TAIGÜTHUM 16:22 - Cho Bible Common Language 2016

²² Cun ah me naw ami katnak avan phui ne, chang ah kä om nak ah khaw ah hteh püi khai.

TAIGÜTHUM 16:22 Referans Kwoze

1 PETER 2:24

Bawi Khrit amät naw mi cheishoh nak cu apumsa awn phui ne kutlam tung ung kai püi ci. Cun ah kyasei mikmi cu cheishoh nak awn mi sik khai süte, düng nak ung mi ghing ci. Mikmi cu Bawipa ah ak hmaleim awn gai nak mi hmuk ci.

HEBRU 9:28

Acun ah mäih ah Bawi Khrit cun phi, chang gui ah cheishoh nak phiawn khai ah, hnü ät bäng küikyan ne ng’ap ci. Ani cu cheishoh nak nawt täm ba khai ah kä kyak ciah, ngäng ci gui ah chang gui hun gui khai ah ak hnih vei nak ah kyum law ba khai nei.

JOHAN 1:29

A ngawi ung Bawipa Jesuh a law Johan naw hmu netah, “Teng vä! Ani cu, khomdek khan ah hmakat nak hteh püi ciah Khanpughi ah Htome hta nei.”

KALATIAN 3:13

Cacim ung, “Singlam khan ah tai ne ami ngawn naw Khanpughi ah m’kyuk nak gah pyi ci nei,” ciah a om ah mäih-ah Bawi Khrit cu mikmi ah hmawk ah m’kyuk nak gah netah, thukhän awn m’kyuk nak mi gah nak vai sü ung na phiawn gui ci.

MIKHAH 7:19

Nang naw na na chimgein ba gui khai. Kami katnak cu na khaw awn leh ne, kami cheishoh nak cu tuinu ah ng’lung ung na shum yawp khai.

SAM 103:12

Hni law kho cawi la hni kyak kho cawi ah ng’shawng ah mäih ah, Ani naw mi katnak cu na ng’shawng sak gui ci.

SAM 103:10

Ani naw mi shetkat ah mäih ah kä na m’kyuk gui ci, mi katnak la mi cheishoh ah mäih ah kä na thung gui ci.

EZEKIEL 18:22

Ani ah katnak avan cu m’geinsei vai, ani cu ghing khai, a i ah kyasei ci ung ani naw hman cicu bik ci.

TAIGÜTHUM 16:21

Ani naw a kut avan cu me ah lu khan ah taih neta, Israel chang gui ah ami shetkat avan, ami katnak avan, ami thüngphyong nak avan cu, acun ah khan ah ng’yu ne ng’paa nak ci, cun cu me ah lu khan ah k’plon yawp ah kyak ci. Cun kawn ah ami m’hnüt bäi ah chang am, me cu bung ah k’täm ne gawt sak ah kyak ci.

TAIGÜTHUM 16:23

Cun kawn ah Aaron cu Phung kyong ah lut ne, Atheingcim Pikbäih Hmun ung kä a luh pha ung asui ah taigü suinu gui cu suut ba ci, a cu ah nawng shüt ci.

EZEKIEL 4:4

Na k’eng täng ah ng’pem ne ng’zän ä, Israel pakhui Chang gui ah katnak cu na khan ah ka yuk tak khai nei. Nang cu hnü 390 ung aw ah om ne ngami ah katnak ah phäh ah na yaica khai nei. Ngami m’kyuk nak gui ah khokumät ung hnüüp ät ci nang naw na ma nak vai nei.

TAIGÜTHUM 14:7

Ani naw kheilei ungka theek sak pyi ah chang ah khan ah cun ah si cu chih vei k’peh khai, cun kawn ah ani cu theingthap pyi ciah pyen ne ng’shäu khai. Ani naw kha akghing cu khaw häu ung k’phäi khai.