TAIGÜTHUM 16:5 - Cho Bible Common Language 2016

⁵ Israel chang avan naw katphyawn douthak vai ah me amca hnih la m’khih ne douthak vai ah htome amca tumat ami pek vai.

TAIGÜTHUM 16:5 Referans Kwoze

2 SHONTÄP NAK 29:21

Mang im kyongchang gui la Judah chang gui ah katnak nawt heng nak douthak vai la Taigüim theing ciim sak nak vai ah vantang chih, htome chih, htome hta chih la me chih cu hteh püi ci gui. Ghangpughang naw Aaron ah htangshon taigü gui a pyen nak gui cu, seime gui cu khawihnah nak ah sonkiang ung ami douthak vai ah kyak ci.

EZRA 6:17

Cun ah ap nak ung ngami naw seipat phia, htome phia goi, la htome hta phia phli cu khawihnah nak ah bi u ne, Hmakat douthak nak ah me gha lei goi, Israel pakhui tumat ah phäh ah tumat ciah kyak ci.

KHEI NAK 29:11

A cun ah mäih ah katphyawn douthak nak ah me m’ca tumat nami pek vai, me douthak nak k’be nak ah chang gui ah ng’gängsei nak cu bi vai, htang douthak nak la sapyit tui douthak nak awn a täng ah a hnüüp tä m’khih ne douthak nak cu bi vai. (Taigüthung 23:33-44)

TAIGÜTHUM 8:2

“Aaron la a hta gui cu kei ah om nak ah Phung ung valuh nak ung na law püi gui vai. Taigü suinu gui, hluk nak ah situi, katphyawn-douthak nak vai ah vantang nong, htome akhla hnih, la k’caw kä shum ah m’htut dawn ät cu nami law püi vai.

ROMAN 8:3

Hnicim chang ak tha kä om sei, thukhän naw kä a bi peit hlawt cu Khanpughi naw bi pyi ci nei. Khanpughi naw hnicim chang ung om ciah katnak cu m’kat khai ah A Htapa cu yuk m’kyum lawk ci. Ahtapa cu katnak k’täm ne m’di khai ah, hnicim chang ah mäih ah katnak nupuk nah ne ng’tüi lawk ci.

TAIGÜTHUM 8:14

Cun kawn ah Moses naw vantang hta cu katphyawn-douthak nak vai ah law püi khäta, acun ah lu khan ah Aaron la a hta gui naw ami kut taih ci gui.

TAIGÜTHUM 1:10

Chang naw a me baw, a htome baw a douthak ah a kyak ung, cun cu amca ah kyak khai, kä kheihlik en khai.

TAIGÜTHUM 4:3

Taigütung naw katnak bi ne, chang ah khan ah a shetkat ah a kyak ung, kä kheihlik en ciah seipat anong a pek vai. Akat ah phäh ah Bawipa a khawihnah ah kyak khai.

TAIGÜTHUM 9:2

Ani naw Aaron am, “Api ah phi kä kheihlik ciah vantang hta la htome hta cu la neta Bawipa am na douthak vai, vantang hta cu katphyawn-douthak nak ah kyak khai, htome hta cu m’khih ne douthak nak ah kyak khai.