TAIGÜTHUM 16:29 - Cho Bible Common Language 2016

²⁹ Shin ah thungyo gui cu lawk khai ah a khin avan ung ngaih mah nak gui vai ah kyak ci. A cha chih nak ah, a hnüüp gha hnüüp ung Israel chang gui la ami ng’lung ah om tuk ciah a khawhei chang gui cu ei ami hlawi vai, a i phi kä ami bi vai.

TAIGÜTHUM 16:29 Referans Kwoze

ISAIAH 58:3

Chang gui naw ng’shih ci gui, “Bawipa naw a i ah kä ana sui gui ung, a i vai mikmi ei mi hlawi vai ang? Ani naw a i ah ka ana ngaih gui ung a i vai ei kä ei ne mi hteh vai ang? Bawipa naw ngami pyen na gui ci, “akcang cu, nangmi ei nami hlawi sang ung nami mät ah ng’yak hlü shui u ne, nami chang gui nami shedam na gui ci.

KHEI NAK 29:7

A cha chih nak ah a hnüüp gha hnüüp ung khawihnah vai ah nami bum vai; a i kä nami ei vai, a i kä nami bi vai.

DANIEL 10:12

Cun kawn ah ani naw, “Daniela, kä na kyih vai nei. Nang naw hmuhmat nak na gah vai ah na mät naw na mät ng’neim sak ne, na k’ba’i ah hnüüp ung tün ne, Khanpughi naw na taigü cu ng’yak ci nei. Kei cu nang ah taigü ka ning m’shang khai ah ka lawk ci nei.

ISAIAH 58:5

Einmai hlwi ng, nami mät naw nami mät nami yaica sak ci; khum’ghaw ah ng’voi ah mäih ah nami lu ngüm ne kawp ne, sui she phüi ne, m’vut ung ng’zaän ne nami kyak ci. Cun ma nangmi naw ei hlawi ah nami pyen? A cun ah mäih cu kei naw ka yei nak khai ah nami ngai ne ma?

SAM 35:13

Cun ung phi ngami ami nat law ung kei cu sui she sui ne, ei hlawi ne, kawp ne, ka taigü ci.

TAIGÜTHUM 23:36

Cun ah hnüüp chih ung a hnüüp tä sei, ei-douthak nak cu nami bi vai. A hnüüp cheit ung khawihnah vai ah a täng ah law ba mä u ne, ei-douthak nak nami douthak vai. Cun cu khawihnah nak ah hnüüp ah kyasei nangmi naw a i kä nami bi en vai.

TAIGÜTHUM 23:21

Cun ah hnüüp ung nami mät ah bii a i phi kä nami bi vai, cun ung phi khawihnah vai ah nami ng’bum vai. A hawi ami om ung phi nami hta nau gui naw, shin ah thungyo gui cu lawk ciah a khin avan ung ami ngaih nak vai.

PHYAWN NAK 20:10

a chih hnüüp cu ng’düm nak la kei ung nami ng’ap nak ah kyak ci; cun ah hnüüp ung a u naw a i kä a bi vai, nangmi, nami hta nau, nami changshäm, nami seime, la nami khaw ung om tuk ciah khawhei chang avan naw a i kä nami bi vai.

HEBRU 4:10

A i ah kyasei ci ung Khanpughi ah shaitaak ah düm nak gah ciah chang cu, Khanpughi ah mäih ah amät ah bi a bi ung düm nak gah ci nei.

1 KORIN 11:31

Mi mät naw mi mät ak htük bäih ah mi m’khoichaa ah a kyak ung, mikmi cu Khanpughi ah m’khoichaa nak ah kaa ah kä mi gawk khai.

DANIEL 10:3

Hnüüp m’ku lei ät kä ang pyi pha ah chuih kei cu buh meh akni kä ka ei ci, sapyit tui phi kä ka awk ci, ka lu phi kä ka huih ci.

