TAIGÜTHUM 16:15 - Cho Bible Common Language 2016

¹⁵ Cun kawn ah ani naw chang gui ah phäh ah katphyawn douthak ah me cu ngawn khai. Asi cu Atheingcim Pikbäih Hmun ung law püi neta, a khüm ah khan ah k’peh khai, cun kawn ah Thukhän M’küm ah ama ung k’peh khai, vantang ah si a bi ah mäih ah a bi ah kyak ci.

TAIGÜTHUM 16:15 Referans Kwoze

HEBRU 9:7

Cun ung phi Taigü tung tumat bäng vah phung ah ak kyong ah vah lut ci. Ani cun ah aluh cun phi kum ät ung hngü ät ah kyak ci. Cun ah aluh ung amät ah hmawk la chang gui naw kä hmat ne ami cheishoh ah hmawk ah, khawihnah nak vai ah si cu hteh püi ci ci.

HEBRU 9:12

Bawi Khrit cu Hmun Theing Säih ah hnü ät ge ang bäng ah aluh sang ung, vawihpeh vai ah me ah si, sei ah si cu kä hteh püi ci; Amät ah si hlui cu hteh püi ne, mikmi ah angtäi hun nak cu na pe gui ci.

HEBRU 9:3

Acun ah hnu lam yihdung awn shung nak, khophung ah ma bäih ah, “Ak Theing Säih Hmun,” cu om ci.

HEBRU 2:17

Cun ah ani cu a mawng avan ung a phäinau gui ah mäih kya ne, ak chang gui shetkat nak ung m’gein gui khai ah, bekhüt nak la chimgein nak awn be ne Khanpughi ah khuut bik ciah Taigü Tung ah kiak ci.

HEBRU 6:19

Cun ah ngaih u nak cu mikmi ah ghin nak ung lung hling ah mäih ah kya ci, cun cu ng’htei ne ng’kheing ne, khankho im kyong ah, ang cim nak pi säih ung gawk ci.

HEBRU 5:3

Amät cu kä kümbe ciah kya ne, chang ah phäh bäng ah kä kiak ci, amät ah phäh ah phi küikyan nak vai ah phyutheh ciah kiak ci.

TAIGÜTHUM 16:2

Ani naw “Na nau Aaron am na m’thein ba vai, ani cu yihdung ah ak um a theingcim nak pikbäih ung amät ah khin bäng ung a hteh vai, a i ah kyasei ci ung cun ung, Thumkhän M’küm ah a khüm ah khan ung, khongmei ung kei cu ka ng’dang ci. Ani naw kä a ngaih ah a kyak ung ani cu ngawn vai kyak khai nei.

HEBRU 7:27

Ani cu a hei taigütung gui awn kä täng ci, Amät ah cheishoh nak la chang hei gui ah cheishoh nak ah hmawk ah ak hnüüp tä sei küikyan nak vawihpeh vai kä hlü ci. A i ah kyasei ci ung amät naw amät apeit sang ung hnü ät ge ang bäng ah ang ap ah hmawk ah kyak ci.

HEBRU 9:13

Mesi seisi la seipat hta awn m’kümbawh ne phyuhtheh nak naw, kä theing cim ci gui ah katnak cu, m’si ne, theingcim sak gui ciah a kyak ung,

TAIGÜTHUM 4:21

Cun kawn ah ani naw vantang cu Phung ah k’pung ah hteh püi neta, m’khih khai, cun cu amät ah katnak ah phäh ah douthak ah vantang am khih ah mäih ah kyak ci. Shin cu chang akda ang bum ah katnak nawt heng khai ah douthak nak ah kyak ci.

TAIGÜTHUM 4:5

Cun kawn ah taigütung naw vantang ah si cu la ne, Phung ah kyong ah a law püi vai.

KHEI NAK 17:11

Bawipa ah thumkhän ah mäih ah Moses naw bik ci.

KHEI NAK 28:15

Cun kawn ah a hnüp tä sapyit tui awn m’khah ne m’khih ne douthak nak k’be nak ah, me m’ca tumat cu katphyawn-douthak ah douthak vai.