TAIGÜTHUM 16:24 - Cho Bible Common Language 2016

²⁴ Ani cu atheingcim hmun ung tui ng’si neta, amät ah sui cu a sui ba vai. Cun kawn ah ani cu hteit ba ne, amät ah katnak la cun ah chang gui ah katnak nawt heng nak ah m’khih ne douthak nak cu a douthak vai.

TAIGÜTHUM 16:24 Referans Kwoze

HEBRU 9:10

Cun gui cu ei awk la theingcim nak a hlü hlü bilawh nak gui ung phung ci. Shin gui cu ak pung lam m’hnütbäi nak gui ah kya ne, Khanpughi naw khokthai a pyan nak kä phaa sei ng’pyi khai gui.

TAIGÜTHUM 22:6

a u taigü phi kä a theingthap kawn ung, mühun güt kä theingthap ci. Ani cu tui kä angsi ba pha ah chuih api ah phi theing ciah douthak cu kä ah ei en vai.

TAIGÜTHUM 14:9

A hnüüp chih hnüüp ung ani cu alu ak teiu ba vai, am khamu, amikmu la asa ung om ciah amu phung ak teiu vai; asuisak gui m’su ne tui angsi vai, ani cu akcang ah theingthap khai.

PHYAWN NAK 28:40

“K’htu, sam la lukhu gui phi, ami huham mah nak vai la ami kyom nak vai ah Aaron ah hta gui am pek gui vai.

PHYAWN NAK 28:41

Shin ah sui gui cu na phäi Aaron la a hta gui am na m’sui gui vai. Olive situi awn phyisä gui ne, na phyutheh gui vai. Cun ung ngami naw taigü ah kya ne ka bii bik khai gui.

TAIGÜTHUM 16:25

Ani naw katphyawn douthak nak ah seime ah a thau cu sonkiang khan ah am khih vai.

TAIGÜTHUM 9:7

Cun kawn ah ani naw Aaron am, “Sonkiang ah hteit ne chang gui ah katnak la ami katnak nawt heng khai ah katphyawn douthak nak la m’khih ne douthak nak cu na douthak vai. Bawipa ah thumkhän ah mäih ah chang gui ah katnak nawt heng nak ah shin ah douthak cu na bi vai” cine pyen nak ci.

EZEKIEL 42:14

Taigü gui cu Taigüim kyong ah ami gawk awn ah cham ah k’pung ah ami hteh ba hlü ah a kyak ung, ngami naw Bawipa ah bi ami bii yah ung ami sui ah theingcim ciah sui gui cu, akhan kyong ah ami nawng shüt vai. Ngami cu akpung ah chang gui ah ng’lung ah kä ami law ba pha ung ahei sui ami sui ba vai ah kyak ci.”