TAIGÜTHUM 15:19 - Cho Bible Common Language 2016

¹⁹ Hnumi tumat cu a chashui a law ah a kyak ung, ani cu hnüüp chih ung kä theingthap ci. Ani tawn ciah chang phung cu khaw mühun güt ung kä theingthap ci.

TAIGÜTHUM 15:19 Referans Kwoze

TAIGÜTHUM 12:2

Israel chang gui ah hmawk ah pek ci. Hnumi cu pami ah a hta ung hnüüp chih ung kä theingcim ci, cun cu a chashui a om khin ah mäih ah kyak ci.

MAKUH 5:25

Acun yah ung kho kum gha-lei-goi ung asi ng’chawt sei gaw ciah hnumi tumat om ci.

MATTHE 15:19

Chang ngawn nak, chang ah chu hta kat püi nak, changshe awn ih om nak, m’guk-ei hleei pyein nak, la chang m’thüi khang nak gui ah kä nik ciah ngaih-tüh gui phung cu, m’lung kyong ungka lut lawk ciah kyak ci.

EZEKIEL 36:17

ani naw pyen ci, “Hnicim chang, Israel chang gui cu ami khaw ung ami om sang ung, ngami naw ami om ih la ami hnünthawh awn ami khaw cu lelawi sak ci gui. Kei naw ngami ah om ih cu ka hmat ci, ngami cu hnumi a chashüi a law yah ung a kyak ah mäih ah kyak ci gui.

NG’ÄI KYAH 1:17

Kei naw ka kut ka shäng ci, cun ung phi a u naw kä na m’hteihtang khai. Bawipa naw ga gui cu kei na hnungtuk khai gui ah atäng päng ungka khü gui ci. Ngami naw kä ng’gängsei ciah chang ah mäih ah na om püi ci gui.

TAIGÜTHUM 20:18

Pami tumat cu a chashui law yah ciah hnumi awn ani ng’yawpawm ah a kyak ung, ani nik hnih cu chang bum ungka naw k’täm goi vai. A i ah kyasei ci ung ngani cu kä theingthap ciah mawng thungyo m’sheit ci goi ah kyak ci.

TAIGÜTHUM 12:4

Ani a theingthap ba nak vai cu hnüüp 33 hlü ba ci, asi ang chawt nak ungka naw tün ah kyak ci. Ani naw theingcim ci phung kä a tawn en vai, ang ng’gängsei nak kä a khüm pha ah chuih, theingciim ciah Phung ung kä a luh en vai.

TAIGÜTHUM 15:20

Cun ah hnumi naw a chashui a law yah ung a ngoh om nak phung cu kä theingthap ci.

TAIGÜTHUM 22:5

kä theingthap ciah khisa baw, chang baw, ngawn ah a kyak ung,