TAIGÜTHUM 16:21 - Cho Bible Common Language 2016

²¹ Ani naw a kut avan cu me ah lu khan ah taih neta, Israel chang gui ah ami shetkat avan, ami katnak avan, ami thüngphyong nak avan cu, acun ah khan ah ng’yu ne ng’paa nak ci, cun cu me ah lu khan ah k’plon yawp ah kyak ci. Cun kawn ah ami m’hnüt bäi ah chang am, me cu bung ah k’täm ne gawt sak ah kyak ci.

TAIGÜTHUM 16:21 Referans Kwoze

2 KORIN 5:21

Bawi Khrih cu katnak kä om ci, cun ung phi mikmi cu ani awn kawng ät ne, Khanpughi ah mäih ah mi ng’düng vai ah, Khanpughi naw Bawi Khrih cu mikmi ah hmawk ah, mi katnak a aut sak ah kyak ci.

ISAIAH 53:6

Mikmi mi van cu chük ciah htome ah mäih ah mi kyak ci, mi mät ah hteh nak hlü phäh phäh ung mi hteit ci. Cun ung phi Bawipa naw m’kyuk nak cu ani ah khan ah ng’kiak sak ci, cun cu mikmi mi van naw mi gah vaisü ah m’kyuk nak ah kyak ci.

SAM 51:3

Ka shetkat nak gui cu ng’coi ng’pa ne, ka cheishoh nak gui cu ka ngaih-tüh yai ci nei,

EZRA 10:1

Ezra cu Taigüim ah ma ung kawp ne taigü ne, shin ah katnak gui ah phäh ah kyap ne ang coipa sangung Israel gui cu akdäm ah ng’bum u ne, pami gui, hnumi gui la a hmaw gui — naw ani cu k’bui u ne, aktung ah kyap ci gui.

ROMAN 10:10

Mi yum ak awn Khanpughi ung ng’düng nak mi gah ne, mi ng’kyaa nak awn hun nak mi gah ci.

NG'THU K'THUUK~ 28:13

Na hmakat nak cu k’tha na ne na thuh ah a kyak ung, na ghin nak ung ngawi ah phi ka na naing khai. Na ng’kiaa yawp vai na nawng yawp vai: cun ung Khanpughi naw ning m’gein khai.

SAM 32:5

Na ma ah ka katnak gui cu ka ng’yu ci nei; ka cheishoh nak cu kä ka m’zih ci nei. Katnak ka ng’yu khai ah ka k’bäi kawn ah ka cheishoh nak avan na na m’geinsei ci nei.

TAIGÜTHUM 26:40

“Cun ung nami htangshon gui naw ami katnak la ami pupa gui ah katnak cu ng’yu ba khai gui, cun ah pupa gui cu kei na lüm u ne, na hnungtuk püi ci gui ah kyak ci gui.

PHYAWN NAK 29:10

“Vantang hta cu ka om nak ah phung ah ma ah law püi neta, Aaron la a hta gui naw alu khan ah ami kut ami taih vai ah na pyen vai.

TAIGÜTHUM 5:5

Chang tumat cu a cheishoh ah a kyak ung a katnak cu ang paa vai.

TAIGÜTHUM 1:4

Acun ah lu ah khan ah chang naw a kut a taih vai, Cun ung ani ah katnak hteh püi pyi ciah kyasei cun ah khawihnah nak cu dou pek khai.

TAIGÜTHUM 16:20

Aaron naw Atheingcim Pikbäih Hmun ung ng’gängsei nak a bi cu a pyi kawn ah Bawipa ah om nak ah Phung la sonkiang ung om ba ciah Azazela ah phäh ah ami ghü ah me akghing cu, ani naw Bawipa am a pek vai.

TAIGÜTHUM 16:22

Cun ah me naw ami katnak avan phui ne, chang ah kä om nak ah khaw ah hteh püi khai.