TAIGÜTHUM 17:11 - Cho Bible Common Language 2016

¹¹ Akghing nü ah ghin nak cu si ung om ci, cun ah kyasei Bawipa ah thumkhän cu, si avan cu chang gui ah katnak nawt heng nak ah sonkiang khan ah lawn vai. Si cu ghin nak ah kyak ci, katnak nawt heng ci.

TAIGÜTHUM 17:11 Referans Kwoze

HEBRU 9:22

Akcang ah thukhän ah pyein ah, a päng avan cu si awn vah theingcim ci. Si huk nak awn cheishoh nak cu phyawng hlawt ci.

1 JOHAN 1:7

Cun ung phi ani cu akdei ung a om ah mäih ah, mikmi cu ak dei ung mi om ah a kyak ung, mikmi cu tumat la tumat pui m’ca nak om ci. Khanpughi ah Htapa Bawi Jesuh naw asi ng’hlui awn mi kat nak nüng cu m’si ne ana theing sak gui pyi ah kyak ci.

ROMAN 3:25

Jesuh Khrit ah a sih nak awn chang gui cu, katnak ungka ami phiawn vai ah Khanpughi naw, ani cu chang m’küi nak ah m’hnüt ne k’bäi ci. Chang gui cu ani ami yum nak awn katnak ungka phiawn nak gah ci gui. Khanpughi naw cun ah abi cu, a i chaa ah chang gui ang düng sak gui ah mawng am dang nak ah kyak ci. Yanä akhin ung chang gui ah katnak cu, Khanpughi naw hnimgei nak awn m’düm gui ci.

THU PHLAAN 1:5

bekhüt ne saksi ne, sih nak ungka tho ba htük ne, mdek la khan ghangpughang nüng nüng uk ciah Bawipa Jesuh Khrit ah m’geinsei nak la dimdeeih nak cu nangmi ung om sä. Mikmi na m’hni gui ne, asi huk ne asih nak awn, mi katnak ung nak phiawn gui netah;

MAKUH 14:24

Bawipa Jesuh naw, “Shin ah khap cu Chang akda ah hmawk ah kei, naw ka huk ah ka si, Khanpughi naw ang thukhän am hnüt nak ah ka si, ah kyak ci.

ATÜNNAK 9:4

Cun ung phi si la si ah om nak ah asa cu kä nami ei vai, si ung ghin nak om ci.

KOLOSE 1:14

Ani ung phiawn nak mi gah ci, cun cu mi cheishoh nak ana m’gein gui ah kyak ci.

MATTHE 26:28

Hnicim chang ah cheishoh nak m’si nak ah, ka huk ah ka si ng’hlui ah kyak ci nei.

HEBRU 13:12

Cun ah kyasei Bawipa Jesuh Khrit cu a si ng’hlui awn chang gui ah, cheishoh nak m’si khai ah, mang gaw ah k’pung ah sik nak aut ci.

EPHESIAN 1:7

Bawi Khrit naw ng’ap ne a sih nak awn mikmi cu mi k’phiawn pyi ci, cun cu küikyang ciah Khanpughi ah m’gein nak ah kyak ci.

TAIGÜTHUM 17:14

Akghing phung ah ghin nak cu si ung om ci, cun ah kyasei Bawipa naw Israel chang gui a pyen nak gui cu, akyong ah si om ba ciah asa cu kä ei vai. Cun ei ciah chang cu ani ah chang ah kä kya ba khai.

1 PETER 1:2

Nangmi cu Pa Khanpughi naw amät ah ng’bü nak awn ning ghü gui ne, ang Mumcha awn chang theing ah ning pyang gui ci. Cun cu Bawi Khrit ah thu nami läk nak vai la asi awn nami theingcim nak vai ah kyak ci. M’geinsei nak la dimdeeih nak cu nangmi ung kümbe ne om sä.

KOLOSE 1:20

Ahtapa awn khophlüt avan cu amät ung gawk law ba sak yawp khai ah Khanpughi naw k’bäi ci. Khanpughi naw A Htapa kutlamtung ung ap ne asih nak awn dimdeeih nak bi ne khomdek la khankho ung om ci avan cu amät ah ng’khäm ba sak ci.

ROMAN 5:9

Mikmi cu Jesuh Khrit ah sih nak awn Khanpughi ung mi ng’düng pyi ci kya sei, Khanpughi ah m’lung k’she nak ung a na k’phiawn gui cu ngaih gep vai kyak ci.

TAIGÜTHUM 8:15

Cun cu Moses naw ngawn ne asi amshah la neta, a kutpyün awn, sonkiang ah akit gui ung alawi gui cu hluk ci, cun cu ng’apnak ah kyak ci. Ani naw pawih ba ciah asi gui cu sonkiang ah akung ah huk ci. Acu cha ah ani naw ng’apnak bi ne ng’gängsei sak ci.

1 JOHAN 2:2

Mi cheishoh nak nam geinsei gui cicu Bawi Khrit amät ah kyak ci, mikmi bäng ah kä kyak ci, hnicim chang avan cu m’gein ne ana k’phiawn gui ah kyak ci.

MATTHE 20:28

Chang ah Htapa cu chang ah m’htei vai ah lawk ciah kä kyak ci, chang m’htei khai la, a hnun gui pe ne chang avan hun phiawn khai ah lawk ciah kyak ci, nangmi cu acun ah mäih ah nami kyak vai,” cine m’cäi gui ci.

TAIGÜTHUM 16:11

Aaron naw amät ah phäh la a kyong khui ah phäh ah katphyawn douthak nak ah vantang awn a khawihnah law ah a kyak ung,

TAIGÜTHUM 1:5

Ani naw sei cu acu ah ngawn khai, Aaron taigü gui naw asi cu Bawipa am pek khai gui. Cun kawn ah Phung ah luh nak ung om ciah sonkiang ah akit phli ung k’peh khai gui.

TAIGÜTHUM 17:12

Cun ah kyasei Bawipa naw Israel chang gui a pyen nak gui cu, ami mät, kä cung ami ng’lung ah om tuk ciah khuihei chang phung naw, si om yah ciah sa cu kä a ei vai.

TAIGÜTHUM 4:25

Taigü naw a kutpyün gui cu a cun ah me ah si ung yuk phum neta, sonkiang ah akit gui ah alawi gui ung yuk mek ne, pawih ba cicu sonkiang ah a kung ung a shawi vai.

TAIGÜTHUM 4:26

Cun kawn ah ani naw a thau avan cu sonkiang ah khan ah am khih vai. Cun cu hmuhchum-douthak nak ah seime ah thau am khih ah mäih ah kyak ci. A shicha ah taigüpa naw uktu ah katnak ah phäh ah khawihnah nak cu a douthak vai. Ani cu m’geinsei nak gah khai.

THULÄÄN NAK 12:23

Si om ciah asa cu kä nami ei vai. Ghin nak cu si ung om ci, nangmi naw a ghin nak mah ah meh cu kä nami ei vai.