TAIGÜTHUM 15:29 - Cho Bible Common Language 2016

²⁹ A hnüüp cheit hnüüp ung cun ah hnumi naw mümbawk hnih, käcung mümkha hnih cu Bawipa ah om nak ah Phung valuh nak ung, taigü ah ma ah a law püi vai.

TAIGÜTHUM 15:29 Referans Kwoze

TAIGÜTHUM 15:28

A chashui ang pyi kawn ah ani cu hnüüp chih ung a om cang vai, cun kawn ah ani cu theingthap ciah kyak khai.

TAIGÜTHUM 15:30

Taigü naw tumat cu hmaphyawn douthak nak ah, tumat cu m’khih ne douthak nak ah a douthak vai. Acu cha ah ani naw ang ng’gängsei nak vai cu a bi vai.

TAIGÜTHUM 9:1

Phyutheh nak kümsei ami bi nak ah a hnüüp cheit hnüüp Moses naw Aaron la a hta gui la Israel ng’vai gui cu khü gui ci.

TAIGÜTHUM 12:6

A hta pami, käcung hnumi ah phäh ah ang ng’gängsei nak ah akhin, a khüm ah a kyak ung, ani naw Bawipa ah om nak ah Phung ah luh nak ung, taigü am m’khih ne douthak vai ah kum ät lawk ciah htome hta la katphyawn douthak nak vai ah mümkha baw, mümbawk baw a thak law vai.

TAIGÜTHUM 12:8

Hnumi naw htome cu kä a m’hnüt law hning ah a kyak ung, ani naw mümkha hnih baw, mümbawk hnih baw a law püi vai. Tumat cu m’khih ne douthak nak vai, tumat cu katphyawn douthak nak vai ah kyak khai. Taigü naw ani ah kä theing nak cu k’täm ne nawt heng pek khai, ani cu akcang ah theingthap khai.

TAIGÜTHUM 15:14

A hnüüp cheit hnüüp ung ani naw mümbawk hnih käcung mümkha hnih cu Bawipa ah om nak ah Phung valuh nak ung a law püi vai, taigü am a pek vai.

KHEI NAK 6:10

A hnüüp cheit hnüüp ani naw müm bawk hnih la mümkha hnih cu Bawipa ah om nak ah Phung ung luh nak ung taigü ah om nak ah a law püi vai.

MATTHE 21:12

Bawipa Jesuh naw pum im kyong ah hteit netah, pum im kyong ah sumlei ci gui cu k’täm gui ci. Ngui m’thawng ci gui ah tawnglan la mümkha yoi ci gui ah m’küm gui cu gäi ne lat yawp ci.