TAIGÜTHUM 16:2 - Cho Bible Common Language 2016

² Ani naw “Na nau Aaron am na m’thein ba vai, ani cu yihdung ah ak um a theingcim nak pikbäih ung amät ah khin bäng ung a hteh vai, a i ah kyasei ci ung cun ung, Thumkhän M’küm ah a khüm ah khan ung, khongmei ung kei cu ka ng’dang ci. Ani naw kä a ngaih ah a kyak ung ani cu ngawn vai kyak khai nei.

TAIGÜTHUM 16:2 Referans Kwoze

PHYAWN NAK 30:10

Aaron naw kum ät ung hnü ät a bi vai cu sonkiang ah theingcim nak vai ah, katnak ah phäh ah khawihnah nak ah seime ah si awn a lawi phli cu a hluk vai. Shin cu a kum tä sei ngawi yä bi vai ah kyak ci. Shin ah sonkiang cu kei Bawipa ung ng’ap ciah akbe ah theingcim ciah kyak ci.

HEBRU 9:25

Jew chang gui ah Taigü Tung cu, a kum tä sei, sei me gui ah si hteh püi ne, Hmun Theing Säih pi ung hteit ci ci. Cun ung phi Bawi Khrit läi cu ng’ap khai ah akda vei kä lut ci.

MATTHE 27:51

Cun yah ung pum im kyong ah ami m’cha nak ah khingyih cu khan mawng ah kaa naw ka mawng ah khüt khai ah hnih ah ng’bou ne teek ci. Shihpi thüng ci, lung song gui piawn ne kya lawk ci gui.

1 GHANGPUGHANG GUI 8:6

Cun kawn ah Taigü gui naw Thumkhän M’küm cu Taigüim ah law püi u neta Atheingcim Pikbäih Hmun ung, Cherubim ah ka ah tha ci gui.

HEBRU 9:3

Acun ah hnu lam yihdung awn shung nak, khophung ah ma bäih ah, “Ak Theing Säih Hmun,” cu om ci.

KHEI NAK 17:10

Bawipa naw Moses cu pyen nak ci, “Aaron ah shopang cu Thukhän M’küm ah ma ah tha ba ä. Cun cu Israel gui naw thu ami m’da nak kä ami düm ah a kyak ung, sik khai gui ciah Israel gui ah hnungtuk küknet nak k’bäi nak gui ah acun ung tha vai ah kyak ci.”

KHEI NAK 4:19

Shin ah aktheing pikbäih gui ah pei ah ami law ah phäh ah kä nami ngawn en gui vai. Shin ah mawng ng’dawt ne bi nak vai cu, Aaron la a hta gui cu kyong ah lut u ne a chang sing am abi vai cu ami bi sak vai. Ami kawh vai cu ami m’thein gui vai.

TAIGÜTHUM 16:13

A cu ah Bawipa ah om nak ung ani naw ang ui cu mei ung a shum vai, cun ah ang ui ah ak khu naw Thukhän M’küm ah a khüm cu shung khai, cun ung ani cu a i kä hmuk khai, kä sik khai.

TAIGÜTHUM 8:35

Nangmi cu Phung ung valuh nak ah m’kawt ung amü, a hnüüp, khaw hnüüp chih ung nami om vai, Bawipa ah thumkhän cu nami bi vai. Kä nami bi ung nami sik khai. Shin cu Bawipa naw thumkhän ana pek ah kyak ci.

HEBRU 6:19

Cun ah ngaih u nak cu mikmi ah ghin nak ung lung hling ah mäih ah kya ci, cun cu ng’htei ne ng’kheing ne, khankho im kyong ah, ang cim nak pi säih ung gawk ci.

HEBRU 9:5

Cun ah m’küm khan ah cherubim ah gup gui om u ne, cun gui naw cun ung Khanpughi a om ah mawng m’dang ci gui, ami ng’phiaa gui naw shetkat m’gein nak ah kiang cu küm ci gui. Tuhbäi cun gui apüh akheh ah pyein vai kä kyak ci nei.

THU PHLAAN 15:8

Pum im cu Khanpughi ah bämang nak la hlüngtai nak ah akkhuu awn be ci. Cun ah kyasei khankho chang pachih naw ami law püi ah leigaai mawng chih ang pyi güt ung, pum im kyong ah a u phi kä lut ba hlawt ci.

KHEI NAK 4:5

Bawipa naw Moses am shin ah m’shümthein nak gui cu pek ci. Phung phyet nak vai ah a khin a gawk law ung, Aaron la a hta gui cu Phung ung lut u neta, Thukhän M’küm ah ma ungka yihdung cu la ne, acun awn M’küm cu ami uk vai.

1 GHANGPUGHANG GUI 6:16

Akyong akhan, Atheingcim Pikbäih Hmun cu Taigüim ah a hnu täng ung co ci gui. Cun cu dawng m’ku ng’shäi ci, phah ungka naw ceiling ung khüt khai ah cedar k’pen awn akhan pyan ah kyak ci.

TAIGÜTHUM 16:34

Shin ah thungyo gui cu lawk ciah a khin avan ung ngaih nak vai ah kyak ci. Shin ah bilawh thung cu Israel chang gui ah katnak avan ng’gängsei nak ah kum ät ung hnü ät ciah bi vai. Cun ah kyasei Moses naw Bawipa ah thumkhän ah mäih ah bik ci.

KHEI NAK 18:7

Cun ung phi nang la na hta gui bäng naw vah sonkiang la Atheing Pikbäih Hmun ung taigü bawi ah bi vai avan cu nami kümbe sak khai. Shin gui cu nangmi ah bi vai kyak ci. A i ah kyasei ci ung kei naw taigü bawi ah kyak nak cu m’cümhnah nak ah ka ning pe gui pyi ci. Kä bi tu hning ciah chang atheingcim gui ah pei ah ang et law tu ung ngawn vai.”