TAIGÜTHUM 16:34 - Cho Bible Common Language 2016

³⁴ Shin ah thungyo gui cu lawk ciah a khin avan ung ngaih nak vai ah kyak ci. Shin ah bilawh thung cu Israel chang gui ah katnak avan ng’gängsei nak ah kum ät ung hnü ät ciah bi vai. Cun ah kyasei Moses naw Bawipa ah thumkhän ah mäih ah bik ci.

TAIGÜTHUM 16:34 Referans Kwoze

HEBRU 9:7

Cun ung phi Taigü tung tumat bäng vah phung ah ak kyong ah vah lut ci. Ani cun ah aluh cun phi kum ät ung hngü ät ah kyak ci. Cun ah aluh ung amät ah hmawk la chang gui naw kä hmat ne ami cheishoh ah hmawk ah, khawihnah nak vai ah si cu hteh püi ci ci.

HEBRU 9:25

Jew chang gui ah Taigü Tung cu, a kum tä sei, sei me gui ah si hteh püi ne, Hmun Theing Säih pi ung hteit ci ci. Cun ung phi Bawi Khrit läi cu ng’ap khai ah akda vei kä lut ci.

PHYAWN NAK 30:10

Aaron naw kum ät ung hnü ät a bi vai cu sonkiang ah theingcim nak vai ah, katnak ah phäh ah khawihnah nak ah seime ah si awn a lawi phli cu a hluk vai. Shin cu a kum tä sei ngawi yä bi vai ah kyak ci. Shin ah sonkiang cu kei Bawipa ung ng’ap ciah akbe ah theingcim ciah kyak ci.

HEBRU 10:14

Hnü ät ang bäng ah a küikyan nak awn, theingcim nak gah ci gui cu, angtäi sei kümbe sak gui ci.

HEBRU 10:3

Cun ah a kum tä sei küikyan nak vai ami bi nak naw chang gui ah cheishoh nak cu m’shüm thein ba gui ci.

KHEI NAK 29:7

A cha chih nak ah a hnüüp gha hnüüp ung khawihnah vai ah nami bum vai; a i kä nami ei vai, a i kä nami bi vai.

TAIGÜTHUM 23:31

Shin ah thungyo gui cu a hawi ami om ung phi, nami hta nau gui ami van ah khan gawk khai.

PHYAWN NAK 27:21

Aaron la a hta gui naw kei ah om nak ah phung ah kyong ah mei im ami m’däi vai, cun cu yihdung ah akpung, Thukhän M’küm ah a ma ah kyak ci. Acun ah kei ah ma ah mühun ung tün ne khaw ngawi ung khüt sei, ami m’däi vai nei. Shin ah thumkhän cu Israel gui la ami hta ng’shon gui naw ngawiyä ami läk vai ah kyak ci nei.

TAIGÜTHUM 17:1

Bawipa naw Moses am thumkhän ci,

TAIGÜTHUM 23:28

Cun ah hnüüp ung a i kä nami bi vai, a i ah kyasei ci ung cun ah hnüüp cu katnak nawt heng nak ah bii bi nak ah hnüüp ah kyak ci.

PHYAWN NAK 39:43

Moses naw a päng avan cu teng neta, Bawipa ah thumkhän ah mäih ah pyi phleh ne, ami bi cu hmuk ci. Cun kawn ah Moses naw hriham pak ci.

TAIGÜTHUM 3:17

Athau la asi cu a u Israel chang naw phi kä a ei en vai. Cun cu Israel chang phung naw ami om nak päng ah angtäi sei ami k’pan vai ah thungyo ah kyak ci.

TAIGÜTHUM 16:2

Ani naw “Na nau Aaron am na m’thein ba vai, ani cu yihdung ah ak um a theingcim nak pikbäih ung amät ah khin bäng ung a hteh vai, a i ah kyasei ci ung cun ung, Thumkhän M’küm ah a khüm ah khan ung, khongmei ung kei cu ka ng’dang ci. Ani naw kä a ngaih ah a kyak ung ani cu ngawn vai kyak khai nei.

TAIGÜTHUM 24:23

Moses naw Israel chang gui am shin ah a pyen nak gui kawn ah, ngami naw cun ah chang cu shaum pigaw ah k’pung ah hteh püi u ne, lung awn vawi ne ngawn ci gui. A cu cha ah Israel chang gui naw Bawipa naw Moses am ang thumkhän ah mäih ah bik ci gui.