TAIGÜTHUM 16:10 - Cho Bible Common Language 2016

¹⁰ Azazela ah phäh ah ghü ah me cu akghing ah Bawipa am ap vai, bungpuk ah Azazela am thak vai. Cun cu chang gui ah katnak nawt heng nak ah kyak ci.

TAIGÜTHUM 16:10 Referans Kwoze

1 JOHAN 2:2

Mi cheishoh nak nam geinsei gui cicu Bawi Khrit amät ah kyak ci, mikmi bäng ah kä kyak ci, hnicim chang avan cu m’gein ne ana k’phiawn gui ah kyak ci.

1 JOHAN 3:16

Bawi Khrit naw mikmi ah hmawk ah a hnun gui cu a peit ah kyasei, mikmi naw m’hni nak akcang cu mi hmat ci. Mikmi phi mi phäi nau ah phäh ah mi hnun gui mi peit vai hlü ci.

2 KORIN 5:21

Bawi Khrih cu katnak kä om ci, cun ung phi mikmi cu ani awn kawng ät ne, Khanpughi ah mäih ah mi ng’düng vai ah, Khanpughi naw Bawi Khrih cu mikmi ah hmawk ah, mi katnak a aut sak ah kyak ci.

ROMAN 4:25

Khanpughi naw Bawipa Jesuh cu mikmi ah katnak ah hmawk ah sih nak ung gawk sak ci, Khanpughi naw mikmi cu chang düng ah k’bäi ne ana dou gui vai ah hmawk ah sih nak ungka thawh ba sak ci.

ROMAN 3:25

Jesuh Khrit ah a sih nak awn chang gui cu, katnak ungka ami phiawn vai ah Khanpughi naw, ani cu chang m’küi nak ah m’hnüt ne k’bäi ci. Chang gui cu ani ami yum nak awn katnak ungka phiawn nak gah ci gui. Khanpughi naw cun ah abi cu, a i chaa ah chang gui ang düng sak gui ah mawng am dang nak ah kyak ci. Yanä akhin ung chang gui ah katnak cu, Khanpughi naw hnimgei nak awn m’düm gui ci.

TAIGÜTHUM 14:7

Ani naw kheilei ungka theek sak pyi ah chang ah khan ah cun ah si cu chih vei k’peh khai, cun kawn ah ani cu theingthap pyi ciah pyen ne ng’shäu khai. Ani naw kha akghing cu khaw häu ung k’phäi khai.

TAIGÜTHUM 16:8

Lung hnih la ne m’hnüt ami tawk vai, tumat cu “Bawipa ah phäh,” a hei tumat cu “Azazela ah phäh” ah kyak khai.

TAIGÜTHUM 16:9

Aaron naw Bawipa ah phäh ah m’hnüt tawk ne ghü ah me awn khawihnah ne, katphyawn douthak nak a douthak vai.