hmat khai. Bä ciah ka changshäm, ani ung kei ka yeikyai ci, chang akda m’kyuk nak vai cu ani naw khan ci, ani ah hmawk ah kei naw ngami ka m’geinsei gui khai.

TAIGÜTHUM 20:17

Pami tumat naw a be, kä cung, abe m’shum a chu nak ah a kyak ung, ngani cu chang khli ah ng’lung ah thui ng’aa ci goi kyasei, chang bum ungka naw k’täm goi vai. Ani cu a be chu nak ciah kyasei, kya lawk ci phung ma nak khai ah kyak ci.

TAIGÜTHUM 19:8

Cun ei ciah chang cu katnak bik ciah kyak ci, kei am ami na vawihpeh a i baw düt ah cik ciah kyak ci, ani cu kei ah chang ah kä kya tuba khai.

TAIGÜTHUM 7:18

A hnüüp thum güt cun ah a sa cu ei ba ah a kyak ung, chang ah douthak cu Khanpughi naw kä dou khai. Douthak cu ani naw kä khei khai, kä theingcim ciah k’bäi khai. Cun ei ciah chang cu acun ah a phu ma na ne yaica khai.

TAIGÜTHUM 18:1

Bawipa naw Moses am,