TAIGÜTHUM 16:12 - Cho Bible Common Language 2016

¹² ani naw sonkiang ungka meicak awn be ciah meidawn la, ang ui akni shum goi cu la neta, a theingcim nak pikbäih ung a law püi vai.

TAIGÜTHUM 16:12 Referans Kwoze

TAIGÜTHUM 10:1

Aaron ah hta gui Nadab la Abihu naw mei-dawn la phäh phäh ni ne, acun ung meicak tha ni ne, tui ng’ui awn shawi neta, Bawipa am pek ci goi. Cun ung phi cun ah mei cu kä theingcim ci, a i ah kyasei ci ung cun ah ani pek vai ah Bawipa naw thumkhän kä pe goi ci.

KHEI NAK 16:46

Moses naw Aaron a pyen nak cu, “Mei khawk cu la ä, sonkiang ungka ghing ciah meicak la ne a cun ung tha ä. Cun kawn ah tui ng’ui cu meicak ah khan ah tha ä. Chang gui cu yangkhai sak gui ne ng’gängsei nak ak-yang ah bi pe gui ä. Bawipa ah m’lungshe nak cu kya law pyi ne, leigai cu ng’tün pyi ci nei” cik ci.

KHEI NAK 16:18

Cun ah kyasei a chang sing naw ani ah meidawn cu la ne, meicak la tui ng’ui a khan ah tha neta Phung ung luh nak ung Moses la Aaron awn a täng ah ng’düi ci goi.

PHYAWN NAK 31:11

phyutheh nak situi, a theingcim hmun ah phäh ah tui ne ng’ui ciah ang ui gui ah kyak ci. Shin gui avan pyan nak ung kei naw ka ning pyen nak ah mäih ah akcang ah ami bi vai ah kyak ci” cine pyen nak ci.

HEBRU 9:14

Bawi Khrit ah si naw a i hlawk ah theingcim sak pi khai aw! Bawi Khrit naw ng’täi ciah Mumcha awn amät cu, katnak kä om ciah küikyan nak ah kya ne Khanpughi ah ng’ap pyii ci nei. Ani ah sihlui naw, alä düüt ah kyak ciah mi m’lung ngaih cu na theingcim sak gui khai, cun ung mikmi naw angtäi ghing ciah Khanpughi cu mi khawihnah khai nei.

1 JOHAN 1:7

Cun ung phi ani cu akdei ung a om ah mäih ah, mikmi cu ak dei ung mi om ah a kyak ung, mikmi cu tumat la tumat pui m’ca nak om ci. Khanpughi ah Htapa Bawi Jesuh naw asi ng’hlui awn mi kat nak nüng cu m’si ne ana theing sak gui pyi ah kyak ci.

PHYAWN NAK 37:29

Ani naw theing ciah shawi nak ah situi la ng’ui ne hlim ciah tui ng’ui awn mei m’khih cu pyang ci. Cun cu sei ang ui gui k’caw ne pyan ah mäih ah kyak ci.

HEBRU 9:7

Cun ung phi Taigü tung tumat bäng vah phung ah ak kyong ah vah lut ci. Ani cun ah aluh cun phi kum ät ung hngü ät ah kyak ci. Cun ah aluh ung amät ah hmawk la chang gui naw kä hmat ne ami cheishoh ah hmawk ah, khawihnah nak vai ah si cu hteh püi ci ci.

THU PHLAAN 8:5

Cun kawn ah khankho chang naw, tawnglang cu la ne, sonkiaan ung kaa mei cu la ne m’khäp netah, khomdek khan ah yuk chah lawk ci. Acun vai-am khaw ng’thüi ne ng’hmum ne ng’kyeek ne, lailäp ne, shihpi thüng ne kya lawk ci.

THULÄÄN NAK 33:10

Ngami naw nang ah thukhän cu, na chang gui naw ami läk vai m’thein gui khai gui. Ngami naw khawihnah nak cu na sonkiang ung dou thak khai gui.