TAIGÜTHUM 16:4 - Cho Bible Common Language 2016

⁴ Cun kawn ah Bawipa naw shin ah m’shümthein nak gui cu pek ci. Aaron cu a theingcim nak pikbäih ung kä a hteh pha ung, tui angsi vai, taigü sui gui a sui vai, Linen suinu la chi, kheipat la lupawng gui a sui vai.

TAIGÜTHUM 16:4 Referans Kwoze

PHYAWN NAK 30:20

Cun cu ei douthak khai gui naw khophung kyong ah kä ami luh pha ung, sonkiang pei ah kä ami gawk pha ung, ami bi vai ah kyak ci. Ngami cu kä ngawn gui vai ah kyak ci.

HEBRU 7:26

Cun ah kyasei Bawipa Jesuh cu mikmi ung hlü ci awn ng’müi ciah Taigü Tung ah kyak ci. Ani cu theingcim ci, shetkat nak ani ung kä om ci. Ani cu shetkat nak ungka m’chah ne, khan mawpi ah a thawh ba sak ah kyak ci.

TAIGÜTHUM 6:10

Cun kawn ah taigü naw linen suinu sui ne, linen k’chi sa neta, sonkiang khan ung situi ah ng’shüi ciah m’vut cu heng ne sonkiang ah ang leng ung a tha vai.

HEBRU 10:22

Cun ah kyasei mikmi cu mi m’lung ngaih theingcim sak ne, mi pumsa tuikci awn m’si netah, ng’cim ciah m’lung, ng’htei ciah yum nak awn, Khanpughi ah pei ah ming et khai nei.

HEBRU 2:14

Cun ah a pyein ah hta gui cu si la sa awn om ci gui ah kyasei, Bawipa Jesuh cu si la sa om ciah hnicim chang ah yu kyum lawk ci. Cun ah a bi cu, khoshe ah hlüngtai nak ah kyak ciah sih nak cu, a sih nak awn am di ah kyak ci.

PHILIPPIAN 2:7

Cun ah a kyak nak vaisü ung amät ah bämang nak cu a bü ah nawng shüt ne, changshäm cu nupuk nak ci. Ani cu chang ah mäih ah law ne, ak hnicim chang nak cu m’dang ci.

LUKA 1:35

Khankho chang naw Mumcha Theing nak khan ah gawk lawk khai, Khanpughi ah hlüngtai nak phi nakkhan ah gawk lawk khai. Cun na kia sei theingthap ciah ak hmaw cu Khanpughi ah Htapa ah ming khai.

ISAIAH 53:2

Kho lei chawng ung khäng sei ng’yung ne, tho ciah sing ghing ah mäih ah a changshäm a kyak vai cu Bawipa naw ng’ya hlük ci nei. Kiom nak a i phi kä om ci. Ani ung na khäihleng ci phi a i kä om ci, m’hni hlü vai phi a i kä om ci.

TAIGÜTHUM 16:24

Ani cu atheingcim hmun ung tui ng’si neta, amät ah sui cu a sui ba vai. Cun kawn ah ani cu hteit ba ne, amät ah katnak la cun ah chang gui ah katnak nawt heng nak ah m’khih ne douthak nak cu a douthak vai.

PHYAWN NAK 40:12

“Aaron la a hta gui cu Phung ah m’kawt ung khü law gui vai, ngami cu a cun ung tui ng’si khai gui.

PHYAWN NAK 29:4

“Aaron la a hta gui cu kei ah om nak ah phung ah m’kawt ung na law püi gui vai, tui na ng’si sak gui vai.

PHYAWN NAK 28:2

Na phäi Aaron ah phäh ah taigü khingyih cu na pyan pek vai. Cun cu a huham mah nak vai la a kyom nak vai ah kyak ci.

TAIGÜTHUM 16:23

Cun kawn ah Aaron cu Phung kyong ah lut ne, Atheingcim Pikbäih Hmun ung kä a luh pha ung asui ah taigü suinu gui cu suut ba ci, a cu ah nawng shüt ci.

TAIGÜTHUM 16:32

Taigütung, apa ah khui m’düng khai ah phyuh theh ne, phyisä ne, ami ci naw, ng’gängsei nak ah bilawh thung cu a bilawh vai. Ani naw taigü sui cu a sui vai.

EZEKIEL 9:2

A cun vai am Chang Chuk cu a siiptäng taigü Im kawt ah akpung täng ungka lawk ci gui, likhim kawt bäng bäng ci gui. Ngami awn atäng ah linen sui sui ciah Chang tumat cu guk nak vai kawt ne law tuk ci. Ngami ami van law u ne kyei sonkiang pei ah ng’düi ci gui.

EZEKIEL 44:19

Ngami cu chang gui ah om nak, cham ah k’pung ah ami luh law vai ung, Taigüim kyong ah bii ami bi yah ung ami sui gui cu sut ma u neta, Atheingcim nak ah akhan ah nawng shüt khai gui. Ngami cu ahei sui sui khai gui, cun cu theingcim ciah ami sui naw chang gui kä a plawh gui vai ah ami khäm ah kyak ci.

TAIGÜTHUM 6:3

chük ciah khawh ah phäh ah kä ka hmuk ci, cine, hleeihlak ne ng’taam ciah chang naw,