TAIGÜTHUM 16:23 - Cho Bible Common Language 2016

²³ Cun kawn ah Aaron cu Phung kyong ah lut ne, Atheingcim Pikbäih Hmun ung kä a luh pha ung asui ah taigü suinu gui cu suut ba ci, a cu ah nawng shüt ci.

TAIGÜTHUM 16:23 Referans Kwoze

EZEKIEL 44:19

Ngami cu chang gui ah om nak, cham ah k’pung ah ami luh law vai ung, Taigüim kyong ah bii ami bi yah ung ami sui gui cu sut ma u neta, Atheingcim nak ah akhan ah nawng shüt khai gui. Ngami cu ahei sui sui khai gui, cun cu theingcim ciah ami sui naw chang gui kä a plawh gui vai ah ami khäm ah kyak ci.

EZEKIEL 42:14

Taigü gui cu Taigüim kyong ah ami gawk awn ah cham ah k’pung ah ami hteh ba hlü ah a kyak ung, ngami naw Bawipa ah bi ami bii yah ung ami sui ah theingcim ciah sui gui cu, akhan kyong ah ami nawng shüt vai. Ngami cu akpung ah chang gui ah ng’lung ah kä ami law ba pha ung ahei sui ami sui ba vai ah kyak ci.”

ROMAN 8:3

Hnicim chang ak tha kä om sei, thukhän naw kä a bi peit hlawt cu Khanpughi naw bi pyi ci nei. Khanpughi naw hnicim chang ung om ciah katnak cu m’kat khai ah A Htapa cu yuk m’kyum lawk ci. Ahtapa cu katnak k’täm ne m’di khai ah, hnicim chang ah mäih ah katnak nupuk nah ne ng’tüi lawk ci.

TAIGÜTHUM 16:4

Cun kawn ah Bawipa naw shin ah m’shümthein nak gui cu pek ci. Aaron cu a theingcim nak pikbäih ung kä a hteh pha ung, tui angsi vai, taigü sui gui a sui vai, Linen suinu la chi, kheipat la lupawng gui a sui vai.

HEBRU 9:28

Acun ah mäih ah Bawi Khrit cun phi, chang gui ah cheishoh nak phiawn khai ah, hnü ät bäng küikyan ne ng’ap ci. Ani cu cheishoh nak nawt täm ba khai ah kä kyak ciah, ngäng ci gui ah chang gui hun gui khai ah ak hnih vei nak ah kyum law ba khai nei.

TAIGÜTHUM 16:22

Cun ah me naw ami katnak avan phui ne, chang ah kä om nak ah khaw ah hteh püi khai.

TAIGÜTHUM 6:11

Cun kawn ah ani naw a suisak ng’thong neta, m’vut cu la ne Phung ah k’pung ah atheingcim nak ah hmun ung a tha vai.