TAIGÜTHUM 15:31 - Cho Bible Common Language 2016

³¹ Israel chang gui ah kä ami theingthap nak akbäi nak gui vai ah Moses am Bawipa naw pyen nak ci. Cun ah kyasei ani ah om nak ah Phung cu ngami naw kä lelawi sak ci gui, cun cu shaum pigaw ah ang lung ung om ci. Cun ami bi ah a kyak ung ngami cu ngawn gui khai gui.

TAIGÜTHUM 15:31 Referans Kwoze

KHEI NAK 19:20

Kä theingthap ciah chang la amät kä ng’gängsei ciah chang cu kä theingthap lä ciah kyak ci. A i ah kyasei ci ung ng’gängsei nak vai ah tui awn ani kä ang shawi pha ah phäh ah kyak ci. Ani cu Bawipa ah Phung lelawi sak ciah kyasei, ani cu Khanpughi ah chang ah k’bäi vai ah kä kya ba ci.

EZEKIEL 5:11

“Cun ah kyasei kei ghing ciah khanpughi-uktu Bawipa ah ng’thu nei-ai ah kyasei ci ung nangmi naw akshe kha avan awn ka Taigüim cu lelawi sak u ne, shemshai ci gui cu name bik ci, kei naw nangmi cu kä Chimgein ne ka ning tupit gui khai.

KHEI NAK 19:13

Gook tawn neta amät naw amät kä ng’gängsei sak ci phung cu kä theingthap ci, a i ah kyasei ci ung ng’gängsei nak vai ah tui awn ani kä ang shawi ah phäh ah kyak ci. Ani cu Bawipa ah Phung lelawi sak ciah kyasei, ani cu Khanpughi ah chang ah kä kya tuba ciah kyak ci.

EZEKIEL 23:38

Ngami ah bi cu cun bäng ah kä kyak ci. Ngami naw kei ka m’düih ah Taigüim cu lelawi sak ne kyiin hnüüp cu m’shet ci goi.

KHEI NAK 5:3

Kä theingthap ciah shin ah mäih chang avan cu k’täm gui ä, cun ung kei naw ka chang gui ah ng’lung ah ka om nak ah shin ah shaum pigaw cu kä lelawi sak khai gui.”

JUDE 1:4

A i ah kya sei ci ung Khanpughi kä yum ci gui cu nami ng’lung ah lut ne om ci gui nei. Ngami naw mi Khanpughi ah m’gein nak ah ng’thu cu, khawdek pumsa ami ng’yak hlü lam düt ah m’hlat u ne, tumat khläm om ciah mi Bawi, mi Mang Jesuh Khrit cun phi hun ng’tuk püi ci gui nei. Cun ah chang gui cu cau pui ge, shetkat nak gah khai gui ah m’hnütbäi gui ah kyak ci.

HEBRU 10:29

Khanpughi ah Htapa cu päipih ne, katnak theing sak ne Khanpughi ah thukhän thai ah kyak ciah si ng’hlui cu gaih m’gin ne, m’gein nak m’kyum lawk ciah Mumcha shetkat nak ci naw, a i hlawk ah nuipai ciah shetkat nak gah khai cicu nami ngaihtüh shüm vai nei.

1 KORIN 3:17

Cun ah kya sei Khanpughi ah pum im m’shet ci cu, Khanpughi naw m’shet khai. A i ah kya sei ci ung Khanpughi ah pum im cu ng’ciim ci, nangmi nami mät cu Khanpughi ah pum im ah nami kyak ci.

EZEKIEL 44:23

“Taigü gui naw ka chang gui cu, theingcim ci la kä theingcim ci, theingthap ci la ka theingcim ciah ng’lakmah nak cu ami m’thei thang vai.

DANIEL 9:27

Cun ah uktu naw chang akda gui awn yumnak ät cu kum chih khän sak khai, kum thum la avang a lüng ung ani naw khawihnah nak la douthak nak cu ng’pyi sak khai. Kyihkyawk shemshai vai kyak cicu Taigüim ah a hlüng nak pikbäih ung tha khai gui. Cun cu acun tha ci am Khanpughi naw a pawng püi pek ang pyi nak a bui awt güt ung om khai.”

SAM 66:18

Kei naw ka katnak gui cu ka nawng lä ah a kyak ung, Bawipa naw kä na ngai khai nei.

THULÄÄN NAK 24:8

“Nangmi cu puung ciah kheilei ung gaw ne nami yaica ah a kyak ung Levit taigü gui naw a ning m’thein gui ah akcang ah bi vai ah nami cimvai vai nei. Kei naw ka pek gui ah ami shümthein nak cu ami läk vai.

TAIGÜTHUM 21:23

Cun ung phi pumsa ung kä küm ciah chang läi cu, theing ciah yihdung pei ah kä a law vai, sonkiang ah pei ah phi kä a ng’et vai. Shin ah theingcim ci gui cu ani naw kä ang lat sak en vai, a i ah kyasei ci ung kei cu Bawipa, kei naw ka theingcim sak ci.”

TAIGÜTHUM 20:3

Chang tumat mat naw a hta tumat mat cu Molek am pe ne, khawphung theing cu kä theingthap khai ah bi ne, ka ming theing a thüisei sak ah a kyak ung, kei naw hnungtuk ne ka ng’hlah tak khai, ani cu ka chang tumat ah kä ka k’bäi ba khai.

TAIGÜTHUM 19:30

Kyin hnüüp cu nami k’pan kheng vai. Kei nami na khawihnah nak ah hmun cu nami m’tam ngak vai. Kei cu Bawipa nei.

TAIGÜTHUM 13:59

Shin cu suisak ah khan ung khei nak a kawh ah mawng thukhän ah kyak ci. Cun ah suisak cu, htomu baw, linen baw, linen ah ak khan ah baw, kä cung htomu sui, käcung mehvun awn pyan ah kyak ci; Shin cu theingthap ci la kä theingthap ci, a i hawkcha ah m’hnüt bäi nak ah mawng thukhän ah kyak ci.

TAIGÜTHUM 11:47

Nangmi naw geing na ne nami ng’thumcha vai cu, theingcim ci la kä theingcim ciah ng’lakmah nak, ei vai ah khisa la kä ei vai ah khisa ah ng’lakmah nak gui ah kyak ci.

TAIGÜTHUM 15:32

Shin gui cu kheihnai om ciah pami, käcung, a patui lawk ciah pami ah phäh ah thungyo,

1 SAMUEL 3:14

Cun ah kyasei Eli ah kyong ung aktung ah ka m’dang cu, a i khawihnah nak, a i douthak nak naw phi, shin ah kyih vai ah katnak ah a phu cu kä heng hlawt khai,” cik ci.

EZEKIEL 36:17

ani naw pyen ci, “Hnicim chang, Israel chang gui cu ami khaw ung ami om sang ung, ngami naw ami om ih la ami hnünthawh awn ami khaw cu lelawi sak ci gui. Kei naw ngami ah om ih cu ka hmat ci, ngami cu hnumi a chashüi a law yah ung a kyak ah mäih ah kyak ci gui.