TAIGÜTHUM 16:28 - Cho Bible Common Language 2016

²⁸ Cun m’khih ciah chang cu shaum pigaw ah kyong ah kä a law ba pha ung, asui am su vai, tui angsi vai.

TAIGÜTHUM 16:28 Referans Kwoze

KHEI NAK 19:7

Cun kawn ah ani naw asui cu amsu vai. Apum tui awn a shawi vai. Cun kawn ah shaum ung lut ba hning ci. Cun ung phi ani cu khaw mühun güt kä theingthap ci.

KHEI NAK 19:8

Seipat m’khih ciah chang naw phi a sui amsi vai, apum tui awna shawi vai, Cun ung phi ani phi mühun güt ung kä theingthap ci.

TAIGÜTHUM 11:24

Aka ungka ah khisa gui ah sik ciah pumsa tawn ciah chang phung cu, khaw mühun güt sei kä theingcim ci. A khawpaw mah gui avan, cun ung phi a khawpaw kä ng’kye ci gui la ei kä m’däuh ci gui cu nawng ne, phli khaw nak ciah apha mah gui avan ah kyak ci. Acun gui ah aksi pumsa phui ci phung naw asuisak am su ba ge vai, cun ung phi ani cu khaw mühun güt ung kä theingcim ci.

TAIGÜTHUM 11:40

Chang tumat mat naw cun ah pumsa api ah phi a ei ah a kyak ung, ani naw a suisak amsu ba vai, cun ung phi ani cu khaw mühun güt ung kä theingcim ci. Aksi ah pumsa sawchang ciah chang phung naw, a suisak am su vai, cun ung phi ani cu khaw mühun güt ung kä theingcim ci.

TAIGÜTHUM 15:5

Ani ah a ih nak tawn ci phung, kä cung

TAIGÜTHUM 16:26

Bung hmu Azazela ah om nak ah me k’täm ciah chang cu shaum pigaw ah kä a law ba pha ung, asui am su vai, tui angsi vai.

KHEI NAK 8:7

Ak ka ungka ah mäih ah gäsei nak ah nak peh gui vai. Ami pumsa avan ung amu ami teiu vai, ami suisak ami m’su vai ah namthein gui vai. Cun kawn ah ngami cu theingthap khai gui.

KHEI NAK 19:10

M’vut bum ciah chang tumat naw a suisak am si ba vai, cun ung phi ani cu mühun güt ung kä theingthap ci. Shin ah thungyo cu lawk ciah a khin avan ung khäng khai. Cun cu Israel gui la mi ng’lung ah om tuk ciah khaw hei chang avan ah hmawk ah kyak ci.

JOHAN 13:10

Bawipa Jesuh naw, “Tui ng’si pyi cicu apum avan theing pyi ci kia sei, akho bäng m’si vai hlü ci. Nangmi ungka tumat ah kawn ah nami van nami theing pyi ci nei” cine pyein ci.