TAIGÜTHUM 16:31 - Cho Bible Common Language 2016

³¹ Cun ah hnüüp cu ang htei ah theingcim ciah hnüüp ah kyak ci. Ei ami hlawi nak la a i kä ami bi nak ah khaw hnüüp ät ah kyak ci. Shin ah thungyo gui cu lawk ciah a khin avan ung ngaih nak vai ah kyak ci.

TAIGÜTHUM 16:31 Referans Kwoze

TAIGÜTHUM 23:32

Cun ah cha a hnüüp kaw nak hni ng’shu ungka naw, a hnüüp gha nak ng’hni ng’shu ung khüt ci cu, ng’düm nak hnüüp aktung ah nami ngaih nak vai, cun ah khin ung a i phi kä ei vai.

ISAIAH 58:5

Einmai hlwi ng, nami mät naw nami mät nami yaica sak ci; khum’ghaw ah ng’voi ah mäih ah nami lu ngüm ne kawp ne, sui she phüi ne, m’vut ung ng’zaän ne nami kyak ci. Cun ma nangmi naw ei hlawi ah nami pyen? A cun ah mäih cu kei naw ka yei nak khai ah nami ngai ne ma?

ISAIAH 58:3

Chang gui naw ng’shih ci gui, “Bawipa naw a i ah kä ana sui gui ung, a i vai mikmi ei mi hlawi vai ang? Ani naw a i ah ka ana ngaih gui ung a i vai ei kä ei ne mi hteh vai ang? Bawipa naw ngami pyen na gui ci, “akcang cu, nangmi ei nami hlawi sang ung nami mät ah ng’yak hlü shui u ne, nami chang gui nami shedam na gui ci.

TAIGÜTHUM 25:4

Cun ung phi a kum chih nak ah khaw kum ät cu, khaw m’düm nak ah kum ah kyak ci, Bawipa am ap nak ah khaw kum ah kyak ci. Cun ah kum ung nami lo ung m’shi kä nami phu vai, sapyit lo phi kä nami kyan vai.

PHYAWN NAK 35:2

Nangmi ung nami bii nami bi nak vai ah khaw hnüüp chuk om ci, cun ung phi a hnüüp chih hnüp cu nami theing sak vai. Ding gei ciah ng’düm nak hnüüp cu kei, Bawipa ung nami ng’apnak hnüüp ah kyak ci. Cun ah hnüp ung bii bik ciah chang phung cu ngawn vai.

PHYAWN NAK 31:15

Nangmi ung nami bii nami bi nak vai hnüüp chuk om ci, a hnüüp chih nak cu dimdeeih ciah düm nak hnüüp, kei ung ng’apnak ah kyak ci. Cun ah hnüüp ung bii bik ciah chang cu ngawn vai.

EZRA 8:21

Cä ah Ahava tui cawh pei ung mik mi ah phäh ah tuhbäi ka pek ci. Mi van ei hlawi ne mi Khanpughi ah ma ah m’lung mi ng’neim sak khai. Mihteh nak ah lam ung ma ana tawn gui vai ah mi k’thäh khai. Mi mät mi hta nau gui la mi khawh cham avan ana shungvong gui vai ah,

DANIEL 10:12

Cun kawn ah ani naw, “Daniela, kä na kyih vai nei. Nang naw hmuhmat nak na gah vai ah na mät naw na mät ng’neim sak ne, na k’ba’i ah hnüüp ung tün ne, Khanpughi naw na taigü cu ng’yak ci nei. Kei cu nang ah taigü ka ning m’shang khai ah ka lawk ci nei.