TAIGÜTHUM 16:13 - Cho Bible Common Language 2016

¹³ A cu ah Bawipa ah om nak ung ani naw ang ui cu mei ung a shum vai, cun ah ang ui ah ak khu naw Thukhän M’küm ah a khüm cu shung khai, cun ung ani cu a i kä hmuk khai, kä sik khai.

TAIGÜTHUM 16:13 Referans Kwoze

PHYAWN NAK 25:21

Lung palap hnih cu m’küm ah khui ah tha neta, a khüm awn akhan ah na yuk küm vai.

PHYAWN NAK 30:1

Sonkiang cu akasia sing awn pyan vai. Cun cu ang ui m’khih nak vai ah kyak ci.

HEBRU 9:24

Bawi Khrit cu Hmun Theing akcang ah müi ah chang ah pyan ah Hmun Theing ung kä lut ci. Ani cu Khankho akcang ung lut ne, tuhbäi mikmi ah hmawk ah Khanpughi ah ma ah gawk ci nei.

HEBRU 7:25

Cun ah kyasei ani ah ang ming ung Khanpughi ah lawk ciah chang gui phung angtäi sei hun gui ci. A i ah kyasei ci ung Bawipa cu cun ah chang gui ah hmawk ah Khanpughi ah ng’coi ng’pak khai ah, angtäi ah a ghin ah hmawk ah kyak ci.

KHEI NAK 16:46

Moses naw Aaron a pyen nak cu, “Mei khawk cu la ä, sonkiang ungka ghing ciah meicak la ne a cun ung tha ä. Cun kawn ah tui ng’ui cu meicak ah khan ah tha ä. Chang gui cu yangkhai sak gui ne ng’gängsei nak ak-yang ah bi pe gui ä. Bawipa ah m’lungshe nak cu kya law pyi ne, leigai cu ng’tün pyi ci nei” cik ci.

KHEI NAK 16:18

Cun ah kyasei a chang sing naw ani ah meidawn cu la ne, meicak la tui ng’ui a khan ah tha neta Phung ung luh nak ung Moses la Aaron awn a täng ah ng’düi ci goi.

TAIGÜTHUM 22:9

“Taigü gui ami van naw kei ah ka pek ah thungyo gui cu ami ngaih nak vai. Kä cung ngami cu cheishoh ne sik khai gui, a i ah kyasei ci ung ngami naw theing ciah thungyo kä ami läk ah phä ah ah kyak ci. Kei cu Bawipa nei, kei naw ka theingcim sak ci nei.

PHYAWN NAK 28:43

Aaron la a hta gui naw angtäi sei ami sui vai ah, kei ah om nak ah phung kyong ah ami luh law ung, Atheingcim Hmun sonkiang pei ah tagü ah kya ne ami law ung, cheishoh ne ami mät kä ami sih vai ah, acun ah ami suisak vai nei. Shin cu Aaron la a hta ng’shon gui ah phäh ah ng’tän ciah thukhän ah kyak ci.

KHEI NAK 4:15

Phung phyet vai a khin a gawk law ung Kohath ah a pahta, gui cu acun ah aktheing kawh vai ah lawk khai gui. Cun cu Aaron la a hta gui naw cun gui la cun ung khawhcham avan ami uknak ang pyi kawn ah kyak khai. Kohath pahta gui naw theing ci a i phi kä ami tawn vai. Ami tawn ung ngami cu sik khai gui. Shin cu Kohath pahta gui naw Phung a hawi ah ang nawn ung phi ami bi vai ah kyak ci.

KHEI NAK 4:20

Cun ung phi Kohath chang gui cu Phung kyong ah lut law u ne, tagü gui naw ak theing gui k’plon vai ah ami pawng püi ami hmuh ah a kyak ung, ngami cu sik khai gui.

THULÄÄN NAK 33:10

Ngami naw nang ah thukhän cu, na chang gui naw ami läk vai m’thein gui khai gui. Ngami naw khawihnah nak cu na sonkiang ung dou thak khai gui.