TAIGÜTHUM 15:28 - Cho Bible Common Language 2016

²⁸ A chashui ang pyi kawn ah ani cu hnüüp chih ung a om cang vai, cun kawn ah ani cu theingthap ciah kyak khai.

TAIGÜTHUM 15:28 Referans Kwoze

KALATIAN 4:4

Cun ung phi ak hnu ah akhin küm law khätah, Khanpughi naw Ahtapa cu yuk m’kyum lawk ci. Ani cu hnicim chang nu nah ne ng’tüi law ne, Jew gui ah thukhän kaa ah om lawk ci;

KALATIAN 3:13

Cacim ung, “Singlam khan ah tai ne ami ngawn naw Khanpughi ah m’kyuk nak gah pyi ci nei,” ciah a om ah mäih-ah Bawi Khrit cu mikmi ah hmawk ah m’kyuk nak gah netah, thukhän awn m’kyuk nak mi gah nak vai sü ung na phiawn gui ci.

1 KORIN 6:11

Nangmi amshah gui cu a cu k’chaa ah nami kya man ci, cun ung phi nami katnak cu ning theing cim sak gui pyi ci: Nangmi cu Khanpughi ung nami ng’ap pyi ci; Bawipa Jesuh Khrih ah ming awn la mi Khanpughi ah Mumcha awn nangmi cu Khanpughi ung düng nak nami gah pyi ci.

1 KORIN 1:30

Khanpughi naw nang cu Bawi Khrih Jesuh ung ning kawng ät sak gui ci, Khanpughi naw Bawi Khrih cu mik ah Lulang nak ah kyak sak ci. Bawipa awn mikmi cu Khanpughi ung mi ng’düng ci; mikmi cu Khanpughi ah chang theing ah mi kya law ne, phiawn nak mi gah ci.

MATTHE 1:21

Ani cu pamihta ah hta lawk khai. Cun ah Htapa cu ak chang gui ami kat nak ungka hun phiawn gui khai ah kyasei, ‘Jesuh’ ah ang ming nami sui vai cine pyen nak ci.

TAIGÜTHUM 15:27

Cun ah hnumi tawn ciah chang phung cu kä theingthap ci, ani cu asui am su vai, tui angsi vai, ani cu khaw mühun güt ung kä theingthap ciah kyak ci.

TAIGÜTHUM 15:29

A hnüüp cheit hnüüp ung cun ah hnumi naw mümbawk hnih, käcung mümkha hnih cu Bawipa ah om nak ah Phung valuh nak ung, taigü ah ma ah a law püi vai.