TAIGÜTHUM 16:3 - Cho Bible Common Language 2016

³ Ani cu katphyawn douthak nak vai ah vantang hta la m’khih ne douthak nak vai ah htome akhla hta a law püi kawn ah va, a theingcim nak pikbäih ung lut hlawt khai” cik ci.

TAIGÜTHUM 16:3 Referans Kwoze

TAIGÜTHUM 4:3

Taigütung naw katnak bi ne, chang ah khan ah a shetkat ah a kyak ung, kä kheihlik en ciah seipat anong a pek vai. Akat ah phäh ah Bawipa a khawihnah ah kyak khai.

HEBRU 9:7

Cun ung phi Taigü tung tumat bäng vah phung ah ak kyong ah vah lut ci. Ani cun ah aluh cun phi kum ät ung hngü ät ah kyak ci. Cun ah aluh ung amät ah hmawk la chang gui naw kä hmat ne ami cheishoh ah hmawk ah, khawihnah nak vai ah si cu hteh püi ci ci.

TAIGÜTHUM 8:18

Cun kawn ah Moses naw htome akhla cu m’khih ne douthak vai ah law püi khäta acun ah lu khan ah Aaron la a hta gui naw ami kut taih ci gui.

TAIGÜTHUM 1:10

Chang naw a me baw, a htome baw a douthak ah a kyak ung, cun cu amca ah kyak khai, kä kheihlik en khai.

HEBRU 9:12

Bawi Khrit cu Hmun Theing Säih ah hnü ät ge ang bäng ah aluh sang ung, vawihpeh vai ah me ah si, sei ah si cu kä hteh püi ci; Amät ah si hlui cu hteh püi ne, mikmi ah angtäi hun nak cu na pe gui ci.

TAIGÜTHUM 9:3

Cun kawn ah Israel chang gui na m’thein gui vai, katphyawn douthak nak vai ah me amca ami law püi vai, m’khih ne douthak vai ah api ah phi kä kheihlik ciah, kum ät lüng ciah seipat hta tumat la kum ät lüng ciah htome hta tumat ami law püi vai.

TAIGÜTHUM 8:14

Cun kawn ah Moses naw vantang hta cu katphyawn-douthak nak vai ah law püi khäta, acun ah lu khan ah Aaron la a hta gui naw ami kut taih ci gui.

TAIGÜTHUM 1:3

Ani naw sei tumat awn m’khih ne a douthak law ung api ah phi kä kheihlik ciah vantang cu a law püi vai. Ani naw Bawipa ah om nak ah Phung valuh nak ung a tha vai. Cun ung Bawipa naw ani cu dou khai.

TAIGÜTHUM 4:1

Bawipa naw Moses ang thumkhän ci,

TAIGÜTHUM 16:6

Ani naw amät ah kat nawt heng nak vai la amät ah kyong chang ah phäh ah a khawihnah nak ah vantang cu a douthak vai.

TAIGÜTHUM 9:2

Ani naw Aaron am, “Api ah phi kä kheihlik ciah vantang hta la htome hta cu la neta Bawipa am na douthak vai, vantang hta cu katphyawn-douthak nak ah kyak khai, htome hta cu m’khih ne douthak nak ah kyak khai.