Biblia Todo Logo
Bib sou entènèt

- Piblisite -




TAIGÜTHUM 17:15 - Cho Bible Common Language 2016

15 A u phi, Israel chang, kä cung khuihei chang; amät sik ciah asa, kä cung a i naw bawh a lawh ah asa, ei ciah chang phung naw, a suisak am su vai, tui angsi vai, ani kä a theingthap ba pha ah chuih, mühun güt ung a güin vai.

Gade chapit la Kopi




TAIGÜTHUM 17:15
22 Referans Kwoze  

“Amät sik ciah khisa cu kä nami ei vai. Nami ng’lung ah om tuk ciah khawhei chang gui am, nami ei sak gui vai. Kä cun ung a hei khawhei chang gui ah nami yoih vai. Cun ung phi nangmi cu Bawipa nami Khanpughi naw ning khäm gui ci. Nangmi cu ani ah chang ah nami kyak ci.” Htome hta, kä cun ung mehta cu anu ah suuktui awn kä nami shon vai.


Ani naw amät sik ciah khisa ah meh, sa naw a lawh ah meh cu kä a ei vai, acun naw ani cu kä theingthap sak khai. Kei cu Bawipa nei.


“Nangmi cu ka chang ah nami kyak ci, cun ah kyasei sa lawh ah a meh cu kä nami ei vai. Ui am nami vuh vai.


Ani naw, “Ngami cu geinvai nak ah dukdeiu nak ungka phiawng lawk ci gui ah kyak ci nei. Ngami cu ami suinu gui avan Htomehta ah si ung bawk khai ah pheet pyi ci gui ah kyak ci.


Taigü naw amät sih phung ciah kha la khisa cu kä ami ei en vai, khisa naw a lawh phi kä ami ei en vai.”


Cun ung phi kei naw m’shang ne “ka nei, uktu Bawipa aw! Kei naw ka mät ai yah ung phi kä ka le lawi sak man ci ne! Kei ka hmaw yah ge ung amät sik ciah khisa la sah nget naw a lawh ah sa cu kä ka ei man ci nei. Kä theing ciah ngaih phung cu kä ka ei man ci nei” ka cik ci.


Ani ah a ih nak tawn ci phung, kä cung


Nangmi naw shin ah thung cu lawk ciah a khin avan ung nami ngaih nak vai. Gängsei nak vai ah tui k’peh ciah chang naw phi a suisak cu am si vai. Tui tawn ciah chang päng cu mühun güt ung kä theingthap ci.


A hnüüp thum la a hnüp chih hnüüp theingthap ciah chang cu a cun ah tui awn ak peh vai. A hnüüp chih ung ani naw chang cu ng’gängsei sak ci. Cun ah chang cu a suisak m’si pyi ne, tui awn ng’shawi pyi ci kya ne, khohni a hang kyak ung theingthap ciah kyak ci.


Seipat m’khih ciah chang naw phi a sui amsi vai, apum tui awna shawi vai, Cun ung phi ani phi mühun güt ung kä theingthap ci.


Ani ah ngoh nak, ani ah ih nak tawn ciah chang phung naw, a suisak am su vai, tui angsi vai, ani cu khaw mühun güt ung kä theingthap ciah kyak ci.


Cun ah chang ah ngoh om nak a i phi tawn ciah chang phung cu khaw mühun güt ung ka theingthap ci. Cun ah chang ah ngoh om nak sochang ciah chang phung naw, asui am su vai, tui angsi vai, ani cu khaw mühun güt ung kä theingthap ciah kyak ci.


Amät sik ci, käcung sa ah lawh ah seime ah a thau phung cu kä ei vai, cun ung phi a hei lam ah mang vai.


Chang tumat mat naw cun ah pumsa api ah phi a ei ah a kyak ung, ani naw a suisak amsu ba vai, cun ung phi ani cu khaw mühun güt ung kä theingcim ci. Aksi ah pumsa sawchang ciah chang phung naw, a suisak am su vai, cun ung phi ani cu khaw mühun güt ung kä theingcim ci.


Nami sei me ah hta htük gui cu nami na ap vai. Sei me ah hta htük gui cu ani ung hnüüp chih om khäta, a hnüüp cheit hnüüp kei am nami na thak law vai.


Aka ungka ah khisa gui ah sik ciah pumsa tawn ciah chang phung cu, khaw mühun güt sei kä theingcim ci. A khawpaw mah gui avan, cun ung phi a khawpaw kä ng’kye ci gui la ei kä m’däuh ci gui cu nawng ne, phli khaw nak ciah apha mah gui avan ah kyak ci. Acun gui ah aksi pumsa phui ci phung naw asuisak am su ba ge vai, cun ung phi ani cu khaw mühun güt ung kä theingcim ci.


A cun gui la acun gui aksi ah pumsa tawn ciah chang phung cu khaw mühun güt ung kä theingcim ci.


Acun ah aksi gui ah pumsa naw a kyak shi phi kä theingcim ci. Shin ah thungyo naw am dang cu sing, suisak, savun, samu ah khan ah a kyak shi ung phi, kä mang düt vai, cun cu tui ung hnawm vai. Cun ung phi cun cu mühun güt ung kä theingcim ci.


Ei man ah khisa a sih ah a kyak ung acun tawn ciah chang cu khaw mühun güt ung kä theingcim ci.


Swiv nou:

Piblisite


Piblisite