TAIGÜTHUM 16:20 - Cho Bible Common Language 2016

²⁰ Aaron naw Atheingcim Pikbäih Hmun ung ng’gängsei nak a bi cu a pyi kawn ah Bawipa ah om nak ah Phung la sonkiang ung om ba ciah Azazela ah phäh ah ami ghü ah me akghing cu, ani naw Bawipa am a pek vai.

TAIGÜTHUM 16:20 Referans Kwoze

EZEKIEL 45:20

Acun ah cha a hnüüp chih ung, kä ngaih-tüh ah katnak bik ci gui la kä ami hmat su ah katnak bik ci gui ah phäh ah nangmi naw acun ah nami bi vai. Acun cha ah nangmi naw Taigüim cu nami theingcim sak vai nei.

TAIGÜTHUM 16:16

Ani naw shicha ah Israel chang gui ah kä theingthap nak la ami katnak avan ungka naw ng’gängsei nak cu Atheingcim Pikbäih Hmun ung ami bi ah kyak ci. Ani naw shin cu Phung ung a bi vai ah kyak ci, a i ah kyasei ci ung cun cu shaum pigaw ah ng’lung ung om ci, cun cu kä theingthap ci.

THU PHLAAN 1:18

Kei cu ghing ne om ciah ka kyak ci, kei cu ka si te ci, cun ung phi tuhbäi hta ng’shon ung ghing ne ka om ci. Sih nak la sihnak ah khaw ah khan ah kei ah huham cu om ci.

HEBRU 7:25

Cun ah kyasei ani ah ang ming ung Khanpughi ah lawk ciah chang gui phung angtäi sei hun gui ci. A i ah kyasei ci ung Bawipa cu cun ah chang gui ah hmawk ah Khanpughi ah ng’coi ng’pak khai ah, angtäi ah a ghin ah hmawk ah kyak ci.

KOLOSE 1:20

Ahtapa awn khophlüt avan cu amät ung gawk law ba sak yawp khai ah Khanpughi naw k’bäi ci. Khanpughi naw A Htapa kutlamtung ung ap ne asih nak awn dimdeeih nak bi ne khomdek la khankho ung om ci avan cu amät ah ng’khäm ba sak ci.

2 KORIN 5:19

Keimi ah ng’thu pyein cu, Khanpughi naw hnicim chang avan, Bawi Khrih awn a teihpüi ah pyan ci ciah mawng ah kyak ci. Khanpughi naw chang gui ah katnak cu kä m’hnüt pe gui ci, chang gui a teihpüi ah a kyak sak nak gui ah mawng, thu cu na pe gui ci.

ROMAN 8:34

Cun ah kya sei ngami cu a u naw kä m’kat gui hlawt ci. Sih nak bäng ah kä kyak ciah sih nak ungka tho ba ciah Jesuh Khrit naw Khanpughi ah ak pat lam ah ngoh netah, mikmi ah hmawk ah ng’hui ng’paa ne om ci.

ROMAN 4:25

Khanpughi naw Bawipa Jesuh cu mikmi ah katnak ah hmawk ah sih nak ung gawk sak ci, Khanpughi naw mikmi cu chang düng ah k’bäi ne ana dou gui vai ah hmawk ah sih nak ungka thawh ba sak ci.

TAIGÜTHUM 8:15

Cun cu Moses naw ngawn ne asi amshah la neta, a kutpyün awn, sonkiang ah akit gui ung alawi gui cu hluk ci, cun cu ng’apnak ah kyak ci. Ani naw pawih ba ciah asi gui cu sonkiang ah akung ah huk ci. Acu cha ah ani naw ng’apnak bi ne ng’gängsei sak ci.

TAIGÜTHUM 6:30

Avaisü ah asi api cu Phung ah kyong ah law püi ne, katnak nawt heng nak ah mang ah a kyak ung, cun ah seime cu kä ei vai, mei awn m’khih vai.

TAIGÜTHUM 16:19

A kutpyün awn si gui cu sonkiang ah khan ah chih vei ak peh vai. A shikcha ah ani naw Israel chang gui ah katnak cu ng’gängsei sak ne, theingcim nak a bi ah kyak ci.

TAIGÜTHUM 16:21

Ani naw a kut avan cu me ah lu khan ah taih neta, Israel chang gui ah ami shetkat avan, ami katnak avan, ami thüngphyong nak avan cu, acun ah khan ah ng’yu ne ng’paa nak ci, cun cu me ah lu khan ah k’plon yawp ah kyak ci. Cun kawn ah ami m’hnüt bäi ah chang am, me cu bung ah k’täm ne gawt sak ah kyak ci.