TAIGÜTHUM 16:18 - Cho Bible Common Language 2016

¹⁸ ani cu m’khih ne douthak vai la ng’gängsei vai ah sonkiang ung a hteh vai. Ani naw vantang ah si amshah la me ah si amshah cu la neta, sonkiang ah ak kit gui a lawi gui avan ung a mek vai.

TAIGÜTHUM 16:18 Referans Kwoze

TAIGÜTHUM 4:7

Ani naw Phung ah kyong ah m’khih nak ah ng’ui ciah sonkiang ah akit gui ah alawi gui ung cun ah si awn a mek vai. Phung ung valuh nak ah m’khih ne khawihnah nak ah sonkiang ah akung ung pawih ba ciah si cu ak peh vai.

TAIGÜTHUM 16:16

Ani naw shicha ah Israel chang gui ah kä theingthap nak la ami katnak avan ungka naw ng’gängsei nak cu Atheingcim Pikbäih Hmun ung ami bi ah kyak ci. Ani naw shin cu Phung ung a bi vai ah kyak ci, a i ah kyasei ci ung cun cu shaum pigaw ah ng’lung ung om ci, cun cu kä theingthap ci.

TAIGÜTHUM 4:18

Ani naw Phung ah kyong ah ang ui douthak nak sonkiang ah aki gui ah alawi gui ung cun ah si cu a mek vai. Pawih ba ciah si cu m’khih khawihnah nak ah sonkiang ah kung ung ani naw a shawi vai, cun cu Phung ung luh nak ung om ci.

PHYAWN NAK 30:10

Aaron naw kum ät ung hnü ät a bi vai cu sonkiang ah theingcim nak vai ah, katnak ah phäh ah khawihnah nak ah seime ah si awn a lawi phli cu a hluk vai. Shin cu a kum tä sei ngawi yä bi vai ah kyak ci. Shin ah sonkiang cu kei Bawipa ung ng’ap ciah akbe ah theingcim ciah kyak ci.

HEBRU 2:11

Bawipa Jesuh naw chang gui cu ami shektkat nak ungka theingcim sak gui ci, amät la a theing sak pyi ah chang gui cu tumat pa nak ci gui, cun ah kyasei cun ah chang gui cu, phäinau ah a khü gui vai ah, Bawipa Jesuh cu kä lü ci.

JOHAN 17:19

Ngami naw bi bi nak vai ami pumsa ami ap nak hlawt vai ah, kei naw ngami ah hmawk ah ka pumsa cu ka ap ci.

TAIGÜTHUM 4:25

Taigü naw a kutpyün gui cu a cun ah me ah si ung yuk phum neta, sonkiang ah akit gui ah alawi gui ung yuk mek ne, pawih ba cicu sonkiang ah a kung ung a shawi vai.

TAIGÜTHUM 16:17

Aaron cu ng’gängsei nak bik khai ah Atheingcim Pibäih Hmun ung a luh ung tün ne, kä a luh law ba pha ah chuih Phung ah kyong ah a u phi kä a om vai. Ani cu amät ah phäh, akyong chang ah phäh la chang avan ah phäh ah ng’gängsei nak a bi kawn ah,

KHEI NAK 28:22

Katphyawn-douthak ah me m’ca tumat phi douthak vai, a shin cha ah chang gui ah ng’gäng sei nak cu nami bi vai.

EZEKIEL 43:20

Nang naw asi api cu la neta sonkiang ah akit apam a lawi gui la sonkiang ah anglung akit gui la mawng gui avan ung natha vai. Acu cha ah nang naw sonkiang cu theingthap sak ne, na ap khai.

EZEKIEL 43:22

A ngawi ung nang naw kä khei hlik ciah me m’ca la neta, katnak ah phäh ah khawihnah nak ah na douthak khai. Vantang awn na bi ah mäih ah acun ah si awn sonkiang theingthap sak nak cu na bi vai.

EZEKIEL 45:19

Taigü naw shin ah katnak ah phäh ah douthak nak ah asi cu la neta, Taigüim ah m’kawt tung gui, sonkiang ah akit phli, cham ah akyong täng ah m’kawt gui ah tung gui cu a hluk vai.