ISAIAH 58:13

Bawipa naw pyen ci, “Nangmi naw kyiiin na hnüüp cu theingthap sak ne, a cu hnüüp nami mät ah Ng’zak hlü ah kä om ne; kei ah theingcim ciah hnüüp cu m’kümto u ne, m’tamkhah u ne; kä hteit hton ne, kä ng’bilo ne, kä ng’thu she ne nami kyak ung;

SAM 69:10

Kei ei hlawi ne hnim gei ngä sei, chang gui naw na päipih ci gui;

EZRA 3:1

A cha chih nak ung Israel chang gui ami vancu ami gawnu gui ung om ba yawp ci gui. Cun kawn ah ami van Jerusalem ung ng’bum ci gui.

1 GHANGPUGHANG GUI 8:2

Ngami ami van cu akcha chih nak, Ethanim cha, ng’yii nak ah Pawi ung ng’bum lawk ci gui.

TAIGÜTHUM 23:3

Nangmi ung nami bii nami bi nak vai ah khaw hnüüp chuk om ci. Cun ung phi a hnüüp chih hnüüp kyin hnüüp cu, ng’düm nak ah hnüüp ah nami shüm ba vai. Cun ah hnüüp ung a i kä nami bi vai, khawihnah vai ah nami ng’bum vai. Nangmi a hawi nami om ung phi, kyin hnüüp cu Bawipa ah khäm ah kyak ci.

PHYAWN NAK 30:10

Aaron naw kum ät ung hnü ät a bi vai cu sonkiang ah theingcim nak vai ah, katnak ah phäh ah khawihnah nak ah seime ah si awn a lawi phli cu a hluk vai. Shin cu a kum tä sei ngawi yä bi vai ah kyak ci. Shin ah sonkiang cu kei Bawipa ung ng’ap ciah akbe ah theingcim ciah kyak ci.

PHYAWN NAK 12:16

A hnüüp ät hnüüp la a hnüüp chih hnüüp ung kei awn ng’hmuh vai ah nami na khawihnah vai. Cun ah hnüüp gui ung a i phi kä nami bi vai, ei vai bäng nami pyan tham vai.

LAMKTU 27:9

Keimi cu cun ung kho hnüüp akda om tu u ngähtah ei hlawi nak ah pawi hnüüp phi ng’phlän pyi ci. Cun ah kya sei tuinu ung hteh vai cu ng’ä ai vai kya lawk ci. Cun ah kya khätah Paul naw,

PHYAWN NAK 31:14

Nangmi naw düm nak ah hnüüp cu nami shum khek vai, a i ah kyasei ci ung cun cu theingcim ci. Cun ah hnüüp kä shum khek ne bii bik ciah chang cu sih nak ung tüih vai.

PHYAWN NAK 31:15

Nangmi ung nami bii nami bi nak vai hnüüp chuk om ci, a hnüüp chih nak cu dimdeeih ciah düm nak hnüüp, kei ung ng’apnak ah kyak ci. Cun ah hnüüp ung bii bik ciah chang cu ngawn vai.

TAIGÜTHUM 3:17

Athau la asi cu a u Israel chang naw phi kä a ei en vai. Cun cu Israel chang phung naw ami om nak päng ah angtäi sei ami k’pan vai ah thungyo ah kyak ci.

1 SAMUEL 7:6

Cun ah kyasei ami van Mizpah ung lawk ci gui. Ngami naw Bawipa am douthak nak ah, tui than ne k’peh u ne, cun hnüüp mü ne ei hlawi ci gui. Ngami naw, “Mikmi cu Bawipa hnu ng’tuk püi ne mi hma ci nei” (Israel gui ah lung ah Samuel naw abi nak cu Mizpah ah kyak ci)

EZRA 8:21

Cä ah Ahava tui cawh pei ung mik mi ah phäh ah tuhbäi ka pek ci. Mi van ei hlawi ne mi Khanpughi ah ma ah m’lung mi ng’neim sak khai. Mihteh nak ah lam ung ma ana tawn gui vai ah mi k’thäh khai. Mi mät mi hta nau gui la mi khawh cham avan ana shungvong gui vai ah,

TAIGÜTHUM 25:9

Cun kawn ah a cha chih nak ah a hnüüp gha hnüüp cu, bui awt nak ah hnüüp, acun ah hnüüp ung khaw avan ung hteit ne phyungheng tum khai ah chang tumat nami tüih vai.