TAIGÜTHUM 16:16 - Cho Bible Common Language 2016

¹⁶ Ani naw shicha ah Israel chang gui ah kä theingthap nak la ami katnak avan ungka naw ng’gängsei nak cu Atheingcim Pikbäih Hmun ung ami bi ah kyak ci. Ani naw shin cu Phung ung a bi vai ah kyak ci, a i ah kyasei ci ung cun cu shaum pigaw ah ng’lung ung om ci, cun cu kä theingthap ci.

TAIGÜTHUM 16:16 Referans Kwoze

TAIGÜTHUM 16:18

ani cu m’khih ne douthak vai la ng’gängsei vai ah sonkiang ung a hteh vai. Ani naw vantang ah si amshah la me ah si amshah cu la neta, sonkiang ah ak kit gui a lawi gui avan ung a mek vai.

TAIGÜTHUM 8:15

Cun cu Moses naw ngawn ne asi amshah la neta, a kutpyün awn, sonkiang ah akit gui ung alawi gui cu hluk ci, cun cu ng’apnak ah kyak ci. Ani naw pawih ba ciah asi gui cu sonkiang ah akung ah huk ci. Acu cha ah ani naw ng’apnak bi ne ng’gängsei sak ci.

JOHAN 14:3

Kei cu hteit ne nami om nak vai pyang netah, law ba ne ka om nak ung nami om tu vai ah ka ning la law ba gui khai.

HEBRU 2:17

Cun ah ani cu a mawng avan ung a phäinau gui ah mäih kya ne, ak chang gui shetkat nak ung m’gein gui khai ah, bekhüt nak la chimgein nak awn be ne Khanpughi ah khuut bik ciah Taigü Tung ah kiak ci.

PHYAWN NAK 30:10

Aaron naw kum ät ung hnü ät a bi vai cu sonkiang ah theingcim nak vai ah, katnak ah phäh ah khawihnah nak ah seime ah si awn a lawi phli cu a hluk vai. Shin cu a kum tä sei ngawi yä bi vai ah kyak ci. Shin ah sonkiang cu kei Bawipa ung ng’ap ciah akbe ah theingcim ciah kyak ci.

TAIGÜTHUM 16:17

Aaron cu ng’gängsei nak bik khai ah Atheingcim Pibäih Hmun ung a luh ung tün ne, kä a luh law ba pha ah chuih Phung ah kyong ah a u phi kä a om vai. Ani cu amät ah phäh, akyong chang ah phäh la chang avan ah phäh ah ng’gängsei nak a bi kawn ah,

KHEI NAK 17:11

Bawipa ah thumkhän ah mäih ah Moses naw bik ci.

KHEI NAK 28:15

Cun kawn ah a hnüp tä sapyit tui awn m’khah ne m’khih ne douthak nak k’be nak ah, me m’ca tumat cu katphyawn-douthak ah douthak vai.